लेवी 7:7 - नेवाः बाइबल

⁷ “‘पापबलि थें हे दोषबलिइ नं अथे हे यायेगु खः। गुम्‍ह पुजाहारीं बलि छानाः इमिगु लागिं प्रायश्‍चित याइ, ला व हे पुजाहारीयागु जुइ।

लेवी 7:7 ပူးပေါင်းရင်းမြစ်များ

२ राजा 12:16

दोषबलि व शुद्ध जुइगु बलिं वःगु धिबा परमप्रभुया देगलय् हइ मखु, व पुजाहारीतय्‌गु हे जुइगु।

२ राजा 12:17

अबलय्‌पाखे हे अरामया जुजु हजाएलं गात शहरय् हमला यानाः उकियात त्‍याका काल। अनंलि यरूशलेमयात हमला यायेत फहिलावन।

लेवी 14:13

अले वं पापबलि व होमबलि स्‍याइगु पवित्र इलाकाय् चिधिकःम्‍ह भ्‍याःचायात स्‍यायेमाः। छाय्‌धाःसा पापबलि पुजाहारीया जू थें दोषबलि नं वयागु हे जुइ। अले व तसकं पवित्र खः।

लेवी 2:10

अन्‍नबलिं ल्‍यंगु ब्‍व हारून व वया काय्‌पिनिगु जुइमाः। परमप्रभुया निंतिं मेमेगु विशेष देछा स्‍वयाः थ्‍व तसकं पवित्र खः।

लेवी 2:3

अन्‍नबलिया ल्‍यं दुगु हारून व वया काय्‌पिनिगु जुइ। परमप्रभुया निंतिं मेमेगु विशेष देछा स्‍वयाः थ्‍व तसकं पवित्रगु खः।

लेवी 6:17

थुकी सोडा ल्‍वाकछ्यानाः मदय्‌केमाः। जितः छाःगु विशेष बलिया ब्‍व जिं इमित बियागु दु। अले थ्‍व पापबलि व दोषबलि थें हे पवित्र खः।

लेवी 7:8

होमबलियागु छेंगू होमबलि छाःम्‍ह पुजाहारीयागु हे जुइ।

गन्‍ती 5:8

व मनू सित, अले वयापाखें बं काइपिं सत्तीपिं सुं थःथिति नं मदुसा व बं परमप्रभुयागु जुइ। अले व पुजाहारीयात बीमाः। प्रायश्‍चितया निंतिं भ्‍याःचा नं बीमाः।

१ कोरिन्‍थी 10:18

यहूदीतय्‌गु चलन छकः नं बिचाः याना स्‍व। परमेश्‍वरयात बलि छायेहःगु प्रसाद नःपिं मनूत परमेश्‍वर नाप मिलय् जूपिं मखु ला?

१ कोरिन्‍थी 9:13

देगलय् सेवा याइपिन्‍सं देगलय् हे नयेदइ, अले बलि बी थाय् सेवा याइपिन्‍सं नं बलिं थःगु ब्‍ब काये दइ धकाः छिमिसं सि हे स्‍यू।