लेवी 3:8 - नेवाः बाइबल

⁸ वं थःगु बलिया छेनय् ल्‍हाः तयेमाः। अले वयात नापलायेगु पालया ध्‍वाखाय् स्‍यायेमाः। पुजाहारीं छाःम्‍ह पशुया हि वेदीया जःखः छ्वाकेमाः।

लेवी 3:8 ပူးပေါင်းရင်းမြစ်များ

यशैया 53:6

झीपिं फुक्‍कं फैत थें लँ तनाच्‍वंपिं खः। झीपिं फुक्‍क थःगु हे लँय् वनाच्‍वना, अले परमप्रभुं वयाके झीगु फुक्‍क अधर्म तयादीगु दु।

लेवी 1:11

वं परमप्रभुया न्‍ह्यःने वेदीया उत्तरपाखे छाःम्‍ह पशुयात पालाः स्‍यायेमाः, अले हारूनया पुजाहारी काय्‌पिन्‍सं वयागु हि वेदीइ जःखः छ्वाकेमाः।

लेवी 1:4

अले वं थःगु ल्‍हाः होमबलि पशुया छेनय् तयेमाः। अले वयागु प्रायश्‍चितया लागिं ग्रहण याइगु जुइ।

लेवी 1:5

व मनुखं द्वहंचायात परमप्रभुया न्‍ह्यःने स्‍यायेमाः। अले हारूनया पुजाहारी काय्‌पिन्‍सं द्वहंया हि कयाः नापलायेगु पालया ध्‍वाखाया दुने च्‍वंगु वेदीया छचाःखेरं छ्वाकेमाः।

लेवी 3:13

वं थःगु ल्‍हाः वयागु छेनय् तयेमाः, नापलायेगु पालया ध्‍वाखाय् वयात स्‍यायेमाः। अले हारूनया काय्‌पिन्‍सं वयागु हि वेदीया जःखः छ्वाकेमाः।

लेवी 4:15

खलःया थकालिपिन्‍सं परमप्रभुया न्‍ह्यःने द्वहंयागु छेनय् थथःगु ल्‍हाः तयेमाः, अले व द्वहंयात परमप्रभुया न्‍ह्यःने स्‍यायेमाः।

लेवी 4:24

वं दुगुया छेनय् थःगु ल्‍हाः तयेमाः। परमप्रभुया न्‍ह्यःने होमबलिया पशु स्‍याइगु थासय् वयात स्‍यायेमाः। थ्‍व पापबलि खः।

लेवी 4:4

वं द्वहंयात नापलायेगु पालया ध्‍वाखाय् परमप्रभुया न्‍ह्यःने हयाः वयागु छेनय् थःगु ल्‍हाः तयाः परमप्रभुया न्‍ह्यःने स्‍यायेमाः।

मत्ती 3:17

अले स्‍वर्गं थथे धयाहल – “थ्‍व जि यःम्‍ह काय् खः, थ्‍व खनाः जि तसकं लय्‌ताः।”

२ कोरिन्‍थी 5:19

ख्रीष्‍टपाखें फुक्‍क मनूतय्‌त परमेश्‍वरं थःनाप मिलय् यानाच्‍वंगु दु धकाः जिमिसं न्‍यंकाच्‍वनागु दु। मनूतय्‌सं याःगु पापया ल्‍याः तयामदिसे वय्‌कलं सकसितं थःलिसे मिलय् यानादीगु खँ मेमेपिन्‍त नं न्‍यंकेत जिमित धयादीगु दु।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

एफिसी 2:18

वय्‌कलं यानाः हे झीपिं यहूदीत नं यहूदीमखुपिं नं पवित्र आत्‍मा दयाः परमेश्‍वर बाःया न्‍ह्यःने वने फत।

एफिसी 3:12

ख्रीष्‍टयात विश्‍वास यानागुलिं झीपिं मग्‍यासे हे परमेश्‍वरया न्‍ह्यःने वने फु।

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।