लेवी 5:16 - नेवाः बाइबल

¹⁶ सुनानं थुकथं परमप्रभुयात छाये हयेमाःगु पवित्र खँय् द्वंकल धाःसा वं उकिया पलेसा पुले हे माः। अज्‍ज न्‍याब्‍वय् छब्‍व अप्‍वः तनेमाः। वं थ्‍व फुक्‍क व दोषबलिया भ्‍याःचा पुजाहारीयाथाय् हयेमाः। पुजाहारीं वयागु पापया निंतिं भ्‍याःचायात दोषबलिकथं छानाः प्रायश्‍चित याइ। अले वयात क्षमा दइ।

लेवी 5:16 ပူးပေါင်းရင်းမြစ်များ

भजनसंग्रहया सफू 69:4

जितः म्‍वाय्‌कं म्‍वाय्‌कं मयय्‌काच्‍वंपिं जिगु छेनय् च्‍वंगु सँ स्‍वयाः अप्‍वः दु। इमिसं मखुगु मखुगु द्वपं बियाः जितः स्‍यंकेत स्‍वयाच्‍वंगु दु। जिं का हे मकयागु नं लित हिँ धकाः जिलिसें ल्‍वापु थःवयाच्‍वन।

प्रस्‍थान 22:1

“सुनानं द्वहं वा फै खुयाः स्‍यात वा मिल धाःसा वं छम्‍ह द्वहंया पलेसा न्‍याम्‍ह द्वहं व छम्‍ह फैया पलेसा प्‍यम्‍ह फै पुलेमाः।

लेवी 22:14

“‘तर सुं मनुखं मसीकं पवित्र वस्‍तुं नल धाःसा वं उकियागु न्‍याब्‍वय् छब्‍व तनाः उकियात पवित्र देछाकथं पुजाहारीयात बीमाः।

लेवी 27:13

व मनुखं मू पुलाः पशुयात लिफ्‍याइगु खःसा, क्‍वःछीगु मुलय् मेगु न्‍याब्‍वय् छब्‍व तनाबीमाः।

लेवी 27:15

तर छाःम्‍हय्‌सिनं मू पुलाः व लिफ्‍यायेगु इच्‍छायात धाःसा, क्‍वःछीगु मुलय् मेगु न्‍याब्‍वय् छब्‍व तनाः वं बीमाः। अले व छेँ हानं वयागु हे जुइ।

लेवी 27:27

व अशुद्ध पशुं दकलय् न्‍हापा बुइकूम्‍ह खःसा क्‍वःछ्यूगु मुलय् हानं मेगु न्‍याब्‍वय् छब्‍व मू तनाः उकियात लिफ्‍याना कायेमाः। तर मू पुलाः लिफ्‍याइगु मखुसा क्‍वःछ्यूगु मुलय् मिया छ्वयेमाः।

लेवी 27:31

अले सुनां झिब्‍वय् छब्‍वयागु छुं मू पुलाः लिफ्‍याइगु खःसा वं उकियागु न्‍याब्‍वय् छब्‍व तनाबीमाः।

लेवी 4:20

पापबलिया द्वहंयात वं गथे याःगु खः थ्‍व द्वहंयात नं अथे हे यायेमाः। थुकथं पुजाहारीं इमिगु निंतिं प्रायश्‍चित यायेमाः, अले इमित क्षमा दइ।

लेवी 4:26

उकिया फुक्‍क दाः मेलबलिया दाः थें वेदीइ छ्वय्‌केमाः। थथे पुजाहारीं नायःया पापया लागिं प्रायश्‍चित याइ, अले वयात क्षमा दइ।

लेवी 5:10

अनंलि पुजाहारीं मेम्‍ह झंगःयात नियमकथं होमबलि यानाः छाइ। थुकथं वं याःगु पापया निंतिं पुजाहारीं प्रायश्‍चित यायेमाः। अले वयात क्षमा दइ।

लेवी 5:13

थुकथं पुजाहारीं वयागु पापया निंतिं प्रायश्‍चित यायेमाः, अले वयात क्षमा दइ। ल्‍यं दुगु छुचुं धाःसा अन्‍नबलि बीबलय् थें पुजाहारीयागु हे जुइ।’”

लेवी 5:6

अले वं सजाँयकथं परमप्रभुयाथाय् बथांपाखें मिसाम्‍ह चिधिकःम्‍ह फै वा च्‍वलय् पापबलि छाये हयेमाः। पुजाहारीं वयागु पापया निंतिं प्रायश्‍चित यायेमाः।

लेवी 7:2

गुगु थासय् होमबलि स्‍याइ व हे थासय् दोषबलिया भ्‍याःचा नं स्‍यायेमाः। वयागु हि वेदीया जःखः छ्वाकेमाः।

गन्‍ती 5:7

वं थःगु पापया प्रायश्‍चित यायेमाः। अले वं थःम्‍हं दुःख ब्‍यूम्‍ह मनूयागु छुं स्‍यंगु दुसा उकियागु पलेसा पुलेमाः। नापं न्‍याब्‍वय् छब्‍व अप्‍वः बं पुलेमाः।

गन्‍ती 5:8

व मनू सित, अले वयापाखें बं काइपिं सत्तीपिं सुं थःथिति नं मदुसा व बं परमप्रभुयागु जुइ। अले व पुजाहारीयात बीमाः। प्रायश्‍चितया निंतिं भ्‍याःचा नं बीमाः।

लूका 19:8

जखायसं प्रभुयात धाल – “स्‍वयादिसँ प्रभु, जिं जिगु बच्‍छि सम्‍पत्ति नये मखंपिन्‍त इनाबी। अले जिं सुयागुं थगय् यानाः कयातयागु दुसा, वयात प्‍यदुगं अप्‍वः तनाबी।”

प्रेरित 26:20

जिं थ्‍व खँ दकलय् न्‍हापालाक दमस्‍कसय् च्‍वंपिन्‍त न्‍यंका। अले यरूशलेम व यहूदियाय् न्‍यंकं व यहूदीमखुपिन्‍त नं थथःगु पापं लिचिलाः परमेश्‍वरयाथाय् लिफः स्‍वयाः वा धकाः न्‍यंका। अले थःम्‍हं पश्‍चाताप यानागु ज्‍यां नं क्‍यँ धकाः नं धया।

१ शमूएल 6:3

इमिसं लिसः बिल, “छुं जुयाः छिकपिन्‍सं इस्राएलया परमेश्‍वरया सनू लित छ्वयेगु खःसा खालि ल्‍हातं छ्वये मते। तर वय्‌कःया निंतिं दोषबलि नं पक्‍का छ्वयादिसँ। अले छिकपिनिगु ल्‍वय् लनी व वय्‌कलं छाय् छिकपिनिपाखें ल्‍ह्वंगु ल्‍हाः लितकयामदिल धइगु खँ थुइ।”