लेवी 5:4 - नेवाः बाइबल

⁴ “‘सुनानं मसीकं भिंगु वा मभिंगु न्‍ह्यागु खँय् जूसां बिचाः मयासें पाफयाः लिपा वाःचाल धाःसा व दोषी थहरय् जुइ।

लेवी 5:4 ပူးပေါင်းရင်းမြစ်များ

२ शमूएल 21:7

जुजुं दाऊद व शाऊलया काय् जोनाथनं परमप्रभुया न्‍ह्यःने पाफःगुलिं शाऊलया छय्, जोनाथनया काय् मपीबोशेतयात बचय् याना तल।

२ राजा 6:31

जुजुं धाल, “शाफातया काय् एलीशाया छ्यं वयागु ब्‍वहलय् थौंया दिं क्‍वचाइबलय् तक दयाच्‍वन धाःसा जितः परमेश्‍वरं थथे हे वा थ्‍व स्‍वयाः अप्‍वः यानादीमा।”

भजनसंग्रहया सफू 106:33

छाय्‌धाःसा इमिसं परमेश्‍वरयागु आत्‍माया विरोधय् विद्रोह यात, उकिं मोशां बिचाः मयासें नवात।

लेवी 5:13

थुकथं पुजाहारीं वयागु पापया निंतिं प्रायश्‍चित यायेमाः, अले वयात क्षमा दइ। ल्‍यं दुगु छुचुं धाःसा अन्‍नबलि बीबलय् थें पुजाहारीयागु हे जुइ।’”

लेवी 5:3

“‘सुनानं मसीकं मनूया म्‍हया छुं अशुद्धगु ब्‍व थियाः लिपा वाःचाल धाःसा व दोषी थहरय् जुइ।

गन्‍ती 30:6

“भाकल याये धुंकाः वा बिचाः मयासें बचं बीधुंकाः वयागु ब्‍याहा जुल धाःसा,

गन्‍ती 30:8

अय्‌नं वया भाःतं व खँ न्‍यनाः व हे दिनय् वयात पन धाःसा वयागु भाकल वा वं ब्‍यूगु बचं ज्‍यालगय् जुइ मखु। परमप्रभुं व मिसायात क्षमा यानादी।

मत्ती 14:7

अले वं न्‍ह्यागु फ्‍वंसां बी धकाः पाफल।

मत्ती 14:9

थ्‍व न्‍यनाः वं तसकं नुगः मछिंकल, अय्‌नं न्‍ह्यागु फ्‍वंसां बी धकाः फुक्‍कसिगु न्‍ह्यःने पाफये धुंकूगुलिं यूहन्‍नायागु छ्यं ध्‍यनाः हजि धकाः उजं बिल।

मर्कूस 6:23

जुजुं पाफयाः धाल – “छं न्‍ह्यागु हे फ्‍वंसां जिं बी, जिगु राज्‍य बच्‍छि हे जूसां बी।”

प्रेरित 23:12

कन्‍हय् खुन्‍हु सुथय् यहूदीतय् नायःतय्‌सं मुनाः पावलयात स्‍यायेगु ग्‍वसाः ग्‍वल। इमिसं “पावलयात मस्‍यासे त्‍वःते मखु, वयात मस्‍याय्‌कं नये नं मखु, त्‍वने नं मखु” धकाः पाफल।

यहोशू 2:14

“छंगु प्राणया पलेसा जिमिगु प्राण!” मनूतय्‌सं वयात बचं बिल। “जिमिगु थ्‍व ज्‍या सुयातं मधाल धाःसा परमप्रभुं जिमित थ्‍व देश बियादीबलय् जिमिसं छन्‍त विश्‍वास यायेबहः जुयाः दयामाया याये।”

यहोशू 9:15

अले यहोशूं इमित मस्‍यासे हे तये धकाः इपिंलिसें सन्‍धि यात। अले खलःयापिं नायःतय्‌सं नं सन्‍धियात मानय् याये धकाः पाफल।

न्‍यायकर्ता 11:31

जि अम्‍मोनीतय्‌त बुकाः याउँक लिहां वयेबलय् जिगु छेँनं पिहांवःम्‍ह न्‍ह्याम्‍ह जिं नापलासां व परमप्रभुयाम्‍ह जुइ अले जिं वयात होमबलि याना छाये।”

न्‍यायकर्ता 21:18

तर झीसं थःम्‍ह्याय्‌पिं इमित ब्‍याहा यानाः बी फइ मखु, छाय्‌धाःसा सुं बेन्‍यामीनीयात म्‍ह्याय्‌मस्‍त ब्‍यूम्‍ह मनूयात सराः लाइ धकाः झीसं पाफयागु दु।”

न्‍यायकर्ता 21:7

ल्‍यंदुपिं बेन्‍यामीनी मिजंतय्‌गु निंतिं झीसं गनं मिसात हयेगु?

न्‍यायकर्ता 9:19

अथे जुयाः छिमिसं थौं यरूब-बाल व वया परिवारलिसें पाय्‌छिगु व्‍यवहार यानागु दुसा छिपिं अबीमेलेकलिसें लय्‌ता, अले व छिपिंलिसें लय्‌तायेमा।

१ शमूएल 1:11

हन्‍नाहं थथे धयाः परमप्रभुयात भाकल यात, “हे दक्‍व शक्ति दुम्‍ह परमप्रभु, छिं थः दासीयागु दुःख थुइकाः थः दासीयात माया यानागु खः धयागु जूसा, छिं थः दासीयात ल्‍वःमंका मदी धयागु खःसा, थः दासीयात छम्‍ह काय् बियादिसँ अले जिं वयात वयागु जिवंकाछिया निंतिं छितः बी अले वयागु छेनय् गुबलें ख्‍वःचा लाइ मखु।”

१ शमूएल 25:22

कन्‍हय् सुथय् तक व नापं दुपिं छम्‍ह जक मिजंत म्‍वानाच्‍वन धाःसा परमेश्‍वरं जितः कडा सजाँय बियादीमा।”