लेवी 3:1 - नेवाः बाइबल

¹ “‘सुनानं परमप्रभुयात सा वा द्वहं मेलबलि छाल धाःसा व पशु खू मदुम्‍ह जुइमाः।

लेवी 3:1 ပူးပေါင်းရင်းမြစ်များ

१ इतिहास 21:26

अन वं परमप्रभुया निंतिं छगू वेदी दय्‌काः होमबलि व मेलबलि छायाः तसलं परमप्रभुया नां कयाः प्रार्थना यात। अले परमप्रभुं स्‍वर्गं होमबलिया वेदीइ मि छ्वयाहयाः लिसः बियादिल।

प्रस्‍थान 20:24

“‘जिगु निंतिं चाया वेदी दय्‌काः उकी हे होमबलि, मेलबलि, फैच्‍वलय् व सा द्वहं देछा। गन गन जिं थःगु नांयात हनाबना याके अन वयाः जिं छिमित आशिष बी।

प्रस्‍थान 24:5

अले वं इस्राएली ल्‍याय्‌म्‍हतय्‌त छ्वल, इमिसं परमप्रभुया निंतिं होमबलि व द्वहंयागु मेलबलि छाल।

प्रस्‍थान 29:28

अले इस्राएलयापिं मनूतय्‌सं थ्‍व ब्‍वःयात हारून व वया काय्‌पिन्‍त बी। इस्राएलयापिं मनूतय्‌सं परमप्रभुयात मेलबलि छाइबलय् थ्‍व ब्‍व न्‍ह्याबलें पुजाहारीतय्‌गु जुइ। थ्‍व ब्‍व पुजाहारीतय्‌त बीबलय् परमप्रभुयात ब्‍यूगु थें हे जुइ।

हितोपदेश 7:14

“जिं मेलबलि छाये धकाः फ्‍यानातयागु थौं पूवंकागु दु।

इजकिएल 43:27

न्‍हय्‌न्‍हु फुइ धुंकाः च्‍यान्‍हु दुखुन्‍हुंनिसें पुजाहारीतय्‌सं वेदीइ छिमिगु होमबलि व मेलबलि छायेगु यायेमाः। अले जिं छिमित स्‍वीकार याये, परमप्रभु परमेश्‍वरं धयादी।”

इजकिएल 45:15

“‘फै इस्राएलया ख्‍यःयापिं निसःम्‍ह फैपाखें छम्‍ह। “‘छिमिसं अन्‍नबलि, होमबलि व मेलबलिया निंतिं पशुत अन्‍न व चिकं हइ, अले व छिमिगु निंतिं प्रायश्‍चित जुइ, परमप्रभु परमेश्‍वरं धयादी।

लेवी 1:10

“‘सुनानं परमप्रभुया निंतिं बथांपाखें फै वा दुगुचा बलि हल धाःसा वं खू मदुम्‍ह मिजंम्‍ह छायेमाः।

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

लेवी 17:5

इस्राएलीतय्‌सं खुल्‍लागु थासय् बियावयाच्‍वंगु बलि आवंलि नापलायेगु पालया ध्‍वाखाय् पुजाहारीतय्‌थाय् परमप्रभुया लागि हयाः वय्‌कःया लागि मेलबलिकथं छायेमाः धकाः थ्‍व आज्ञा ब्‍यूगु खः।

लेवी 3:6

“‘सुनानं परमप्रभुयात मेलबलिया बथांपाखें फैचा वा दुगुचा छाल धाःसा मिजंम्‍ह जूसां मिसाम्‍ह जूसां खू मदुम्‍ह पशुयात छायेमाः।

लेवी 9:18

वं मनूतय्‌गु निंतिं मेलबलिया द्वहं व भ्‍याःचा नं स्‍यात। वया काय्‌पिन्‍सं हि वयागु ल्‍हातय् बिल। अले वं व वेदीया जःखः छ्वाकल।

लेवी 9:4

अले मेलबलिया लागिं छम्‍ह द्वहं व छम्‍ह भ्‍याःचा, चिकनं बुलातःगु अन्‍नबलि नापं परमप्रभुयाथाय् बलिया लागिं हजि। छाय्‌धाःसा परमप्रभु थौं छिमिथाय् खनेदय्‌कः झाइ।’”

आमोस 5:22

छिमिसं जिगु निंतिं होमबलि व अन्‍नबलि छाःसां जिं व नालाकाये मखु। छिमिसं छाःगु दकलय् बांलाःगु मेलबलियात नं जिं वास्‍ता याये मखु।

मलाकी 1:14

“थःगु बथानय् बी धकाः भाकल याःम्‍ह ख्‍वं मदुम्‍ह मिजं पशु दय्‌क दय्‌कं जिगु निंतिं ख्‍वं दुम्‍ह पशु बां बीम्‍ह छल याइम्‍हय्‌सित सराः लाइ। छाय्‌धाःसा जि दकलय् तःधंम्‍ह जुजु खः, फुक्‍क जातियापिं मनूत जि खनाः ग्‍या,” दक्‍व शक्ति दुम्‍ह परमप्रभुं धयादी।

मलाकी 1:8

दक्‍व शक्ति दुम्‍ह परमप्रभुं थथे धयादी – “छिमिसं कांपिं पशुत बां बीत हइ, छु व मज्‍यूगु ज्‍या, मखु ला? अले छिमिसं तुति खुत्‍यां काःपिं व ल्‍वगिपिं पशुत बां बीत हइ, छु व याये ज्‍यूगु ज्‍या खः ला? अज्‍याःम्‍ह पशु छिमि राज्‍यपालयात बिया स्‍व। छु व छिपिं खनाः लय्‌ताइ ला? छु वं व नाला काइ ला?”

गन्‍ती 15:8

“‘होमबलि, भाकल बलिकथं वा मेलबलिकथं परमप्रभुयात द्वहंचा छायेबलय्

गन्‍ती 6:14

अन वं होमबलिया निंतिं खू मदुम्‍ह दच्‍छि दुम्‍ह चिधिकःम्‍ह भ्‍याःचा छम्‍ह, पापबलिया निंतिं खू मदुम्‍ह दच्‍छि दुम्‍ह मिसाम्‍ह फैचा छम्‍ह, व मेलबलिया निंतिं खू मदुम्‍ह भ्‍याःचा छम्‍ह,

गन्‍ती 7:17

व मेलबलिया निंतिं निम्‍ह द्वहं, न्‍याम्‍ह भ्‍याःचा, न्‍याम्‍ह दुगु व न्‍याम्‍ह दच्‍छि दुपिं चिधिकःपिं भ्‍याःचा। अम्‍मीनादाबया काय् नहशोनया देछा थ्‍व हे खः।

गन्‍ती 7:59

व मेलबलिया निंतिं निम्‍ह द्वहं, न्‍याम्‍ह भ्‍याःचा, न्‍याम्‍ह दुगु व न्‍याम्‍ह दच्‍छि दुपिं चिधिकःपिं भ्‍याःचा। पदासूरया काय् गमलिएलया देछा थ्‍व हे खः।

व्‍यवस्‍था 12:27

छिमिसं थःगु होमबलिया ला व हि परमप्रभु छिमि परमेश्‍वरयागु वेदीइ छा। बां ब्‍यूगुया हि परमप्रभु छिमि परमेश्‍वरयागु वेदीया लिकसं प्‍वंकाबीमाः, ला धाःसा छिमिसं नयेफु।

कलस्‍सी 1:20

परमेश्‍वरं सृष्‍टि यानातःगु स्‍वर्ग व पृथ्‍वीइ च्‍वंगु फुक्‍कं वय्‌कःया काय्‌नं क्रूसय् हाय्‌कूगु हिं थःलिसे मिलय् यानादिल।

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।

१ यूहन्‍ना 1:3

जिमिसं न्‍यनागु व खनागु फुक्‍कं न्‍यंकागु दु। जिमिगु संगति बाः नाप व परमेश्‍वरया काय् येशू ख्रीष्‍टनाप दुगुलिं छिमिसं नं जिपिं नाप संगति याये फयेमा धकाः थथे धयाच्‍वनागु खः।

न्‍यायकर्ता 20:26

सकलें इस्राएलीत बेथेलय् लिहां वन, अले ख्‍वयाः अन इपिं उखुन्‍हु सन्‍ध्‍याकाः ईतक परमप्रभुया न्‍ह्यःने अपसं च्‍वन। इमिसं परमप्रभुया न्‍ह्यःने होमबलि व मेलबलि छाल।

न्‍यायकर्ता 21:4

कन्‍हय् खुन्‍हु सुथ न्‍हापां इमिसं छगू वेदी दय्‌काः होमबलि व मेलबलि छाल।