लेवी 5:18 - नेवाः बाइबल

¹⁸ वं दोषबलिकथं पुजाहारीयाथाय् बथांपाखें खू मदुम्‍ह भ्‍याःचा हयेमाः। भ्‍याःचाया मू शेकेलयाकथं क्‍वःछी। पुजाहारीं वं मसीकं याःगु वयागु दोषया निंतिं प्रायश्‍चित याइ। अले वयात क्षमा दइ।

लेवी 5:18 ပူးပေါင်းရင်းမြစ်များ

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

लेवी 1:4

अले वं थःगु ल्‍हाः होमबलि पशुया छेनय् तयेमाः। अले वयागु प्रायश्‍चितया लागिं ग्रहण याइगु जुइ।

लेवी 14:12

“पुजाहारीं चिधिकःम्‍ह भ्‍याःचा छम्‍ह व १/३ लिटर चिकं कयाः दोषबलिकथं छायेमाः। वं संकाबीगु बलिकथं परमप्रभुया न्‍ह्यःने उकियात छायेमाः।

लेवी 4:20

पापबलिया द्वहंयात वं गथे याःगु खः थ्‍व द्वहंयात नं अथे हे यायेमाः। थुकथं पुजाहारीं इमिगु निंतिं प्रायश्‍चित यायेमाः, अले इमित क्षमा दइ।

लेवी 5:17

“सुनानं मसीकं परमप्रभुं याये मते धाःगु खँ यानाः पापयात धाःसा व दोषी थहरय् जुइ। अले उकिया सजाँय वं फयेमाली।

लेवी 5:19

थ्‍व दोषबलि खः। थज्‍याःम्‍ह मनू धात्‍थें हे परमप्रभुया न्‍ह्यःने दोषी थहरय् जूगु खः।”

गन्‍ती 15:24

अले खलकं मसीकं मचायेकं व मभिंगु ज्‍या याःगु जूसा, फुक्‍क खलकं परमप्रभुयात यःगु नस्‍वाःकथं होमबलिया निंतिं छम्‍ह द्वहंचा, उकिया अन्‍नबलि व त्‍वँसाबलि नापं विधिकथं छायेमाः। अले नापं पापबलिया निंतिं छम्‍ह दुगु नं छायेमाः।