लेवी 8:12 - नेवाः बाइबल

¹² हानं वं अभिषेक यायेगु चिकं ज्‍वनाः हारूनया छेनय् प्‍वंकाः वयात शुद्ध यायेत अभिषेक यानाबिल।

लेवी 8:12 ပူးပေါင်းရင်းမြစ်များ

भजनसंग्रहया सफू 133:2

थ्‍व ला हारूनया छेनय् तयाब्‍यूगु व वया दारीइ न्‍ह्यानाः वयागु वसःया गःतां तक थ्‍यंगु मू वंगु चिकं थें खः।

प्रस्‍थान 28:41

छं थ्‍व वसः थः दाजु हारून व वया काय्‌पिन्‍त फिकाः इमित अभिषेक या। इमित पवित्र या। थथे इमित पलिस्‍था याये धुंकाः इमिसं पुजाहारी जुयाः जिगु सेवा याये फइ।

प्रस्‍थान 29:7

अनं लिपा अभिषेक याइगु चिकं कयाः वयागु छेनय् प्‍वंका अभिषेक या।

प्रस्‍थान 30:30

“हारून व वया काय्‌पिन्‍त अभिषेक यानाः पवित्र या। इमिसं पुजाहारी जुयाः जिगु सेवा यायेमाः।

लेवी 10:7

छिपिं नापलायेगु पालया चुकं पिने वने मते, मखुसा छिपिं सी, छाय्‌धाःसा परमप्रभुया अभिषेकया चिकं छिमिके दु।” अथे जूगुलिं इमिसं मोशां धाःथें यात।

लेवी 4:3

“‘अभिषेक जूम्‍ह पुजाहारीं पापयात धाःसा फुक्‍क मनूतय्‌त दोष लाःगु जुइ। थथे जूगुलिं वं याःगु पापया निंतिं छम्‍ह खू मदुम्‍ह द्वहंचा परमप्रभुया न्‍ह्यःने पापबलिकथं छायेमाः।

लेवी 7:36

गुखुन्‍हु इपिं अभिषेक जुल उखुन्‍हु हे परमप्रभुं इस्राएली मनूतय्‌सं इमित थ्‍व भाग बी धकाः उजं बियादिल। पुस्‍तौं पुस्‍ताया निंतिं न्‍ह्याबलें थ्‍व इमिगु ब्‍व जुइ।

लेवी 8:30

अले मोशां अभिषेकया भतिचा चिकं व वेदीं हि भतिचा कयाः हारून व वया वसतय् अले वया काय्‌पिं व इमिगु वसतय् नापं छ्वाकल। थथे वं हारून व वया काय्‌पिनिगु वसः नापं शुद्ध यानाबिल।