लेवी 6:11 - नेवाः बाइबल

¹¹ अले वं फिनातःगु वसः त्‍वयाः मेगु वसः पुनाः नौयात छाउनी पिने छगू शुद्धगु थासय् यंकेमाः।

लेवी 6:11 ပူးပေါင်းရင်းမြစ်များ

प्रस्‍थान 29:37

न्‍हय्‌न्‍हु तक छं वेदीया निंतिं प्रायश्‍चित यानाः उकिं व शुद्ध जुइ। अले वेदी तच्‍वकं पवित्र जुइ। व उकियात थ्‍यूगु न्‍ह्यागु नं पवित्र जुइ।

इजकिएल 44:19

इपिं पिनेया चुकय् मनूतय्‌थाय् वनीबलय् सेवा याःबलय् फ्‍यूगु वसः त्‍वयेमाः, अले व वसः पवित्र क्‍वथाय् तयाः मेगु वसः फी हे माः। मखुसा थ्‍व पवित्र वसःपाखें चुकय् च्‍वंपिं पवित्रतां सी हे माःगु खः।

लेवी 16:27

हिपाखें प्रायश्‍चित यायेत महा-पवित्रगु थासय् हःगु पापबलिया द्वहं व दुगुयात छाउनीं पिने यंकाः इमिगु छेंगू, ला व आतापुति मिइ छ्वयेका छ्वयेमाः।

लेवी 24:9

अले थ्‍व मरि हारून व वया सन्‍तानतय्‌गु निंतिं खः। अले परमप्रभुयात छाःगु विशेष देछात मध्‍ये थ्‍व इमिगु न्‍ह्याबलेंया भाग तसकं पवित्र खः। अथे जुयाः इमिसं थ्‍व नापलायेगु पाल दुने नयेमाः।”

लेवी 4:12

पुजाहारीं थ्‍व फुक्‍क छाउनी पिने नउ वाइगु विधिकथं शुद्ध जूगु थासय् यंकाः सिँ द्यःने तयाः छ्वय्‌केमाः।

लेवी 4:21

पुजाहारीं व द्वहंयात छाउनी पिने यंकाः न्‍हापांयाम्‍हय्‌सित छ्वय्‌कू थें छ्वय्‌केमाः। थ्‍व इस्राएलया फुक्‍क मनूतय्‌गु निंतिं पापबलि खः।

लेवी 6:10

अले पुजाहारीं पुजाहारीया सुति वसः व दुनेया सुति वसः पुनाः होमबलिया नौ लिकयाः वेदीया छखे तयेमाः।

लेवी 6:12

वेदीइ मि च्‍याना हे च्‍वनेमाः, अले गुबलें मसीमाः। पुजाहारीं न्‍हिन्‍हिं सुथय् उकी सिँ तनेमाः, पुजाहारीं होमबलिया कुचात व मेलबलिया दाः मिया च्‍वय् मिलय् यानाः तयेमाः।

लेवी 6:20

“हारून अभिषेक जू खुन्‍हु वं व वया काय्‌पिन्‍सं परमप्रभुयात छायेमाःगु बलि थुकथं दु – सुथय् बच्‍छि व बहनिइ बच्‍छि यानाः न्‍हिं छगू व बागू किलोग्राम भिंगु छुचुं अन्‍नबलिकथं न्‍ह्याबलें छायेमाः।

लेवी 6:22

थुकथं हे न्‍ह्याबलें अभिषेक जुयाः वयागु थासय् पुजाहारी जुइम्‍ह वया सन्‍तानं हे अन्‍नबलि छायेमाः। थ्‍व परमप्रभुया न्‍ह्याबलेंया ब्‍व खः, अले थ्‍व फुक्‍कं छ्वय्‌का छ्वयेमाः।

लेवी 7:6

पुजाहारी जुइपिं न्‍ह्याम्‍ह काय्‌मस्‍तय्‌सं नं थ्‍व नयेफु। थ्‍व नापलायेगु पालया चुकय् च्‍वनाः नयेमाः। थ्‍व तसकं पवित्रगु खः।