लेवी 3:5 - नेवाः बाइबल

⁵ व फुक्‍कयात हारूनया काय्‌पिन्‍सं वेदीइ मि च्‍वय् दुगु सिँइ तयाः छ्वय्‌केमाः। थ्‍व परमप्रभुयात यःगु नस्‍वाः वःगु विशेष देछा खः।

लेवी 3:5 ပူးပေါင်းရင်းမြစ်များ

१ राजा 8:64

उखुन्‍हु हे जुजुं परमप्रभुया देगःया न्‍ह्यःने चुकया दथुइच्‍वंगु ब्‍वयात पवित्र यात अले होमबलि, अन्‍नबलि व मेलबलिया दाः अन हे छाल, छाय्‌धाःसा वं दय्‌कूगु कँय्‌यागु वेदीइ होमबलि, अन्‍नबलि व दाःया ब्‍व मन्‍ह्यन।

२ इतिहास 35:14

अनंलि हारूनया वंशयापिं पुजाहारीतय्‌सं बहनि तक हे होमबलि व पवित्र बलिं दाः इमिसं थःगु निंतिं व हारूनया वंशयापिं पुजाहारीतय्‌गु निंतिं तयारी यात।

प्रस्‍थान 29:13

अले छं आतापति भ्‍वरि त्‍वपुइगु फुक्‍क दाः, सेँ त्‍वपुइगु पिलि व दाःनापया निगलं जलासेँ कयाः वेदीइ छ्वय्‌की।

इजकिएल 44:15

“‘तर सादोकया परिवारयापिं लेवीतय् सन्‍तान पुजाहारीतय्‌सं धाःसा इस्राएलीत जिपाखें फस्‍वया वंसां तबि जिगु पवित्र थासय् यायेमाःगु ज्‍या इमान्‍दार जुयाः याना हे च्‍वन। थुपिं धाःसा जिगु सेवा यायेत जिगु न्‍ह्यःने वयेगु यायेमा, अले जिगु न्‍ह्यःने दाः व हि छायेत वयेगु यायेमा, परमप्रभु परमेश्‍वरं धयादी।

इजकिएल 44:7

छिमिगु फुक्‍क घच्‍चाइपुगु व्‍यवहार बाहेक छिमिसं मन व म्‍हय् चिं मतःपिं विदेशीतय्‌त जिगु पवित्र थासय् दुने हयाः छिमिसं नसा, दाः व हि जिगु लागि छाःबलय् उकियात अशुद्ध यात, अले जिगु बाचा त्‍वाथल।

लेवी 1:13

वं बलि बीहःम्‍ह पशुयागु आतापुति भ्‍वरि व तुतियात लखं सिलेमाः। अले पुजाहारीं फुक्‍क यंकाः वेदीइ छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 1:17

उकी देछाःम्‍ह झंगःयात कुचा मयासें पपूया दथुं फायेमाः। पुजाहारीं वेदीइ दुगु मि च्‍वय् सिँइ झंगःयात छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 1:9

आतापुति भ्‍वरि व तुति धाःसा लखं सिलेमाः अले व फुक्‍कयात पुजाहारीं वेदीइ छ्वाकेमाः। थ्‍व परमप्रभुयात यःगु नस्‍वाः वःगु विशेष देछा, होमबलि खः।

लेवी 3:11

पुजाहारीं व परमप्रभुया निंतिं विशेष देछा वेदीइ नसाकथं छ्वय्‌केमाः।

लेवी 3:4

निगः जलासेँ व उकिया च्‍वय् जँ नापं च्‍वंगु दाः, अले सेँया भिंगु ब्‍व वं लिकायेमाः।

लेवी 4:31

उकिया फुक्‍क दाः मेलबलिया दाः थें लिकायेमाः। अले पुजाहारीं परमप्रभुया निंतिं नस्‍वाः वय्‌केत वेदीइ छ्वय्‌केमाः। थथे पुजाहारीं उकिया निंतिं प्रायश्‍चित याइ, अले वयात क्षमा दइ।

लेवी 4:35

परमप्रभुयात छाःगु विशेष देछाया फुक्‍क दाः नापं मेलबलिया चिधिकःम्‍ह भ्‍याःचाया दाः थें पापबलिया फुक्‍क दाः वं लिकया उकियात पुजाहारीं वेदीइ छ्वय्‌केमाः। थथे वं याःगु पापया निंतिं पुजाहारीं वयागु लागिं प्रायश्‍चित याइ, अले वयात क्षमा दइ।

लेवी 6:12

वेदीइ मि च्‍याना हे च्‍वनेमाः, अले गुबलें मसीमाः। पुजाहारीं न्‍हिन्‍हिं सुथय् उकी सिँ तनेमाः, पुजाहारीं होमबलिया कुचात व मेलबलिया दाः मिया च्‍वय् मिलय् यानाः तयेमाः।

लेवी 7:28

परमप्रभुं मोशायात धयादिल,

लेवी 9:17

वं अन्‍नबलि हयाः उकिं छम्‍हू अन्‍न कयाः वेदीइ छ्वय्‌कल। थ्‍व सुथसिया होमबलि बाहेकयागु देछा खः।

गन्‍ती 15:8

“‘होमबलि, भाकल बलिकथं वा मेलबलिकथं परमप्रभुयात द्वहंचा छायेबलय्

गन्‍ती 18:17

“अय्‌नं द्वहं, फै वा दुगुया न्‍हापां बूपिन्‍त लिफ्‍याये मते! इपिं पवित्रपिं खः। इमिगु हि वेदीइ छ्वाकि। अले परमप्रभुया निंतिं यःगु नस्‍वाः जुइत विशेष देछाकथं इमिगु दाः छ्वय्‌का छ्व।

गन्‍ती 28:12

छम्‍ह छम्‍ह द्वहंचानापं माःगु अन्‍नबलि थ्‍व जुइमाः – चिकं ल्‍वाकछ्यानातःगु छगू एपाया झिब्‍वय् स्‍वब्‍व भिंगु छुचुं। भ्‍याःचानापं माःगु अन्‍नबलि थ्‍व जुइमाः, चिकं ल्‍वाकछ्यानातःगु छगू एपाया झिब्‍वय् निब्‍व भिंगु छुचुं

गन्‍ती 28:3

“छं इमित थथे धा, ‘छिमिसं परमप्रभुया निंतिं छायेमाःगु विशेष देछा थ्‍व हे खः – निम्‍ह दच्‍छि दुपिं खू मदुपिं भ्‍याःचा न्‍हियान्‍हिथंया होमबलिकथं न्‍हिं न्‍हिं छायेमाः।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।