लेवी 6:26 - नेवाः बाइबल

²⁶ बलि छाइम्‍ह पुजाहारीं हे थुकिया ला नइ। नापलायेगु पालया चुकय् च्‍वनाः हे थ्‍व नयेमाः।

लेवी 6:26 ပူးပေါင်းရင်းမြစ်များ

प्रस्‍थान 40:33

दकलय् लिपा वं पवित्र पाल व वेदीया प्‍यखेरं घेरय् यानाः चुक दय्‌कल। अले चुकया ध्‍वाखाय् पर्दा यख्‍खानाबिल। थुकथं मोशां फुक्‍कं ज्‍या सिधय्‌कल।

इजकिएल 42:13

अले वं जितः धाल, “देगःया चुकपाखे स्‍वःगु उत्तर व दच्‍छिनयागु क्‍वथात धाःसा पुजाहारीया क्‍वथात खः, अन मनूतय्‌सं छाःगु दकलय् पवित्र भेटीत परमप्रभुया न्‍ह्यःने वनीपिं पुजाहारीतय्‌सं नयेगु याइ। अन इमिसं दकलय् पवित्र भेटीत, अन्‍नबलि, शुद्ध जुइगु बलि व दोषबलि तइ, छाय्‌धाःसा व थाय् पवित्र खः।

इजकिएल 46:20

“थ्‍व थाय् पुजाहारीतय्‌सं दोषबलि व शुद्ध जुइगु बलियागु ला दय्‌कीगु व अन्‍नबलि छाःगु छुचुनं मरि दय्‌कीगु थाय् खः। थथे पुजाहारीतय्‌गु थासय् याये हे माः। मखुसा थ्‍व पबित्र नसा चुकय् यंकीगुलिं अन च्‍वंपिन्‍त पवित्रतां सी हे माःगु खः।”

होशे 4:8

मनूतय्‌सं हःगु शुद्ध जुइगु बलित पुजाहारीतय्‌सं नइ। उकिं मनूतय्‌सं पाप याइबलय् पुजाहारीत लय्‌ताइ।

लेवी 6:16

“‘ल्‍यं दुगु धाःसा हारून व वया काय्‌पिन्‍सं नइ। इमिसं थुकियात सोडा मतसे व नापलायेगु पालया चुकय् च्‍वनाः नयेमाः।

लेवी 6:17

थुकी सोडा ल्‍वाकछ्यानाः मदय्‌केमाः। जितः छाःगु विशेष बलिया ब्‍व जिं इमित बियागु दु। अले थ्‍व पापबलि व दोषबलि थें हे पवित्र खः।

लेवी 6:29

पुजाहारी जुइपिं न्‍ह्याम्‍ह काय्‌मस्‍तय्‌सं नं थ्‍व नयेफु। थ्‍व तसकं पवित्र खः।

लेवी 7:7

“‘पापबलि थें हे दोषबलिइ नं अथे हे यायेगु खः। गुम्‍ह पुजाहारीं बलि छानाः इमिगु लागिं प्रायश्‍चित याइ, ला व हे पुजाहारीयागु जुइ।

१ कोरिन्‍थी 9:13

देगलय् सेवा याइपिन्‍सं देगलय् हे नयेदइ, अले बलि बी थाय् सेवा याइपिन्‍सं नं बलिं थःगु ब्‍ब काये दइ धकाः छिमिसं सि हे स्‍यू।