लेवी 4:18 - नेवाः बाइबल

¹⁸ अनं लिपा पवित्र थाय्‌या दुने परमप्रभुया न्‍ह्यःने च्‍वंगु गुँगू थनिगु वेदीया नेकुलिइ व हि छुं भचा तिकेमाः। ल्‍यंगु हि धाःसा नापलायेगु पालया ध्‍वाखाय् होमबलिया वेदीया तःलय् प्‍वंकेमाः।

लेवी 4:18 ပူးပေါင်းရင်းမြစ်များ

२ इतिहास 29:22

उकिं इमिसं न्‍हापा द्वहंत स्‍यात, अले उमिगु हि कयाः वेदीइ छ्वाकल, अनं लिपा भ्‍याःचात स्‍यात, अले उमिगु हि कयाः वेदीइ छ्वाकल, अनं लिपा फैचात स्‍यात अले उमिगु हि कयाः वेदीइ छ्वाकल।

प्रस्‍थान 29:12

द्वहंचाया हि भतिचा थःगु पतिंचां कयाः वेदीया नेकुलिइ तिकाब्‍यु। ल्‍यं दुगु हि धाःसा वेदीया तःलय् प्‍वंकाब्‍यु।

प्रस्‍थान 30:10

हारूनं दँय् छक्‍वः वेदीया न्‍यकुली प्रायश्‍चित यायेमाः। छिमि पुस्‍ता पुस्‍ता तक दँय् छक्‍वः शुद्ध जुइगु बलिया हिं उकी प्रायश्‍चित यायेमाः। थ्‍व हे वेदी परमप्रभुयात तसकं पवित्र खः।”

लेवी 4:25

अनंलि पुजाहारीं थःगु पतिंचां पापबलिया हि भतिचा कयाः होमबलिया वेदीया नेकुलिइ तिकेमाः। अले ल्‍यंगु हि वेदीया तःलय् प्‍वंकेमाः।

लेवी 4:30

अनंलि पुजाहारीं थःगु पतिंचां शुद्ध जुइगु बलि हि भतिचा कयाः होमबलिया वेदीया नेकुलिइ तिकेमाः। अले उकिया ल्‍यंगु हि वेदीया तःलय् प्‍वंकेमाः।

लेवी 4:34

अनंलि पुजाहारीं थःगु पतिंचां शुद्ध जुइगु बलि हि भतिचा कयाः होमबलिया वेदीया नेकुलिइ तिकेमाः। उकिया ल्‍यंगु हि धाःसा वेदीया तःलय् प्‍वंकेमाः।

लेवी 4:7

अले पुजाहारीं हि भतिचा कयाः पवित्र थासय् दुने परमप्रभुया न्‍ह्यःने च्‍वंगु गुँगू थनेगु वेदीया नेकुलिइ तिकेमाः। अले द्वहंया ल्‍यं दुगु हि नापलायेगु पालया ध्‍वाखाय् होमबलिया वेदीया तःलय् प्‍वंकेमाः।

लेवी 5:9

वं पापबलिया हि भतिचा कयाः वेदीया छखेपाखे छ्वाकि, अले ल्‍यं दुगु हि फुक्‍क वेदीया तःलय् प्‍वंकाछ्वइ। थ्‍व पापबलि खः।

लेवी 6:30

पाप प्रायश्‍चित यायेत पवित्रगु थासय् पापबलिया पशुया हि छाये हःसा उम्‍ह पशुया ला नये मज्‍यू। व फुक्‍कं मिइ च्‍याका छ्वयेमाः।

लेवी 8:15

अले मोशां द्वहंयात स्‍यात। वं हि भतिचा कयाः थःगु पतिंचां वेदीया प्‍यंगू नेकुलिइ तिकाः वेदीयात शुद्ध यानाबिल। ल्‍यं दुगु हि धाःसा वं वेदीया तःलय् प्‍वंकल। थथे यानाः वं वयागु लागिं प्रायश्‍चित यायेत वेदी शुद्ध यानाबिल।

लेवी 9:9

वया काय्‌पिन्‍सं हि वयागु ल्‍हातय् बिल। वं हिइ थःगु पतिंचा थुनाः वेदीया नेकुलिइ तिकल। अले ल्‍यं दुगु हि फुक्‍क वेदीया तःलय् प्‍वंकाबिल।