लेवी 4:15 - नेवाः बाइबल

¹⁵ खलःया थकालिपिन्‍सं परमप्रभुया न्‍ह्यःने द्वहंयागु छेनय् थथःगु ल्‍हाः तयेमाः, अले व द्वहंयात परमप्रभुया न्‍ह्यःने स्‍यायेमाः।

लेवी 4:15 ပူးပေါင်းရင်းမြစ်များ

२ इतिहास 29:23

शुद्ध जुइगु बलिया दुगुत धाःसा जुजु व खलःया न्‍ह्यःने हल, अले इमिसं दुगुतय् छेनय् थथःगु ल्‍हाः तल।

प्रस्‍थान 24:1

हानं परमप्रभुं मोशायात धयादिल, “छ हारून, नादाब, अबीहू व न्‍हयेम्‍ह थकालित नापं जिथाय् च्‍वय् थहां वा अले तापाक्‍कं हे आराधना या।

प्रस्‍थान 24:9

अनं लिपा मोशा, हारून, नादाब, अबीहू व न्‍हयेम्‍ह थकालित च्‍वय् थहां वन।

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

लेवी 1:4

अले वं थःगु ल्‍हाः होमबलि पशुया छेनय् तयेमाः। अले वयागु प्रायश्‍चितया लागिं ग्रहण याइगु जुइ।

लेवी 16:21

अले हारूनं थःगु निपा ल्‍हाः दुगुचिया छेनय् तयाः इस्राएलीतय्‌गु फुक्‍क मभिंगु ज्‍या, पाप व अपराधयात नालाः व फुक्‍क दुगुचिया छेनय् चीकेमाः। अनंलि व दुगुचित मरुभूमिइ यंकीम्‍ह मनूयात बियाछ्वयेमाः।

लेवी 4:16

अनं लिपा अभिषेक जूम्‍ह पुजाहारीं व द्वहंयागु हि भतिचा कयाः पवित्र थासय् हयेमाः।

लेवी 4:4

वं द्वहंयात नापलायेगु पालया ध्‍वाखाय् परमप्रभुया न्‍ह्यःने हयाः वयागु छेनय् थःगु ल्‍हाः तयाः परमप्रभुया न्‍ह्यःने स्‍यायेमाः।

लेवी 8:14

अनं लिपा वं पापबलिया द्वहं हल, अले हारून व वया काय्‌पिन्‍सं पापबलिया द्वहंया छेनय् थथःगु ल्‍हाः तल।

लेवी 8:18

अनं लिपा मोशां होमबलि छायेत भ्‍याःचा हल। हारून व वया काय्‌पिन्‍सं थथःगु ल्‍हाः भ्‍याःचाया छेनय् तल।

लेवी 8:22

अनंलि वं अर्पणयाम्‍ह भ्‍याःचा न्‍ह्यःने यंकल। थ्‍व भ्‍याःचायागु छेनय् हारून व वया काय्‌पिन्‍सं नं थथःगु ल्‍हाः तल।

गन्‍ती 11:16

अले परमप्रभुं मोशायात धयादिल, “जिगु निंतिं छं इस्राएलीतय् धर्मगुरुत मध्‍ये मनूतय् नायःत व अधिकारीत खः धकाः थम्‍हं म्‍हस्‍यूपिं न्‍हयेम्‍हय्‌सित (७०) मुंकि। अले इमित नापलायेगु पालय् जिगु न्‍ह्यःने हयाः थःनापं तुं थँ।

गन्‍ती 11:25

अले परमप्रभु सुपाँचय् कुहां झायाः व नापं खँ ल्‍हानादिल। परमप्रभुं मोशायाके दुगु आत्‍मां छुं छुं आत्‍मा कयाः न्‍हयेम्‍ह थकालितय्‌के तयाबिल। इमिके आत्‍मा वयेवं इमिसं अगमवाणी यात, तर हानं लिपा गुबलें अथे मयाः।

गन्‍ती 8:10

छं लेवीतय्‌त परमप्रभुया न्‍ह्यःने हजि। अले इस्राएलीतय्‌सं थथःगु ल्‍हाः लेवीतय्‌गु म्‍हय् तयेमाः।

गन्‍ती 8:12

“अले लेवीतय्‌सं द्वहंतय्‌गु छेनय् थथःगु ल्‍हाः तयेमाः, अले लेवीतय्‌गु निंतिं प्रायश्‍चित यायेत छम्‍ह द्वहंचायात पापबलिकथं व निम्‍हय्‌सित होमबलिकथं छं परमप्रभुयात बलि छायेमाः।