लेवी 6:13 - नेवाः बाइबल

¹³ वेदीइ मि मदिक्‍क च्‍याना हे च्‍वनेमाः, व गुबलें हे सी मज्‍यू।

लेवी 6:13 ပူးပေါင်းရင်းမြစ်များ

प्रस्‍थान 29:1

“हारून व वया काय्‌पिन्‍त जिगु सेवा यायेत पलिस्‍था यायेबलय् छं यायेमाःगु ज्‍या थ्‍व हे खः, छम्‍ह खू मदुम्‍ह द्वहंचा व निम्‍ह खू मदुपिं भ्‍याःचा हजि।

प्रस्‍थान 29:2

सोडा मतःगु भिंगु छुचुं कयाः चिकं ल्‍वाकछ्यानातःगु मरि व चिकनं बुलातःगु सालुगु मरि दय्‌कि।

प्रस्‍थान 29:40

छम्‍ह चिधिकःम्‍ह भ्‍याःचानापं भिंगु छगू हीनया प्‍यब्‍वय् छब्‍व जैतूनया चिकनय् न्‍हायातःगु एपाया झिब्‍वय् छब्‍व भिंगु छुचुं अले त्‍वँसाबलिया निंतिं छगू हीनया प्‍यब्‍वय् छब्‍व दाखमद्य छा।

यशैया 31:9

इमि जुजु ग्‍यानाः बिस्‍युं वनी अले इमि सेनापतित लडाइँया ध्‍वाँय् खनाः ग्‍यानाः आत्ते जुइ।” परमप्रभु, सुयागु मि सियोनय् अले भट्टी यरूशलेमय् दु, वय्‌कलं धयादीगु दु।

इजकिएल 40:46

अले उत्तरपाखे स्‍वःगु क्‍वथा धाःसा वेदीइ व देगलय् सेवा याइपिं पुजाहारीतय्‌गु निंतिं खः। थुपिं सादोकया काय्‌पिं खः, लेवीतय् सन्‍तान मध्‍ये उपिं जक परमप्रभुया न्‍ह्यःने सेवा यायेत वय्‌कःया लिक्‍क वयेफु।”

लेवी 6:12

वेदीइ मि च्‍याना हे च्‍वनेमाः, अले गुबलें मसीमाः। पुजाहारीं न्‍हिन्‍हिं सुथय् उकी सिँ तनेमाः, पुजाहारीं होमबलिया कुचात व मेलबलिया दाः मिया च्‍वय् मिलय् यानाः तयेमाः।

लेवी 6:14

“‘अन्‍नबलि छायेगु विधि थथे खः – हारूनया काय्‌पिन्‍सं थुकियात परमप्रभुया न्‍ह्यःने वेदीइ हयेमाः।

लेवी 6:9

“हारून व वया काय्‌पिन्‍त थथे आज्ञा ब्‍यु, ‘होमबलि बीगु विधि थथे खः – होमबलि चच्‍छि व सुथय् तक वेदीइ तयेमाः। वेदीइ मि च्‍यानाच्‍वनेमाः।

लेवी 9:24

उबलय् हे परमप्रभुयापाखें मि पिहां वयाः वेदीइ च्‍वंगु होमबलि व दाःयात भस्‍म यात। थ्‍व खनाः मनूत तःसलं हालाः बँय् भ्‍वसुल।