लेवी 7:37 - नेवाः बाइबल

³⁷ थ्‍व हे होमबलि, अन्‍नबलि, पापबलि, दोषबलि, अर्पणबलि व मेलबलिया विधि खः।

लेवी 7:37 ပူးပေါင်းရင်းမြစ်များ

प्रस्‍थान 29:1

“हारून व वया काय्‌पिन्‍त जिगु सेवा यायेत पलिस्‍था यायेबलय् छं यायेमाःगु ज्‍या थ्‍व हे खः, छम्‍ह खू मदुम्‍ह द्वहंचा व निम्‍ह खू मदुपिं भ्‍याःचा हजि।

प्रस्‍थान 29:22

“छं भ्‍याःचायागु दाः, दाःखाःगु न्‍हिप्‍यं, आतापुति-भ्‍वरी त्‍वपुइगु फुक्‍क दाः, सेँ त्‍वपुइगु पिलि, दाः नापंया निगलं जलासेँ व जव खम्‍पा का। थ्‍व अभिषेकयाम्‍ह भ्‍याःचा खः।

लेवी 1:1

परमप्रभुं मोशायात पवित्र पालया दुनें सःताः धयादिल,

लेवी 5:7

“‘चिधिकःम्‍ह भ्‍याःचा हये मफुसा वं परमप्रभुयाथाय् थःगु पापया सजाँयकथं निम्‍ह सुकुभत्तु वा निम्‍ह बखुं हयेमाः। छम्‍ह पापबलिया निंतिं व छम्‍ह होमबलिया निंतिं।

लेवी 6:20

“हारून अभिषेक जू खुन्‍हु वं व वया काय्‌पिन्‍सं परमप्रभुयात छायेमाःगु बलि थुकथं दु – सुथय् बच्‍छि व बहनिइ बच्‍छि यानाः न्‍हिं छगू व बागू किलोग्राम भिंगु छुचुं अन्‍नबलिकथं न्‍ह्याबलें छायेमाः।

लेवी 8:22

अनंलि वं अर्पणयाम्‍ह भ्‍याःचा न्‍ह्यःने यंकल। थ्‍व भ्‍याःचायागु छेनय् हारून व वया काय्‌पिन्‍सं नं थथःगु ल्‍हाः तल।

लेवी 8:23

अले मोशां वयात स्‍यात। वं हि कयाः हारूनया जव न्‍हाय्‌पं फ्‍वलय्, जव ल्‍हाःया बुरा-पतिंचाय् व जव तुतिया बुरा-पतिंचाय् तिकाबिल।