लेवी 4:21 - नेवाः बाइबल

²¹ पुजाहारीं व द्वहंयात छाउनी पिने यंकाः न्‍हापांयाम्‍हय्‌सित छ्वय्‌कू थें छ्वय्‌केमाः। थ्‍व इस्राएलया फुक्‍क मनूतय्‌गु निंतिं पापबलि खः।

लेवी 4:21 ပူးပေါင်းရင်းမြစ်များ

एज्रा 8:35

अनंलि ज्‍वनायंकाः लित छ्वयाहःपिन्‍सं इस्राएलया परमेश्‍वरया निंतिं होमबलि छाल। फुक्‍क इस्राएलया निंतिं झिंनिम्‍ह (१२) द्वहं, गुइखुम्‍ह (९६) भ्‍याःचा व न्‍हयेन्‍हय्‌म्‍ह (७७) चिधिकःपिं भ्‍याःचा अले पापबलिकथं झिंनिम्‍ह दुगुचा छाल। थ्‍व फुक्‍क परमप्रभुया निंतिं होमबलि खः।

प्रस्‍थान 29:14

द्वहंचाया ला, छेंगू व सउ धाःसा छाउनी पिने मिइ छ्वय्‌काछ्व। व पापबलि खः।

इजकिएल 45:22

उखुन्‍हु राजकुमारं थःगु निंतिं व देशयापिं फुक्‍क मनूतय्‌गु निंतिं शुद्ध जुइगु बलिया निंतिं छम्‍ह द्वहं बीमाः।

लेवी 16:15

“अले वं मनूतय्‌गु पापबलिया निंतिं दुगुयात स्‍यायेमाः। उकिया हि भचा कयाः महा-पवित्र थासय् यंकाः द्वहंया हि हाः याः थें प्रायश्‍चितया कृपा-आसनया च्‍वय् व न्‍ह्यःने छ्वाकेमाः।

लेवी 16:21

अले हारूनं थःगु निपा ल्‍हाः दुगुचिया छेनय् तयाः इस्राएलीतय्‌गु फुक्‍क मभिंगु ज्‍या, पाप व अपराधयात नालाः व फुक्‍क दुगुचिया छेनय् चीकेमाः। अनंलि व दुगुचित मरुभूमिइ यंकीम्‍ह मनूयात बियाछ्वयेमाः।

लेवी 16:27

हिपाखें प्रायश्‍चित यायेत महा-पवित्रगु थासय् हःगु पापबलिया द्वहं व दुगुयात छाउनीं पिने यंकाः इमिगु छेंगू, ला व आतापुति मिइ छ्वयेका छ्वयेमाः।

लेवी 4:13

“‘इस्राएलया फुक्‍क मनूतय्‌सं परमप्रभुं याये मते धयादीगु ज्‍याखँ मसीकं यात धाःसा इमिसं थथे यायेमाः –

लेवी 4:20

पापबलिया द्वहंयात वं गथे याःगु खः थ्‍व द्वहंयात नं अथे हे यायेमाः। थुकथं पुजाहारीं इमिगु निंतिं प्रायश्‍चित यायेमाः, अले इमित क्षमा दइ।

लेवी 6:11

अले वं फिनातःगु वसः त्‍वयाः मेगु वसः पुनाः नौयात छाउनी पिने छगू शुद्धगु थासय् यंकेमाः।

लेवी 6:23

पुजाहारीया फुक्‍क अन्‍नबलि छ्वय्‌का छ्वयेमाः। थ्‍व मनयेमाः।”

लेवी 8:17

परमप्रभुं मोशायात उजं बियादी थें वं द्वहंयागु छेंगू, ला व सौ नापं छाउनी पिने यंकाः मिं छ्वय्‌काबिल।

गन्‍ती 15:24

अले खलकं मसीकं मचायेकं व मभिंगु ज्‍या याःगु जूसा, फुक्‍क खलकं परमप्रभुयात यःगु नस्‍वाःकथं होमबलिया निंतिं छम्‍ह द्वहंचा, उकिया अन्‍नबलि व त्‍वँसाबलि नापं विधिकथं छायेमाः। अले नापं पापबलिया निंतिं छम्‍ह दुगु नं छायेमाः।

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

हिब्रू 13:11

दकलय् तःधंम्‍ह पुजाहारीं महा-पवित्रगु थासय् बलियागु हि छाये यनी। अले बांयागु म्‍ह जक छाउनीं पिने यनाः उनाछ्वइ।