लेवी 6:4 - नेवाः बाइबल

⁴ व दोषी थहरय् जूगु दु। वं थःत तयेबियातःगु वस्‍तु, दि तय्‌कातःगु वस्‍तु, खुयातःगु वस्‍तु, झंगः लानाः कयातःगु वस्‍तु, तंगु लुइकाहःगु वस्‍तु,

लेवी 6:4 ပူးပေါင်းရင်းမြစ်များ

उत्‍पत्ति 21:25

अले अब्राहामं अबीमेलेकया दासतय्‌सं लाकाकाःगु तुंयागु खँ न्‍ह्यथन।

नहेम्‍याह 5:11

थौं हे इमिगु बुँ, दाखक्‍यब व जैतूनया क्‍यब व छेँ इमित लितब्‍यु। छिमिसं इमित धिबा, अन्‍न, न्‍हूगु दाखमद्य, चिकं त्‍यासा ब्‍यूबलय् इमिके काःगु ब्‍याज नं लितब्‍यु।”

अय्‍यूब 20:19

छाय्‌धाःसा वं गरीबयात हेलाः व क्‍वत्‍यःगु दु, थःम्‍हं मदय्‌कूगु छेँत वं जबरजस्‍ती कब्‍जा याःगु दु।

अय्‍यूब 24:2

दुष्‍ट मनूतय्‌सं सिमानाया ल्‍वहं चीकाछ्वइ, मेपिनिगु खुयाहःगु फैतय्‌गु बथां इमिसं ज्‍वइ।

यशैया 59:6

इमिगु जालं नं वसः दय्‌के फइ मखु, उकिं दय्‌कूग कापतं इमिसं थःपिन्‍त हे त्‍वपुइ फइ मखु। इमिसं अधर्मया ज्‍या यानाच्‍वंगु खः। अले मभिंगु ज्‍या इमिगु ल्‍हातय् हे दु।

इजकिएल 18:12

गरीब व मगाःमचाःपिन्‍त क्‍वत्‍यलीगु, खुइगु, बरः तयातःगु सामान लित मबीगु, मूर्तितपाखे स्‍वइगु व घच्‍चाइपुस्‍से च्‍वंगु ज्‍या याइगु।

इजकिएल 18:18

तर वया बौ थःगु अधर्मं यानाः सी, छाय्‌धाःसा वं जबरजस्‍ती कायेगु यात, थः किजायात लुतय् यात अले थः मनूतय् दथुइ मभिंगु ज्‍या यात।

इजकिएल 18:7

वं सुयातं क्‍वत्‍यली मखु तर त्‍यासा काःम्‍हय्‌सित वयागु बर लितबी। वं खुया काइ मखु, तर नये पित्‍याःम्‍हसित थःगु नयेगु नसा बी, नांगायात थःगु वसः फिका बी।

इजकिएल 33:15

धाये कि, वं त्‍यासा ब्‍यूबलय् कयातःगु बरः लित बिल, थःम्‍हं खुयायंकूगु सामान लित बिल, अले जीवन बीगु नियम मानय् यात व मभिंगु ज्‍या मयात धाःसा व धात्‍थें म्‍वाइ, व सी मखु।

इजकिएल 44:19

इपिं पिनेया चुकय् मनूतय्‌थाय् वनीबलय् सेवा याःबलय् फ्‍यूगु वसः त्‍वयेमाः, अले व वसः पवित्र क्‍वथाय् तयाः मेगु वसः फी हे माः। मखुसा थ्‍व पवित्र वसःपाखें चुकय् च्‍वंपिं पवित्रतां सी हे माःगु खः।

लेवी 24:18

सुं मनुखं सुं मनूयाम्‍ह पशुयात स्‍यात धाःसा स्‍याःम्‍हय्‌सिनं पशुया थुवाःयात उकिया पलेसा बीमाः।

लेवी 24:21

पशु स्‍याःम्‍हय्‌सिनं उकियागु पलेसा पुलेमाः। मनू स्‍याःम्‍हय्‌सित धाःसा स्‍याना हे छ्वयेमाः।

लेवी 4:12

पुजाहारीं थ्‍व फुक्‍क छाउनी पिने नउ वाइगु विधिकथं शुद्ध जूगु थासय् यंकाः सिँ द्यःने तयाः छ्वय्‌केमाः।

आमोस 3:10

परमप्रभुं धयादी, “खःगु गय् यानाः यायेगु धकाः इमिसं मस्‍यू, इमिसं लुतय् याःगु व खुयाहःगु सामान थःपिनिगु किल्‍लाय् दुने मुंकी।”

मीका 2:2

इमिसं मनूतय्‌गु छेँबुँ लोभ यानाः लाका काइ। इमिसं मनूतय्‌गु छेँ व सर्बय ठगय् यानाः काइ।

सपन्‍याह 1:9

उबले लुखाखलु हाचां गया जुइपिन्‍त अले थः द्यःतय्‌गु देगलय् ल्‍वापुख्‍यापु व ध्‍वंलाइगु ज्‍या याइपिं सकसित जिं सजाँय बी।

मलाकी 1:13

छिमिसं थथे नं धाइ, ‘ओह! थुपिं गुलि दिक्‍क चाइपुगु बलि खः।’ छिमिसं उकियात हेला यात, अले बांमलाःगु व्‍यवहार यात। छिमिसं घाःपाः जूम्‍ह, खुत्‍यां काःम्‍ह व ल्‍वगि पशु हयाः जितः छाइ। छु जिं थज्‍याःगु देछा छिमिगु ल्‍हातं कायेगु ला?” दक्‍व शक्ति दुम्‍ह परमप्रभुं धयादी।

गन्‍ती 5:7

वं थःगु पापया प्रायश्‍चित यायेमाः। अले वं थःम्‍हं दुःख ब्‍यूम्‍ह मनूयागु छुं स्‍यंगु दुसा उकियागु पलेसा पुलेमाः। नापं न्‍याब्‍वय् छब्‍व अप्‍वः बं पुलेमाः।