लेवी 6:7 - नेवाः बाइबल

⁷ थ्‍व विधिकथं पुजाहारीं वयागु निंतिं परमप्रभुया न्‍ह्यःने प्रायश्‍चित यायेमाः। अले वयात क्षमा दइ।”

लेवी 6:7 ပူးပေါင်းရင်းမြစ်များ

प्रस्‍थान 34:7

वय्‌कः द्वलंद्वःयात माया यानादीम्‍ह, अधर्म, अपराध व पाप क्षमा यानादीम्‍ह खः। अय्‌सां वय्‌कलं द्वंयाःम्‍हय्‌सित सजाँय मब्‍यूसे त्‍वःतादी मखु। वय्‌कः पुर्खाया अधर्मया सजाँय इमि छय् व छुइया पालय् तकं नं बियादीम्‍ह खः।”

यशैया 1:18

परमप्रभुं थथे धयादी, “थन वा, झीपिंनापं च्‍वनाः थःथवय् खँल्‍हाबल्‍हा याये। छिमिगु पाप ह्याउँसे च्‍वंसां उपिं च्‍वापु थें तुयुसे च्‍वंकाबी। उपिं तच्‍वकं ह्याउँसे च्‍वंसां ऊन थें तुयुसे च्‍वनी।

इजकिएल 33:19

सुं मभिंम्‍ह मनुखं थःम्‍हं यानावयाच्‍वंगु मभिंगु ज्‍या त्‍वःताः न्‍याय व खःगु ज्‍या यात धाःसा उकिया कारणं व म्‍वाइ।

लेवी 2:1

“‘सुनानं परमप्रभुया निंतिं अन्‍नबलि छाःसा भिंगु छुचुं हयेमाः। उकी जैतूनया चिकं प्‍वंकाः धुपाँय्‌ तयेमाः।

लेवी 4:20

पापबलिया द्वहंयात वं गथे याःगु खः थ्‍व द्वहंयात नं अथे हे यायेमाः। थुकथं पुजाहारीं इमिगु निंतिं प्रायश्‍चित यायेमाः, अले इमित क्षमा दइ।

लेवी 4:26

उकिया फुक्‍क दाः मेलबलिया दाः थें वेदीइ छ्वय्‌केमाः। थथे पुजाहारीं नायःया पापया लागिं प्रायश्‍चित याइ, अले वयात क्षमा दइ।

लेवी 4:31

उकिया फुक्‍क दाः मेलबलिया दाः थें लिकायेमाः। अले पुजाहारीं परमप्रभुया निंतिं नस्‍वाः वय्‌केत वेदीइ छ्वय्‌केमाः। थथे पुजाहारीं उकिया निंतिं प्रायश्‍चित याइ, अले वयात क्षमा दइ।

लेवी 5:10

अनंलि पुजाहारीं मेम्‍ह झंगःयात नियमकथं होमबलि यानाः छाइ। थुकथं वं याःगु पापया निंतिं पुजाहारीं प्रायश्‍चित यायेमाः। अले वयात क्षमा दइ।

लेवी 5:13

थुकथं पुजाहारीं वयागु पापया निंतिं प्रायश्‍चित यायेमाः, अले वयात क्षमा दइ। ल्‍यं दुगु छुचुं धाःसा अन्‍नबलि बीबलय् थें पुजाहारीयागु हे जुइ।’”

लेवी 5:18

वं दोषबलिकथं पुजाहारीयाथाय् बथांपाखें खू मदुम्‍ह भ्‍याःचा हयेमाः। भ्‍याःचाया मू शेकेलयाकथं क्‍वःछी। पुजाहारीं वं मसीकं याःगु वयागु दोषया निंतिं प्रायश्‍चित याइ। अले वयात क्षमा दइ।

लेवी 6:8

परमप्रभुं मोशायात धयादिल,

लेवी 7:2

गुगु थासय् होमबलि स्‍याइ व हे थासय् दोषबलिया भ्‍याःचा नं स्‍यायेमाः। वयागु हि वेदीया जःखः छ्वाकेमाः।

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

मत्ती 12:31

“मनूतय्‌सं न्‍ह्यागु हे मखुगु खँ ल्‍हाःसां न्‍ह्यागु हे पाप याःसां इमित क्षमा बी, पवित्र आत्‍मायात मभिंकाः खँ ल्‍हाइपिन्‍त धाःसा क्षमा बी मखु।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

१ यूहन्‍ना 1:9

अय्‌नं झीसं थःगु पाप मानय् यात धाःसा परमेश्‍वरं झीगु पाप क्षमा यानादी, अले झीगु मनय् च्‍वंगु फुक्‍क पाप नं च्‍वत्तुक हुयादी, छाय्‌धाःसा वय्‌कः भरोसा याये बहःम्‍ह व धर्मीम्‍ह खः।