लेवी 6:20 - नेवाः बाइबल

²⁰ “हारून अभिषेक जू खुन्‍हु वं व वया काय्‌पिन्‍सं परमप्रभुयात छायेमाःगु बलि थुकथं दु – सुथय् बच्‍छि व बहनिइ बच्‍छि यानाः न्‍हिं छगू व बागू किलोग्राम भिंगु छुचुं अन्‍नबलिकथं न्‍ह्याबलें छायेमाः।

लेवी 6:20 ပူးပေါင်းရင်းမြစ်များ

१ इतिहास 23:29

देछागु मरि टेबुलय् मिलय् यायेगु, अन्‍नबलिया छुचुं, सोडा मतःगु मरि, छूगु व चिकनय् छुनातःगु मरि, ढक व नापय् यायेगु व लनेगु फुक्‍क ज्‍याया जिम्‍मा इमिगु खः।

प्रस्‍थान 16:36

छगू ओमेर धयागु छगू एपाया झिब्‍वय् छब्‍व खः।

प्रस्‍थान 29:2

सोडा मतःगु भिंगु छुचुं कयाः चिकं ल्‍वाकछ्यानातःगु मरि व चिकनं बुलातःगु सालुगु मरि दय्‌कि।

लेवी 23:13

थुकिया नापं परमप्रभुया निंतिं अन्‍नबलिकथं छिमिसं चिकनय् न्‍हायातःगु छगू एपाया झिब्‍वय् निब्‍व भिंगु छुचुं नस्‍वाःया लागिं परमप्रभुया निंतिं विशेष देछाकथं छाये हयेमाः। थ्‍व नापं छगू लिटर दाखमद्य नं छायेमाः।

लेवी 5:1

“‘सुनानं थःम्‍हं खंगु व न्‍यंगु खँया साक्षी बीमाः थाय् साक्षी मबिल धाःसा व पाप खः अले वं उकियागु निंतिं दोष फयेमाली।

लेवी 5:11

“‘छुं जुयाः वं निम्‍ह सुकुभत्तु वा निम्‍ह बखुं नं हये मफुसा छगू एपाया झिब्‍वय् छब्‍व नचुगु छुचुं पापबलिया निंतिं हयेमाः। वं उकी चिकं वा धुपाँय्‌ मतयेमाः, छाय्‌धाःसा थ्‍व पापबलि खः।

लेवी 6:11

अले वं फिनातःगु वसः त्‍वयाः मेगु वसः पुनाः नौयात छाउनी पिने छगू शुद्धगु थासय् यंकेमाः।

लेवी 6:19

परमप्रभुं मोशायात हानं धयादिल,

गन्‍ती 28:10

न्‍हियान्‍हिथं छाइगु होमबलि व त्‍वँसाबलि बाहेक विश्रामबार पतिकं छाइगु होमबलि थ्‍व हे खः।

गन्‍ती 28:3

“छं इमित थथे धा, ‘छिमिसं परमप्रभुया निंतिं छायेमाःगु विशेष देछा थ्‍व हे खः – निम्‍ह दच्‍छि दुपिं खू मदुपिं भ्‍याःचा न्‍हियान्‍हिथंया होमबलिकथं न्‍हिं न्‍हिं छायेमाः।

गन्‍ती 4:16

“हारून पुजाहारीया काय् एलाजारयात त्‍वाःदेवाया चिकं, नस्‍वाःगु गुँगू, न्‍हियान्‍हिथंया अन्‍नबलि व अभिषेकया चिकं, अले पवित्र पाल व उकिया फुक्‍क पवित्र सामान व ज्‍वलं जिम्‍मा बियातःगु खः।”

हिब्रू 5:1

परमेश्‍वरनापं स्‍वापु दुगु खँय् मनूतय्‌पाखें इमिगु पापया निंतिं बलि बित व छाय्‌छी यायेत न्‍हापा न्‍हापा मनूतय्‌गु हे पुचलं दकलय् तःधंम्‍ह पुजाहारी ल्‍यइगु खः।

हिब्रू 7:27

वय्‌कलं मेपिं दकलय् तःधंपिं पुजाहारीतय्‌सं थें न्‍हियान्‍हिथं थःगु व मेपिनिगु पापयागु निंतिं बलि बियाच्‍वने माःगु मदु, छाय्‌धाःसा थःत लः ल्‍हानादीबलय् हे वय्‌कः सदांया निंतिं छकलं बलिदान जुइ धुंकल।