लेवी 3:3 - नेवाः बाइबल

³ मेलबलिं विशेष देछाः परमप्रभुया निंतिं आतापुति भ्‍वरि त्‍वपुइगु दाः व उकिया च्‍वय्‌च्‍वंगु दाः फुक्‍क छायेमाः।

लेवी 3:3 ပူးပေါင်းရင်းမြစ်များ

भजनसंग्रहया सफू 119:70

इमिगु नुगः छाःगु दु, अय्‌नं जि ला छिं स्‍यनातःगु खँया कारणं लय्‌ताः।

प्रस्‍थान 29:13

अले छं आतापति भ्‍वरि त्‍वपुइगु फुक्‍क दाः, सेँ त्‍वपुइगु पिलि व दाःनापया निगलं जलासेँ कयाः वेदीइ छ्वय्‌की।

प्रस्‍थान 29:22

“छं भ्‍याःचायागु दाः, दाःखाःगु न्‍हिप्‍यं, आतापुति-भ्‍वरी त्‍वपुइगु फुक्‍क दाः, सेँ त्‍वपुइगु पिलि, दाः नापंया निगलं जलासेँ व जव खम्‍पा का। थ्‍व अभिषेकयाम्‍ह भ्‍याःचा खः।

हितोपदेश 23:26

हे जिमि काय्! थःगु नुगः जितः ब्‍यु। अले थःगु मिखा जिगु लँय् लाकि।

यशैया 6:10

अनंलि वय्‌कलं जितः धयादिल, छं थुपिं मनूतय्‌गु नुगः छाकाब्‍यु, इमिगु न्‍हाय्‌पं ख्‍वाँय् यानाब्‍यु, अले इमिगु मिखा कां यानाब्‍यु, मखुसा इमिसं मिखां खनी, न्‍हाय्‌पनं ताइ अले न्‍यना, सीकि थुइकी थुकथं इमिगु ल्‍वये लनाः जिपाखे लिहां वइ।”

इजकिएल 36:26

जिं छिमित छगू न्‍हूगु नुगः बी, अले छिमिगु दुने जिं न्‍हूगु आत्‍मा तयाबी। छिमिगु म्‍हं ल्‍वहंया नुगः लिकयाः जिं छिमित लायागु नुगः बी।

इजकिएल 44:15

“‘तर सादोकया परिवारयापिं लेवीतय् सन्‍तान पुजाहारीतय्‌सं धाःसा इस्राएलीत जिपाखें फस्‍वया वंसां तबि जिगु पवित्र थासय् यायेमाःगु ज्‍या इमान्‍दार जुयाः याना हे च्‍वन। थुपिं धाःसा जिगु सेवा यायेत जिगु न्‍ह्यःने वयेगु यायेमा, अले जिगु न्‍ह्यःने दाः व हि छायेत वयेगु यायेमा, परमप्रभु परमेश्‍वरं धयादी।

लेवी 1:12

अले व मनुखं पशुयात कुचा कुचा यायेमाः। पुजाहारीं फुक्‍कयात वेदीइ मिया च्‍वय् सिँकाँय् ब्‍वया तयेमाः।

लेवी 1:8

अले वया काय्‌पिं अर्थात पुजाहारीतय्‌सं वेदीया च्‍वय् मिइ तयातःगु सिँया द्यःने बलि बी धुंकूम्‍ह पशुयागु छ्यं, दाः व ला बांलाक ब्‍वया तयेमाः।

लेवी 16:25

वं पापबलिया दाः नं वेदीइ छ्वय्‌केमाः।

लेवी 3:16

अले पुजाहारीं विशेष देछायात वेदीइ छ्वय्‌केमाः। थ्‍व परमप्रभुयात नस्‍वाः वःगु नसा थें जुइ। दाः दक्‍व परमप्रभुया लागिं जक खः।

लेवी 3:2

व मनुखं थःगु ल्‍हाः पशुया छेनय् तयेमाः। अले व देछाःम्‍ह बलियात नापलायेगु पालया ध्‍वाखाय् पालाः स्‍यायेमाः। अले हारूनया पुजाहारी काय्‌पिन्‍सं बलिया हि वेदीइ जःखः छ्वाकेमाः।

लेवी 3:4

निगः जलासेँ व उकिया च्‍वय् जँ नापं च्‍वंगु दाः, अले सेँया भिंगु ब्‍व वं लिकायेमाः।

लेवी 4:10

मेलबलि थें छाःम्‍ह सा वा द्वहंया दाः लिकयाः पुजाहारीं व होमबलिया वेदीइ छ्वय्‌केमाः।

लेवी 7:30

वं परमप्रभुया निंतिं विशेष देछा थःगु ल्‍हातिं हयेमाः। वं दाः ह्याकुला नाप हयाः परमप्रभुया न्‍ह्यःने संकाबीगु बलिया निंतिं देछायेमाः।

लेवी 7:5

पुजाहारीं परमप्रभुया निंतिं विशेष देछाकथं व वेदीइ छ्वय्‌केमाः। थ्‍व दोषबलि खः।

लेवी 9:10

पापबलिया दाः, जलासेँ व सेँया भिंगु ब्‍वयात वं परमप्रभुं मोशायात उजं बियादी थें वेदीइ छ्वय्‌काबिल।

मत्ती 13:16

“छिपिं धाःसा धन्‍यपिं खः, छाय्‌धाःसा छिमिगु मिखां खं, न्‍हाय्‌पनं ता।

मत्ती 15:8

“‘थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापाना च्‍वनी।

रोमी 5:5

झीत निराश याइ मखु, छाय्‌धाःसा परमेश्‍वरं झीत पवित्र आत्‍मा बियादीगु दु। पवित्र आत्‍मां झीगु नुगलय् परमेश्‍वरयागु माया तयादीगु दु।

रोमी 6:6

झीगु पापी जीवन नाश जुयावनेमा धकाः झीगु पुलांगु जीवन वय्‌कःलिसें क्रूसय् यख्‍खाना बी धुन धकाः झीसं स्‍यू। अय्‌जूगुलिं आः झीसं पापी ज्‍याखँ याना जुइ जि हे मज्‍यू।

व्‍यवस्‍था 30:6

गुकिं यानाः छिपिं म्‍वानाच्‍वनेत छिमिसं परमप्रभु थः परमेश्‍वरयात दुनुगलंनिसें व थःगु फुक्‍क प्राणं वय्‌कःयागु माया याये फयेमा, वय्‌कलं छिमिगु व छिमि सन्‍तानतय्‌गु नुगः हीकादी।

१ शमूएल 2:15

तर आः दाः च्‍याके न्‍ह्यः पुजाहारीया ग्‍वाहालिमिं बलि छाइम्‍ह मनूयात थथे धाइगु, पुजाहारीया निंतिं दय्‌केत जितः छुं ला ब्‍यु, दाय्‌कातःगु ला वं काइ मखु, कचिगु जक काइ।