लेवी 3:9 - नेवाः बाइबल

⁹ अले व मनुखं मेलबलिपाखें परमप्रभुयात विशेष देछा छायेमाः। थथे दाः व दुगः क्‍वँय्‌या लिक्‍कनं अलग यानातःगु दाःखाःगु न्‍हिप्‍यं दुगु क्‍वँय् निसें फायाबीमाः, आतापुति भ्‍वरि त्‍वपुइगु दाः व उकिया च्‍वय्‌च्‍वंगु दाः नं फुक्‍क लिकायेमाः।

लेवी 3:9 ပူးပေါင်းရင်းမြစ်များ

२ शमूएल 6:17

इमिसं परमप्रभुया सनूयात पाल ग्‍वयाः थःथाय् दुने यंकाः पक्‍का यानातःगु थासय् तये यंकल। अले दाऊदं परमप्रभुया न्‍ह्यःने होमबलि व मेलबलि छाल।

१ राजा 3:15

सोलोमनया न्‍ह्यलं चाल। व ला म्‍हगस खः धकाः वं सिल। व यरूशलेमय् लिहां वनाः परमप्रभुया बाचाया सनूया न्‍ह्यःने दनाः परमप्रभुयात होमबलि व मेलबलित छाल। अनंलि वं थः फुक्‍क भारदारतय्‌त भ्‍वय् नकल।

१ राजा 8:63

सोलोमनं परमप्रभुयात २२,००० म्‍ह द्वहं व १,२०,००० म्‍ह फै व दुगुया मेलबलि छाल। थुकथं जुजु व फुक्‍क मनूतय्‌सं परमप्रभुया देगःयात देछात।

१ राजा 8:64

उखुन्‍हु हे जुजुं परमप्रभुया देगःया न्‍ह्यःने चुकया दथुइच्‍वंगु ब्‍वयात पवित्र यात अले होमबलि, अन्‍नबलि व मेलबलिया दाः अन हे छाल, छाय्‌धाःसा वं दय्‌कूगु कँय्‌यागु वेदीइ होमबलि, अन्‍नबलि व दाःया ब्‍व मन्‍ह्यन।

१ इतिहास 16:1

लेवीतय्‌सं परमेश्‍वरया सनू हयाः दाऊदं व तयेत ग्‍वःगु पाल दुने तल, अले इमिसं परमेश्‍वरयात होमबलि व मेलबलि छाल।

प्रस्‍थान 29:22

“छं भ्‍याःचायागु दाः, दाःखाःगु न्‍हिप्‍यं, आतापुति-भ्‍वरी त्‍वपुइगु फुक्‍क दाः, सेँ त्‍वपुइगु पिलि, दाः नापंया निगलं जलासेँ व जव खम्‍पा का। थ्‍व अभिषेकयाम्‍ह भ्‍याःचा खः।

हितोपदेश 23:26

हे जिमि काय्! थःगु नुगः जितः ब्‍यु। अले थःगु मिखा जिगु लँय् लाकि।

यशैया 53:10

वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

लेवी 17:5

इस्राएलीतय्‌सं खुल्‍लागु थासय् बियावयाच्‍वंगु बलि आवंलि नापलायेगु पालया ध्‍वाखाय् पुजाहारीतय्‌थाय् परमप्रभुया लागि हयाः वय्‌कःया लागि मेलबलिकथं छायेमाः धकाः थ्‍व आज्ञा ब्‍यूगु खः।

लेवी 7:3

पुजाहारीं थुकिया फुक्‍क दाः वेदीइ छायेमाः। दाःखाःगु न्‍हिप्‍यं, दुलापिलायात भुनाच्‍वंगु दाः,

लेवी 8:25

अले वं दाः, दाःखाःगु न्‍हिप्‍यं, आतपुति-भ्‍वरी त्‍वपुइगु फुक्‍क दाः, सेँया भिंगु ब्‍व, दाः नापंया निगः जलासेँ व जव खम्‍पा काल।

लेवी 9:19

द्वहंयागु दाः व भ्‍याःचायागु दाःखाःगु न्‍हिप्‍यं, जलासेँ व सेँया भिंगु ब्‍वयात

गन्‍ती 7:88

अले मेलबलिया निंतिं मुक्‍कं निइप्‍यम्‍ह द्वहं, खुइम्‍ह भ्‍याःचा, खुइम्‍ह दुगु व खुइम्‍ह दच्‍छि दुपिं चिधिकःपिं भ्‍याःचा छाःगु जुयाच्‍वन। वेदीया अभिषेक याये धुंकाः उकियात छायेत हःगु देछा थ्‍व हे खः।

१ शमूएल 10:8

“छि जि वये न्‍ह्यः हे गिलगालय् क्‍वहां झासँ अले जिं होमबलि व मेलबलि छायेत छिथाय् वये। तर जि छिथाय् मथ्‍यंतले छिं न्‍हय्‌न्‍हु तक पियाच्‍वने मालि। अले जि वयाः छिं यायेमाःगु छु खः व धयाबी।”