लेवी 5:1 - नेवाः बाइबल

¹ “‘सुनानं थःम्‍हं खंगु व न्‍यंगु खँया साक्षी बीमाः थाय् साक्षी मबिल धाःसा व पाप खः अले वं उकियागु निंतिं दोष फयेमाली।

लेवी 5:1 ပူးပေါင်းရင်းမြစ်များ

१ राजा 22:16

आहाबं वयात धाल, “परमप्रभुया नामय् छु सत्‍य खः जितः व जक धा धकाः जिं छन्‍त ग्‍वकः पाफय्‌केगु?”

१ राजा 8:31

“सुनानं थः जःलाखःलाया विरोधय् अपराध यात धाःसा अले वयात पाफय्‌कल धाःसा वं थ्‍व देगः दुने छिगु वेदीया न्‍ह्यःने पाफल धाःसा

२ इतिहास 18:15

तर आहाबं वयात धाल, “परमप्रभुया नामय् छु सत्‍य खः, व जक जितः धाः धकाः जिं छन्‍त ग्‍वकः पाफय्‌केगु?”

भजनसंग्रहया सफू 38:4

जि म्‍ह छम्‍हं पापय् दुने धुन। ल्‍ह्वनां ल्‍ह्वने मफय्‌क थ्‍व झ्‍यातुइ धुंकल।

प्रस्‍थान 22:11

अले निम्‍हय्‌सिया दथुइया थ्‍व ल्‍वापु उम्‍ह जःलाखःलां मेम्‍ह मनूयागु पशु जिं खुयागु मदु धकाः परमप्रभुया न्‍ह्यःने वनाः पाफयाः ल्‍वापु मिलय् यायेमाः। अले पशु तयातःम्‍हय्‌सिनं छुं नं पलेसा पुलेम्‍वाः।

हितोपदेश 29:24

खुँयात ग्‍वाहालि याइम्‍ह थः हे थःम्‍ह शत्रु जुइ। वं खःगु साक्षी ब्‍यूसां सजाँय फयेमाली, मब्‍यूसां परमेश्‍वरया सराः फयेमाली।

हितोपदेश 30:9

यक्‍व दत कि जिं छितः हे ल्‍वःमंकाः धायेफु, “परमप्रभु धयाम्‍ह सु खः?” अले यक्‍व चीमि जुल कि नं खुयाः नयाः जिं परमेश्‍वरया पवित्रगु नांयात क्‍वह्यंके फु।

यशैया 53:11

वं थःगु प्राणं तसकं सास्‍ती नये धुंकाः वं जीवनया जः खनी अले थः लुधनी। थःगु ज्ञानं यानाः जिमि धर्मीम्‍ह दासं यक्‍वसित धर्मी यानाबी, वं हे इमिगु अधर्म क्‍वबिइ।

यर्मिया 23:10

छाय्‌धाःसा थ्‍व देश व्‍यभिचारी हे व्‍यभिचारीं जाःगु दु। सराः लाःगुलिं देश सुख्‍खा जूगु दु। मरुभूमियागु पशु ज्‍वयेगु थाय् गंगु दु। अगमवक्तात मभिंपाखे ब्‍वाँय् वंगु दु, इमिसं थःगु शक्ति मखुथाय् छ्यःगु दु।

इजकिएल 18:20

सुनां पापयात, व हे सी। काय्‌नं थः अबुया दोषया फल भोगय् याइ मखु, न अबुं काय्‌म्‍हय्‌सिगु पाप भोगय् याइ। धर्मीयात थःगु धार्मिकताया फल व दुष्‍टयात थःगु मभिंगु ज्‍याया फल दइ।

इजकिएल 18:4

छाय्‌धाःसा फुक्‍क प्राण जिगु हे खः। गथे बौया प्राण अथे हे काय्‌या प्राण नं जिगु खः। सुनां पाप याइ, व हे सी।

लेवी 17:16

वं वसः महिल धाःसा अले म्‍वः नं मल्‍हुल धाःसा वं याःगु पापया दोष वयात हे लाइ।’”

लेवी 19:8

सुनानं उकियात नल धाःसा थःगु पापया लागिं व मनू थः हे दोषी जुइ। छाय्‌धाःसा वं परमप्रभुया पवित्र खँ अशुद्ध यात। अले वयात थः मनूतपाखें पितिना छ्वयेमाः।

लेवी 20:17

“‘सुनानं थः तःकेहेँपिं, थः बौ वा मांया पाखेंयाम्‍ह म्‍ह्याय्‌यात ब्‍याहा यानाः लसपस यात धाःसा व लज्‍या चायापुगु ज्‍या खः। इमित इमि थः मनूतपाखें पितिनाछ्वयेमाः। वं थः केहेँयात लज्‍या चायापुगु ज्‍या खः। अले व उकिया दोषी जुइ।

लेवी 4:2

“इस्राएलीतय्‌त थथे धा, ‘परमप्रभुं याये मते धयादीगु ज्‍याखँ मसीकं सुनानं पाप यात धाःसा वं थथे यायेमाः,

लेवी 5:15

“सुनानं मसीकं परमप्रभुया पवित्र सम्‍पत्तिया छुं नं खँय् पापयात धाःसा वं सजाँयकथं परमप्रभुयाथाय् बथांपाखें खू मदुम्‍ह भ्‍याःचा छायेमाः। भ्‍याःचाया मू पवित्र पालया शेकेल कथं क्‍वःछी। थ्‍व दोषबलि खः।

लेवी 5:17

“सुनानं मसीकं परमप्रभुं याये मते धाःगु खँ यानाः पापयात धाःसा व दोषी थहरय् जुइ। अले उकिया सजाँय वं फयेमाली।

लेवी 7:18

मेलबलिया ला कंस तक सुनानं नल धाःसा व नालेबहः जुइ मखु। व ला छाःम्‍हय्‌सियागु निंतिं छाःगु ल्‍याः याइ मखु, तर व अशुद्ध जुइ। अले व नःम्‍ह मनू दोषी थहरय् जुइ।

गन्‍ती 9:13

अय्‌नं शुद्धम्‍ह व यात्राय् मवंम्‍ह मनुखं छुत्‍काराया नखः महंसा वयात थः मनूत मध्‍ये नाश याना छ्वयेमाः। छाय्‌धाःसा वं क्‍वःछीगु इलय् देछा मछाः। व मनुखं थःगु पापयागु सजाँय भोगे यायेमाः।

मत्ती 26:63

वय्‌कलं छुं हे धयामदी। अले दकलय् तःधंम्‍ह पुजाहारीं हानं धाल – “म्‍वाःम्‍ह परमेश्‍वरयागु नामं जिं छन्‍त धयाच्‍वना – छ परमेश्‍वरया काय्, मुक्ति बीम्‍ह ख्रीष्‍ट खः ला?”

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

न्‍यायकर्ता 17:2

छन्‍हु वं थः मांयात धाल, “छिगु १,१०० वहःयागु कुचा खुया काःबलय् जिं ताय्‌कः छिं खुँयात सराः बियादीगु खः। स्‍व, व धिबा जिके दु। व जिं हे खुया कयागु खः।” वया मामं धाल, “जि यःम्‍ह काय् छन्‍त परमप्रभुं सुवाः बियादीमा।”