लेवी 3:11 - नेवाः बाइबल

¹¹ पुजाहारीं व परमप्रभुया निंतिं विशेष देछा वेदीइ नसाकथं छ्वय्‌केमाः।

लेवी 3:11 ပူးပေါင်းရင်းမြစ်များ

भजनसंग्रहया सफू 22:14

जिगु तागत लः थें ज्‍वयावने धुंकल। जिगु क्‍वँय्‌या फुक्‍क साहा साहा ब्‍यनावने धुंकल। सी थें जिगु नुगः नायावने धुंकल।

इजकिएल 44:7

छिमिगु फुक्‍क घच्‍चाइपुगु व्‍यवहार बाहेक छिमिसं मन व म्‍हय् चिं मतःपिं विदेशीतय्‌त जिगु पवित्र थासय् दुने हयाः छिमिसं नसा, दाः व हि जिगु लागि छाःबलय् उकियात अशुद्ध यात, अले जिगु बाचा त्‍वाथल।

लेवी 21:17

“हारूनयात धा, ‘छं लिपाया पुस्‍ताय् म्‍हय् खू दुम्‍ह सुं छिमि सन्‍तान थः परमेश्‍वरयात बलि छायेत न्‍ह्यःने वये मज्‍यू।

लेवी 21:6

थः परमेश्‍वरया निंतिं इपिं पवित्र जुइमाः, अले थः परमेश्‍वरया नां अशुद्ध मयायेमाः। छाय्‌धाःसा इमिसं विशेष देछा, परमेश्‍वरया नसा होमबलि छाइगु खः। उकिं इपिं पवित्र जुइमाः।

लेवी 21:8

मनूतय्‌सं इमित पवित्र भाःपीमाः, छाय्‌धाःसा इमिसं छिमि परमेश्‍वरयात अन्‍नबलि छाइ। मनूतय्‌सं इमित पवित्र भाःपीमाः, छाय्‌धाःसा जि छिमित पवित्र याइम्‍ह परमप्रभु पवित्र खः।

लेवी 22:25

सुं परदेशीयाके कयाः नं थज्‍याःम्‍ह पशु परमेश्‍वरया निंतिं छाये मज्‍यू। वयागु म्‍हय् स्‍यंगु ब्‍व दु, वयाके खू दु। अथे जुयाः व छिमिगु पलेसा नालेबहः जुइ मखु।’”

लेवी 3:16

अले पुजाहारीं विशेष देछायात वेदीइ छ्वय्‌केमाः। थ्‍व परमप्रभुयात नस्‍वाः वःगु नसा थें जुइ। दाः दक्‍व परमप्रभुया लागिं जक खः।

लेवी 3:5

व फुक्‍कयात हारूनया काय्‌पिन्‍सं वेदीइ मि च्‍वय् दुगु सिँइ तयाः छ्वय्‌केमाः। थ्‍व परमप्रभुयात यःगु नस्‍वाः वःगु विशेष देछा खः।

मलाकी 1:12

“छिमिसं धाःसा ‘परमप्रभुया टेबिल अशुद्धगु खः’ अले ‘उकी दुगु नयेगु नसा नं अशुद्धगु खः’ धकाः धयाः ‘जिगु नां क्‍वह्यंकाच्‍वंगु दु।’

मलाकी 1:7

“छिमिसं अशुद्धगु नसा जिगु वेदीइ छानाः जितः अशुद्ध याःगु दु। “अय्‌नं छिमिसं न्‍यनी, ‘जिमिसं छितः गुकथं अशुद्ध यानागु दु?’ “परमप्रभुया टेबिल हनाबना यायेबहः मजू” धकाः धया।

गन्‍ती 28:2

“इस्राएलीतय्‌त थथे धकाः उजं ब्‍यु, ‘जितः लय्‌ताय्‌कीगु नस्‍वाःगु विशेष देछा क्‍वःछीगु इलय् छायेत छिमिसं लुमंकि।’

गन्‍ती 28:24

थुकथं न्‍हियान्‍हिथं छिमिसं नखःबलय् न्‍हय्‌न्‍हु तक हे परमप्रभुया निंतिं नस्‍वाःकथं विशेष देछा छायेमाः। थुपिं धाःसा न्‍हियान्‍हिथंया होमबलि व त्‍वँसाबलि बाहेक छायेमाः।

रोमी 8:32

सुनां थःकाय्‌यात हे ल्‍यंका मतसे झी सकसिगु निंतिं स्‍याकेत बियादीम्‍ह परमेश्‍वरं वय्‌कःया काय्‌पाखें झीत माःगु फुक्‍कं गथे बियामदी?

१ कोरिन्‍थी 10:21

छिमिसं प्रभुयागु ख्‍वल्‍चां व भूतआत्‍मातय्‌गु ख्‍वल्‍चां छक्‍वलं त्‍वनेफइ मखु। अथे हे छिमिसं प्रभुयागु टेबिलं व भूतआत्‍माया टेबिलंनापं नये फइ मखु।

प्रकाश 3:20

“स्‍व, जिं लुखाय् दनाः सःताच्‍वना। सुनानं जिगु सः तायाः खापा चाय्‌का ब्‍यूसा जि दुहां वनाः व नाप नयेत्‍वने याये। अले वं जि नाप नयेत्‍वने याइ।