लेवी 4:28 - नेवाः बाइबल

²⁸ वं याःगु पाप वयाके खनेदत धाःसा थःम्‍हं यानागु पापया निंतिं थःगु बलिकथं खू मदुम्‍ह च्‍वलय् हयेमाः।

लेवी 4:28 ပူးပေါင်းရင်းမြစ်များ

उत्‍पत्ति 3:15

छंगु व मिसाया दथुइ अले छं मस्‍त व मिसाया मस्‍तय् दथुइ जिं ल्‍वापु थनाबी। वं छंगु छ्यं तछ्याइ, छं वयागु ग्‍वालिइ न्‍याइ।”

भजनसंग्रहया सफू 90:8

छिं जिमिगु पाप थःगु न्‍ह्यःने तयादी, जिमिगु सुलाच्‍वंगु पापयात थःम्‍हं खनीगु थासय् तयादी।

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

यर्मिया 31:22

हे विश्‍वास यायेबहः मजूम्‍ह म्‍ह्याय्, छ गुबलय् तक थुखे उखे चाःहिलाजुयेगु? परमप्रभुयागु छगू न्‍हूगु सृष्‍टि पृथ्‍वीइ खने दइ। छम्‍ह मिसां छम्‍ह मिजंयात रक्षा याइ।”

लेवी 4:14

थःपिन्‍सं याःगु पाप पिज्‍वइबलय् इमिसं पापबलिया निंतिं द्वहंचा हयाः नापलायेगु पालया ध्‍वाखाय् छायेमाः।

लेवी 4:23

वं याःगु पाप वयाके पिज्‍वःसा वं छम्‍ह खू मदुम्‍ह दुगु थःगु बलिया निंतिं हयेमाः।

लेवी 4:3

“‘अभिषेक जूम्‍ह पुजाहारीं पापयात धाःसा फुक्‍क मनूतय्‌त दोष लाःगु जुइ। थथे जूगुलिं वं याःगु पापया निंतिं छम्‍ह खू मदुम्‍ह द्वहंचा परमप्रभुया न्‍ह्यःने पापबलिकथं छायेमाः।

लेवी 4:32

“‘सुनानं पापबलिया निंतिं फैया मचा हल धाःसा वं खू मदुम्‍ह मिसाम्‍ह चिधिकःम्‍ह फै हयेमाः।

लेवी 5:6

अले वं सजाँयकथं परमप्रभुयाथाय् बथांपाखें मिसाम्‍ह चिधिकःम्‍ह फै वा च्‍वलय् पापबलि छाये हयेमाः। पुजाहारीं वयागु पापया निंतिं प्रायश्‍चित यायेमाः।

रोमी 8:3

झीपिं बमलाःबलय् व्‍यवस्‍थां यायेमाःगु ज्‍या याये मफुगुलिं परमेश्‍वरं थःकाय्‌यात छ्वयाहयादिल। वय्‌कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्‌कलं झीगु शरीरय् पापयागु दोष क्‍यनादिल।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।