लेवी 4:3 - नेवाः बाइबल

³ “‘अभिषेक जूम्‍ह पुजाहारीं पापयात धाःसा फुक्‍क मनूतय्‌त दोष लाःगु जुइ। थथे जूगुलिं वं याःगु पापया निंतिं छम्‍ह खू मदुम्‍ह द्वहंचा परमप्रभुया न्‍ह्यःने पापबलिकथं छायेमाः।

लेवी 4:3 ပူးပေါင်းရင်းမြစ်များ

२ इतिहास 29:21

इमिसं राज्‍य, पवित्रथाय् व यहूदाया निंतिं शुद्ध जुइगु बलिकथं न्‍हय्‌म्‍ह द्वहं, न्‍हय्‌म्‍ह भ्‍याःचा, न्‍हय्‌म्‍ह फै व न्‍हय्‌म्‍ह दुगुचा हल। जुजुं हारूनया सन्‍तान पुजाहारीतय्‌त थुपिं फुक्‍कं परमप्रभुया वेदीइ छायेगु आज्ञा बिल।

एज्रा 8:35

अनंलि ज्‍वनायंकाः लित छ्वयाहःपिन्‍सं इस्राएलया परमेश्‍वरया निंतिं होमबलि छाल। फुक्‍क इस्राएलया निंतिं झिंनिम्‍ह (१२) द्वहं, गुइखुम्‍ह (९६) भ्‍याःचा व न्‍हयेन्‍हय्‌म्‍ह (७७) चिधिकःपिं भ्‍याःचा अले पापबलिकथं झिंनिम्‍ह दुगुचा छाल। थ्‍व फुक्‍क परमप्रभुया निंतिं होमबलि खः।

प्रस्‍थान 29:14

द्वहंचाया ला, छेंगू व सउ धाःसा छाउनी पिने मिइ छ्वय्‌काछ्व। व पापबलि खः।

प्रस्‍थान 29:21

अले वेदीइ च्‍वंगु हि व अभिषेकया भतिचा चिकं कयाः हारून व वया वसतय् अले वया काय्‌पिं व इमिगु वसतय् नं छ्वाकाब्‍यु। थथे हारून, वया काय्‌पिं व इमिगु वसः शुद्ध जुइ।

प्रस्‍थान 29:7

अनं लिपा अभिषेक याइगु चिकं कयाः वयागु छेनय् प्‍वंका अभिषेक या।

प्रस्‍थान 30:10

हारूनं दँय् छक्‍वः वेदीया न्‍यकुली प्रायश्‍चित यायेमाः। छिमि पुस्‍ता पुस्‍ता तक दँय् छक्‍वः शुद्ध जुइगु बलिया हिं उकी प्रायश्‍चित यायेमाः। थ्‍व हे वेदी परमप्रभुयात तसकं पवित्र खः।”

इजकिएल 40:39

होमबलि, शुद्ध जुइगु बलि व दोषबलि स्‍यायेत दुहां वनेगु लुखाया दलानया निखेंपाखे निगः निगः टेबिल दु।

इजकिएल 43:19

छिमिसं जिगु न्‍ह्यःने सेवा यायेत वइपिं सादोकया परिवारया लेवीतय् सन्‍तान पुजाहारीतय्‌त शुद्ध जुइगु बलिया निंतिं छम्‍ह द्वहंचा बीमाः, परमप्रभु परमेश्‍वरं धयादी।

इजकिएल 44:27

पवित्र थासय् सेवा यायेत पवित्रगु थाय्‌या दुनेया चुकय् दुहां वनेगु दिं वं थःगु निंतिं शुद्ध जुइगु बलि छायेमाः। परमप्रभु परमेश्‍वरं धयादी।

लेवी 1:10

“‘सुनानं परमप्रभुया निंतिं बथांपाखें फै वा दुगुचा बलि हल धाःसा वं खू मदुम्‍ह मिजंम्‍ह छायेमाः।

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

लेवी 16:11

“हारूनं थःगु व थःगु छेँजःया प्रायश्‍चितया निंतिं पापबलिया द्वहं हयेमाः। थःगु पापबलिया द्वहंयात स्‍याये धुंकाः

लेवी 16:3

“हारून महा-पवित्र थासय् दुहां वने न्‍ह्यः वं थुपिं उजं पालन यायेमाः, वं पापबलिया निंतिं छम्‍ह द्वहंचा व होमबलिया निंतिं छम्‍ह भ्‍याःचा हयेमाः।

लेवी 16:5

अले हारूनं इस्राएलीतय् खलःपाखें वयात पापबलिया निंतिं निम्‍ह दुगुचा व होमबलिया निंतिं भ्‍याःचा छम्‍ह हयेमाः।

लेवी 16:6

“अनंलि हारूनं थःगु पापबलिया द्वहं छायेमाः अले थःगु व थः छेँजःया निंतिं प्रायश्‍चित यायेमाः।

लेवी 4:14

थःपिन्‍सं याःगु पाप पिज्‍वइबलय् इमिसं पापबलिया निंतिं द्वहंचा हयाः नापलायेगु पालया ध्‍वाखाय् छायेमाः।

लेवी 4:23

वं याःगु पाप वयाके पिज्‍वःसा वं छम्‍ह खू मदुम्‍ह दुगु थःगु बलिया निंतिं हयेमाः।

लेवी 4:28

वं याःगु पाप वयाके खनेदत धाःसा थःम्‍हं यानागु पापया निंतिं थःगु बलिकथं खू मदुम्‍ह च्‍वलय् हयेमाः।

लेवी 4:5

अले अभिषेक जूम्‍ह पुजाहारीं द्वहंया हि कयाः पवित्र थाय्‌या दुने हयेमाः।

लेवी 5:6

अले वं सजाँयकथं परमप्रभुयाथाय् बथांपाखें मिसाम्‍ह चिधिकःम्‍ह फै वा च्‍वलय् पापबलि छाये हयेमाः। पुजाहारीं वयागु पापया निंतिं प्रायश्‍चित यायेमाः।

लेवी 6:18

अले सदांया निंतिं हारूनया मिजंपिं सन्‍तानतय्‌सं थ्‍व नयेमाः। परमप्रभुयात छायेहःगु अन्‍नबलितपाखें थ्‍व इमिगु पुस्‍तौं पुस्‍ताया लागिं इमिगु ब्‍व खः। मेपिं सुनानं विशेष देछा थिल धाःसा उकियागु पवित्रताया शक्तिं वयात हानि याइ।’”

लेवी 8:12

हानं वं अभिषेक यायेगु चिकं ज्‍वनाः हारूनया छेनय् प्‍वंकाः वयात शुद्ध यायेत अभिषेक यानाबिल।

लेवी 9:2

अले वं हारूनयात धाल, “थःगु पापबलिया निंतिं छम्‍ह खू मदुम्‍ह द्वहंचा व होमबलिया निंतिं खू मदुम्‍ह भ्‍याःचा यंकाः परमप्रभुया न्‍ह्यःने बलि ब्‍यु।

लेवी 9:3

अले इस्राएलीतय्‌त धा, ‘पापबलिया लागिं छम्‍ह दुगु व होमबलिया लागिं दच्‍छि दुम्‍ह व खू मदुम्‍ह द्वहंचा व चिधिकःम्‍ह भ्‍याःचा छम्‍ह छम्‍ह ज्‍वँ।

गन्‍ती 16:22

अले मोशा व हारूनं बँय् भ्‍वपुयाः धाल, “हे परमेश्‍वर, फुक्‍क प्राणीतय्‌त सासः बियादीम्‍ह परमेश्‍वर, छम्‍ह मनुखं पाप याःगुलिं छु छि फुक्‍क खलःलिसें तं चायादियागु ला?”

गन्‍ती 8:8

अले इमिसं छम्‍ह द्वहंचा व चिकं ल्‍वाकछ्यानातःगु भिंगु छुचुंया अन्‍नबलि हयेमाः। अले छं पापबलिया निंतिं मेम्‍ह छम्‍ह द्वहंचा हजि।

रोमी 8:3

झीपिं बमलाःबलय् व्‍यवस्‍थां यायेमाःगु ज्‍या याये मफुगुलिं परमेश्‍वरं थःकाय्‌यात छ्वयाहयादिल। वय्‌कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्‌कलं झीगु शरीरय् पापयागु दोष क्‍यनादिल।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

हिब्रू 5:3

अय्‌जूगुलिं वं मेपिनिगु पापयागु निंतिं बलि बीबलय् थःगु हे पापयागु निंतिं नं बलि बीमाः।

हिब्रू 9:12

वय्‌कः दुगुचा व द्वहंचातय्‌गु हि हाय्‌काः मखु, बरु थःगु हे हि हाय्‌काः उद्धार बीम्‍ह जुयाः छकलं हे सदांयात महा-पवित्रगु थासय् दुहां झाःगु खः।