लेवी 3:17 - नेवाः बाइबल

¹⁷ “‘छिमिसं दाः व हि गुबलें नये मते। थ्‍व छिमि पुस्‍तौं पुस्‍ताया लागिं न्‍ह्याबलेंया नियम खः।’”

लेवी 3:17 ပူးပေါင်းရင်းမြစ်များ

उत्‍पत्ति 9:4

तर म्‍वाः हि दुगु ला छता नये मते। छाय्‌धाःसा हिइ हे जीवन दइ।

२ इतिहास 29:35

होमबलि यक्‍व दु, अले मेलबलिया दाः, होमबलिनापं छाइगु त्‍वँसाबलि नं दु। थुकथं देगलय् आराधनाया सेवा हाकनं शुरु जुल।

नहेम्‍याह 8:10

नहेम्‍याहं इमित धाल, “आः छेँ वनाः भिंगु नसा व साःगु दाखमद्यनापं भ्‍वय् न हुँ। थःगु निंतिं भ्‍वय् ज्‍वरय् याये मफुपिन्‍त नं ब्‍व छ्वयाब्‍यु। थौंया दिं झी प्रभुया निंतिं पवित्र जू। नुगः मछिंके मते, परमप्रभुयागु लसता हे छिमिगु बल खः।”

प्रस्‍थान 27:21

पवित्र पालय् बाचा चिनातःगु सनूया न्‍ह्यःने च्‍वंगु पर्दाया पिने हारून व वया काय्‌पिन्‍सं सन्‍ध्‍याकाः ई निसें सुथय् तक परमप्रभुया न्‍ह्यःने पाल्‍चा मदिक्‍क च्‍याकेमाः। थ्‍व उजं इस्राएली व वया सन्‍तानयात न्‍ह्याबलेंया निंतिं जुइमाः।”

प्रस्‍थान 28:43

हारून व वया काय्‌पिन्‍सं पवित्र पालय् दुहां वनेबलय् व वेदीया न्‍ह्यःने सेवा यायेत वनेबलय् थ्‍व वसः फिनावनेमाः। थुकथं इपिं दोषी ठहरे मजुइमा अले मसीमा।” “थ्‍व हारून व वया सन्‍तानयात नं न्‍ह्याबलेंया निंतिं नियम जुल।”

इजकिएल 33:25

अथे जुयाः इमित धा, ‘परमप्रभु परमेश्‍वरं थथे धयादी – छिमिसं लानापं हि नइगु, छिमिसं मूर्तित पुजा याइगु, छिमिसं मनूत स्‍याइगु, धात्‍थें हे छिमिसं थ्‍व देश छिमिगु खः धकाः मतिइ तयागु ला?

इजकिएल 44:15

“‘तर सादोकया परिवारयापिं लेवीतय् सन्‍तान पुजाहारीतय्‌सं धाःसा इस्राएलीत जिपाखें फस्‍वया वंसां तबि जिगु पवित्र थासय् यायेमाःगु ज्‍या इमान्‍दार जुयाः याना हे च्‍वन। थुपिं धाःसा जिगु सेवा यायेत जिगु न्‍ह्यःने वयेगु यायेमा, अले जिगु न्‍ह्यःने दाः व हि छायेत वयेगु यायेमा, परमप्रभु परमेश्‍वरं धयादी।

इजकिएल 44:7

छिमिगु फुक्‍क घच्‍चाइपुगु व्‍यवहार बाहेक छिमिसं मन व म्‍हय् चिं मतःपिं विदेशीतय्‌त जिगु पवित्र थासय् दुने हयाः छिमिसं नसा, दाः व हि जिगु लागि छाःबलय् उकियात अशुद्ध यात, अले जिगु बाचा त्‍वाथल।

लेवी 10:15

नये न्‍ह्यः धाःसा पुजाहारीं ह्याकुला व खम्‍पाया व द्यःने तयातःगु विशेष भेटीया दाः वेदी न्‍ह्यःने हयाः परमप्रभुया निंतिं संकाबीगु बलिकथं छाये हयेमाः। उबलय् जक परमप्रभुया उजंकथं थ्‍व सदांया निंतिं छ व छिमि काय् म्‍ह्याय्‌पिनिगु ब्‍व जुइ।”

लेवी 10:9

“नापलायेगु पालय् वनेबलय् छ व छिमि काय्‌पिन्‍सं दाखमद्य वा थ्‍वँ त्‍वनाः वने मते, मखुसा छिपिं सी। थ्‍व छिमि पुस्‍तौं पुस्‍तातय्‌गु निंतिं न्‍ह्याबलेंया नियम खः।

लेवी 16:29

“थ्‍व छिमिगु निंतिं न्‍ह्याबलेंया नियम खः। दँय्‌दसं न्‍हय्‌गूगु लाया झिन्‍हु खुन्‍हु छिमिसं छुं नये मते। अले छुं ज्‍या मयासें च्‍वनेमाः। थथे छिपिंनापं दुपिं पिनेयापिं मनूतय्‌सं नं यायेमाः।

लेवी 16:34

“छिमिसं आवंलि दँय् छकः न्‍ह्याबलें इस्राएलीतय्‌त इमिगु पापं शुद्ध यायेत थुकथं प्रायश्‍चित यायेगु थ्‍व छिमिगु लागिं न्‍ह्याबलेंया नियम खः।” अले परमप्रभुं मोशायात धयादी थें अथे हे यात।

लेवी 17:7

इमिसं आवंलि दुगुया ख्‍वाः वःपिं द्यःतय्‌त पुजा यानाः थःत हे वेश्‍या मदय्‌केमाः धयागु आजुं थ्‍व विधि दय्‌कूगु खः। इमि पुस्‍तौं पुस्‍ताया निंतिं थ्‍व न्‍ह्याबलेंया नियम खः।’

लेवी 19:26

“‘छिमिसं हि पिमकाःगु ला नये मते। “‘छिमिसं ज्‍वखना स्‍वयेगु व तन्‍त्रमन्‍त्र यायेगु ज्‍या याये मते।

लेवी 23:14

छिमिसं थः परमेश्‍वरयात थथे छाये महतले छिमिसं न्‍हूगु बालीया गुगुं नं कथंया मरि, सियातःगु, छुयातःगु अन्‍न नये मते। छिमिसं न्‍ह्याथाय् वंसां छिमि पुस्‍तौं पुस्‍ता तकं यायेमाःगु न्‍ह्याबलेंया नियम थ्‍व खः।

लेवी 23:21

उखुन्‍हु छिमिसं छुं नं न्‍हिज्‍या याये मते। छिमिगु छगू पवित्र मुंज्‍या जुइमाः। छिमि लिपाया पुस्‍तां पुस्‍ता तकया लागि छिपिं न्‍ह्याथाय् च्‍वंसां थ्‍व न्‍ह्याबलेंया नियम खः।

लेवी 24:3

पवित्र पालय् साक्षीया सनूया न्‍ह्यःने दुगु पर्दाया पिने, परमप्रभुया न्‍ह्यःने सन्‍ध्‍याकाः इलंनिसें सुथय् तक मदिक्‍क हारूनं मत च्‍याका तयेमाः। थ्‍व छिमि पुस्‍तौं पुस्‍ताया लागिं न्‍ह्याबलेंया नियम खः।

लेवी 24:9

अले थ्‍व मरि हारून व वया सन्‍तानतय्‌गु निंतिं खः। अले परमप्रभुयात छाःगु विशेष देछात मध्‍ये थ्‍व इमिगु न्‍ह्याबलेंया भाग तसकं पवित्र खः। अथे जुयाः इमिसं थ्‍व नापलायेगु पाल दुने नयेमाः।”

लेवी 3:16

अले पुजाहारीं विशेष देछायात वेदीइ छ्वय्‌केमाः। थ्‍व परमप्रभुयात नस्‍वाः वःगु नसा थें जुइ। दाः दक्‍व परमप्रभुया लागिं जक खः।

लेवी 4:1

परमप्रभुं मोशायात धयादिल,

लेवी 6:15

पुजाहारीं छम्‍हू भिंगु छुचुं व चिकं कयाः फुक्‍क धुपाँय्‌ तयाः च्‍याकाः अन्‍नबलिया चिंकथं परमप्रभुया निंतिं नस्‍वाः जुइत वेदीइ छ्वय्‌केमाः।

लेवी 6:18

अले सदांया निंतिं हारूनया मिजंपिं सन्‍तानतय्‌सं थ्‍व नयेमाः। परमप्रभुयात छायेहःगु अन्‍नबलितपाखें थ्‍व इमिगु पुस्‍तौं पुस्‍ताया लागिं इमिगु ब्‍व खः। मेपिं सुनानं विशेष देछा थिल धाःसा उकियागु पवित्रताया शक्तिं वयात हानि याइ।’”

लेवी 6:22

थुकथं हे न्‍ह्याबलें अभिषेक जुयाः वयागु थासय् पुजाहारी जुइम्‍ह वया सन्‍तानं हे अन्‍नबलि छायेमाः। थ्‍व परमप्रभुया न्‍ह्याबलेंया ब्‍व खः, अले थ्‍व फुक्‍कं छ्वय्‌का छ्वयेमाः।

लेवी 7:23

“इस्राएलीतय्‌त धा, ‘छिमिसं सा वा द्वहं, फै वा दुगुयागु दाः नये मज्‍यू।

लेवी 7:34

छाय्‌धाःसा इस्राएलीतय्‌गु मेलबलिं संकूगु ह्याकुला व खम्‍पा जिं छिमिके कयाः पुजाहारीतय्‌त इस्राएलीतय्‌गुपाखें न्‍ह्याबलेंया निंतिं बियागु दु।’”

लेवी 7:36

गुखुन्‍हु इपिं अभिषेक जुल उखुन्‍हु हे परमप्रभुं इस्राएली मनूतय्‌सं इमित थ्‍व भाग बी धकाः उजं बियादिल। पुस्‍तौं पुस्‍ताया निंतिं न्‍ह्याबलें थ्‍व इमिगु ब्‍व जुइ।

गन्‍ती 19:21

इमिगु निंतिं थ्‍व लिपा थ्‍यंकया नियम जुइमाः। “शुद्ध यायेगु लः छ्वाकूम्‍हय्‌सिनं नं थःगु वसः हीमाः। शुद्ध यायेगु लः थ्‍यूम्‍ह मनू नं सन्‍ध्‍याकाः इलय् तक अशुद्ध जुइ।

मत्ती 16:24

अले वय्‌कलं चेलातय्‌त धयादिल – “जि नाप वयेगु जूसा छिपिं सुनानं थःगु खँय् छुं हे च्‍यूताः तये मते। अले थःगु क्रूस थःम्‍हं हे क्‍वबिया सीत तकं लिमच्‍युसे जिगु ल्‍यूल्‍यू वा।

मत्ती 26:28

“थ्‍व न्‍हूगु बाचायागु जिगु हि खः। थ्‍व हे हिं यक्‍वसिगु पाप क्षमा जुइ।

प्रेरित 15:29

अय्‌नं छिकपिन्‍सं मूर्ति पुजायागु प्रसाद नये मते, छुकियागुं हि त्‍वने मते, हि मम्‍हुकुसे स्‍याःगु ला नये मते, अले व्‍यभिचार याये मते। थुलि जक छिकपिन्‍सं होश यानाः मयात धाःसा गाः। छिकपिनिगु भिं जुइमा।”

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

एफिसी 5:26

ख्रीष्‍ट येशूं मण्‍डलीयात शुद्ध यायेत थःगु वचनं व लखं सिलाः शुद्ध यानादिल।

व्‍यवस्‍था 12:16

हि धाःसा छिमिसं नये मते। उकियात लः थें बँय् प्‍वंकाब्‍यु।

व्‍यवस्‍था 12:23

तर हि गुबलें नये मते छाय्‌धाःसा हि जीवन खः, अले छिमिसं ला नापं जीवन नये मते।

व्‍यवस्‍था 12:24

छिमिसं हि नये मते। उकियात लःयात थें बँय् प्‍वंकाब्‍यु।

व्‍यवस्‍था 15:23

छिमिसं हि धाःसा नये मते। उकियात लः थें बँय् प्‍वंकाब्‍यु।

व्‍यवस्‍था 32:14

वय्‌कलं इमित सा-द्वहंया बथां व फैच्‍वलय्‌या पुचःपाखें धौ, दुरु बियादिल। स्‍वयेज्यूपिं चिधिकःपिं भ्‍याःचा व च्‍वलय्‌, दुगु व बाशानया भिंभिंपिं फैत अले भिंगु छुचुं इमित नकेत बियादिल। भिंगु दाखमद्य नं त्‍वनेत इमित बियादिल।

१ तिमोथी 4:4

वय्‌कलं दय्‌कादीगु मभिंगु छुं नं मदु। उकिं वय्‌कःयात सुभाय् बियाः न्‍ह्यागुं नये ज्‍यू।