लेवी 6:21 - नेवाः बाइबल

²¹ थुकियात चिकंनाप वालाः द्वालय् छुयेमाः। अले कुचा कुचा यानाः परमप्रभुयात लय्‌ताय्‌केगु नस्‍वाः जुइत अन्‍नबलिकथं छायेमाः।

लेवी 6:21 ပူးပေါင်းရင်းမြစ်များ

१ इतिहास 23:29

देछागु मरि टेबुलय् मिलय् यायेगु, अन्‍नबलिया छुचुं, सोडा मतःगु मरि, छूगु व चिकनय् छुनातःगु मरि, ढक व नापय् यायेगु व लनेगु फुक्‍क ज्‍याया जिम्‍मा इमिगु खः।

१ इतिहास 9:31

कोरह वंशयाम्‍ह शल्‍लूमया तःधिकःम्‍ह काय् लेवी मत्तित्‍याहया ज्‍या देछाया मरि छुइगु खः।

लेवी 11:33

थुमिगु सीम्‍ह गुगुं नं कथंया चाया थलय् लात धाःसा उकी च्‍वंगु फुक्‍क वस्‍तु अशुद्ध जुइ। अले व चा थलयात तछ्याना छ्वयेमाः।

लेवी 15:12

“‘व ल्‍वगिम्‍ह मनुखं चाया थल थिल धाःसा, थ्‍यूगु चाया थल तछ्याना छ्वयेमाः, सिँया थल जक लखं सिलाछ्वयेमाः।

लेवी 2:5

छिमिगु बलि ताप्‍केचाय् छूगु अन्‍नबलि खःसा, चिकं बुलातःगु सोडा मतःगु भिंगु छुचुंया जुइमाः।

लेवी 6:22

थुकथं हे न्‍ह्याबलें अभिषेक जुयाः वयागु थासय् पुजाहारी जुइम्‍ह वया सन्‍तानं हे अन्‍नबलि छायेमाः। थ्‍व परमप्रभुया न्‍ह्याबलेंया ब्‍व खः, अले थ्‍व फुक्‍कं छ्वय्‌का छ्वयेमाः।

लेवी 7:12

“‘सुनानं परमप्रभुयात सुभाय् देछायेत मेलबलि छायेगु खःसा बलि बीत हःम्‍ह पशुनापं सोडा ल्‍वाकमछ्याःगु चिकनय् बुलातःगु ल्‍वहंचा मरि छपा, सालुगु मरि छपा अले सोडा मतःगु चिकनय् न्‍हायातःगु घः मरि छपा कयाः

लेवी 7:9

भुतलिइ, द्वालय् व ताप्‍केचाय् दय्‌कूगु अन्‍नबलि छाःम्‍ह पुजाहारीयागु हे जुइ।