लेवी 7:19 - नेवाः बाइबल

¹⁹ “‘सुनानं अशुद्ध वस्‍तुं थ्‍यूगु ला नये मज्‍यू। व मिइ छ्वय्‌केमाः। विधिकथं शुद्ध जूम्‍ह मनुखं धाःसा ल्‍यं दुगु ला नयेफु।

लेवी 7:19 ပူးပေါင်းရင်းမြစ်များ

लेवी 6:27

सुनानं वा छुकिं व पशुया ला थी उकियागु पवित्रताया शक्तिं वयात हानि याइ। हि छफुतिं जक क्‍यूगु वसः नं पवित्रगु थासय् हीमाः।

लेवी 7:18

मेलबलिया ला कंस तक सुनानं नल धाःसा व नालेबहः जुइ मखु। व ला छाःम्‍हय्‌सियागु निंतिं छाःगु ल्‍याः याइ मखु, तर व अशुद्ध जुइ। अले व नःम्‍ह मनू दोषी थहरय् जुइ।

लेवी 7:20

तर अशुद्ध जुयाः परमप्रभुया मेलबलिया ला सुनानं नल धाःसा वयात वया मनूतय् दथुं पितिना छ्वयेमाः।

लूका 11:41

भु व ख्‍वलाय् च्‍वंगु नये मखंपिन्‍त ब्‍यु, अले छिपिं दुनेंनिसें यचुइ।”

प्रेरित 10:28

अले वं इमित धाल – “छम्‍ह यहूदी जुयाः मेगु जातियापिन्‍थाय् वनाः इपिंनापं संगत याये मज्‍यू धयागु खँ ला छिकपिन्‍सं सि हे स्‍यू। अय्‌नं परमेश्‍वरं जितः सुं मनूयात शुद्ध मजू व थीमज्‍यूपिं धाये मते धकाः धयादिल।

रोमी 14:14

प्रभु येशूयात विश्‍वास यानागुलिं छुं नं नसा थः हे अशुद्ध धयागु मदु धकाः जिं बांलाक थुइकाः सीका तयागु दु। सुनानं थ्‍व अशुद्ध खः धकाः बिचाः याःसा वयात व अशुद्ध हे जुइ।

रोमी 14:20

छिमिगु नयेत्‍वनेगुलिं परमेश्‍वरयागु ज्‍यायात स्‍यंके मते। धात्‍थें धायेगु खःसा फुक्‍क नसा शुद्ध जू, अय्‌नं सुनानं नयेत्‍वनेगुलिं मेम्‍ह विश्‍वासीयात स्‍यंकल धाःसा वं द्वंकूगु जुइ।

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

तीतस 1:15

शुद्धपिन्‍त ला फुक्‍कं शुद्ध हे जुइ। मभिंपिन्‍त व विश्‍वास मयाइपिन्‍त धाःसा छुं नं शुद्ध जुइ मखु, छाय्‌धाःसा इमिगु मन व बिचाः हे शुद्ध मजू।