लेवी 3:16 - नेवाः बाइबल

¹⁶ अले पुजाहारीं विशेष देछायात वेदीइ छ्वय्‌केमाः। थ्‍व परमप्रभुयात नस्‍वाः वःगु नसा थें जुइ। दाः दक्‍व परमप्रभुया लागिं जक खः।

लेवी 3:16 ပူးပေါင်းရင်းမြစ်များ

उत्‍पत्ति 4:4

हाबिलं नं दक्‍वसिबय् न्‍हापां बूपिं फैतय्‌गु पुचलं दक्‍वसिबय् स्‍वयेज्‍यूम्‍ह फैचा ल्‍ययाः बलि बी हल। परमप्रभुं हाबिल व वयागु देछायात यय्‌कादिल।

२ इतिहास 29:35

होमबलि यक्‍व दु, अले मेलबलिया दाः, होमबलिनापं छाइगु त्‍वँसाबलि नं दु। थुकथं देगलय् आराधनाया सेवा हाकनं शुरु जुल।

२ इतिहास 7:7

अनंलि सोलोमनं परमप्रभुया देगःया न्‍ह्यःने चुकया दथुइच्‍वंगु ब्‍वयात अर्पण यात। अन वं होमबलि व मेलबलिया दाः छाल। छाय्‌धाःसा वं दय्‌कूगु कँय्‌यागु वेदीइ होमबलि, अन्‍नबलि व दाःया ब्‍व मन्‍ह्यन।

प्रस्‍थान 29:13

अले छं आतापति भ्‍वरि त्‍वपुइगु फुक्‍क दाः, सेँ त्‍वपुइगु पिलि व दाःनापया निगलं जलासेँ कयाः वेदीइ छ्वय्‌की।

प्रस्‍थान 29:22

“छं भ्‍याःचायागु दाः, दाःखाःगु न्‍हिप्‍यं, आतापुति-भ्‍वरी त्‍वपुइगु फुक्‍क दाः, सेँ त्‍वपुइगु पिलि, दाः नापंया निगलं जलासेँ व जव खम्‍पा का। थ्‍व अभिषेकयाम्‍ह भ्‍याःचा खः।

यशैया 53:10

वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

इजकिएल 44:15

“‘तर सादोकया परिवारयापिं लेवीतय् सन्‍तान पुजाहारीतय्‌सं धाःसा इस्राएलीत जिपाखें फस्‍वया वंसां तबि जिगु पवित्र थासय् यायेमाःगु ज्‍या इमान्‍दार जुयाः याना हे च्‍वन। थुपिं धाःसा जिगु सेवा यायेत जिगु न्‍ह्यःने वयेगु यायेमा, अले जिगु न्‍ह्यःने दाः व हि छायेत वयेगु यायेमा, परमप्रभु परमेश्‍वरं धयादी।

लेवी 17:6

पुजाहारीं व हि नापलायेगु पालया ध्‍वाखाय् परमप्रभुया वेदीइ छ्वाकेमाः, दाः धाःसा परमप्रभुया निंतिं नस्‍वाः यायेत छ्वय्‌केमाः।

लेवी 4:26

उकिया फुक्‍क दाः मेलबलिया दाः थें वेदीइ छ्वय्‌केमाः। थथे पुजाहारीं नायःया पापया लागिं प्रायश्‍चित याइ, अले वयात क्षमा दइ।

लेवी 4:31

उकिया फुक्‍क दाः मेलबलिया दाः थें लिकायेमाः। अले पुजाहारीं परमप्रभुया निंतिं नस्‍वाः वय्‌केत वेदीइ छ्वय्‌केमाः। थथे पुजाहारीं उकिया निंतिं प्रायश्‍चित याइ, अले वयात क्षमा दइ।

लेवी 8:25

अले वं दाः, दाःखाःगु न्‍हिप्‍यं, आतपुति-भ्‍वरी त्‍वपुइगु फुक्‍क दाः, सेँया भिंगु ब्‍व, दाः नापंया निगः जलासेँ व जव खम्‍पा काल।

लेवी 9:24

उबलय् हे परमप्रभुयापाखें मि पिहां वयाः वेदीइ च्‍वंगु होमबलि व दाःयात भस्‍म यात। थ्‍व खनाः मनूत तःसलं हालाः बँय् भ्‍वसुल।

मत्ती 22:37

वय्‌कलं लिसः बियादिल – “परमप्रभु झी परमेश्‍वरयात दुनुगलंनिसें माया या, थःगु प्राण बियाः तकं माया या, अले थःगु मनंनिसें माया या।