लेवी 27:30 - नेवाः बाइबल

³⁰ “‘थुकथं बुँयागु अन्‍न व सिमाया फलयागु झिब्‍वय् छब्‍व परमप्रभुयागु हे खः अले व परमप्रभुया निंतिं पवित्र खः।

लेवी 27:30 ပူးပေါင်းရင်းမြစ်များ

उत्‍पत्ति 14:20

दक्‍वसिबय् तःधंम्‍ह परमेश्‍वरयात तःधंकी, गुम्‍हय्‌सिनं छिमि शत्रुतय्‌त छंगु ल्‍हातय् लःल्‍हानादिल।” अले अब्रामं थःम्‍हं हःगु फुक्‍क झिब्‍वय् छब्‍व वय्‌कःयात बिल।

उत्‍पत्ति 28:22

अले जिं धंकागु थ्‍व ल्‍वहं परमेश्‍वरया छेँ जुइ। अले वय्‌कलं बियादीगु न्‍ह्यागुं झिब्‍वय् छब्‍व वय्‌कःयात देछाये।”

उत्‍पत्ति 47:24

लयेगु इलय् छिमिसं बुँइ सःगु न्‍याब्‍वय् छब्‍व जुजुयात बीहयेमाः, अले प्‍यब्‍व धाःसा छिमिसं पुसाया निंतिं व थथःगु परिवार व थः मस्‍तय्‌गु नसाया निंतिं तये फइ।”

उत्‍पत्ति 47:26

उकिं मिश्र देशय् योसेफं बुँयागु छगू कानून हे दय्‌काबिल। मिश्रय् थ्‍व कानून आः तक नं दनि। थ्‍व कानूनकथं बुँयागु न्‍याब्‍वय् छब्‍व अन्‍न जुजुयागु जुइ। पुजाहारीतय्‌गु बुँ जक जुजुयागु मजुल।

२ इतिहास 31:12

मनूतय्‌सं विश्‍वास यायेबहः जुयाः थथःगु भेटी व झिब्‍वय् छब्‍व शुद्ध याःगु देछा हल, उपिं फुक्‍क धुकूया हामा लेवी कोनन्‍याह खः, अले वया किजा शिमी वयात ग्‍वाहालि याइम्‍ह खः।

नहेम्‍याह 12:44

उबलय् देगलय् छाःगु देछा तइगु धुकू स्‍वयेत मनूत तल। देछात, न्‍हापांगु अन्‍न व फलफुल व झिब्‍वय् छब्‍व नं अन तइगु खः। जःखःया शहर लिक्‍कयागु बुँ व क्‍यबपाखें व्‍यवस्‍थाकथं पुजाहारी व लेवीतय्‌त दयेमाःगु देछा मुनेगु ज्‍या नं उपिं मनूतय्‌त लःल्‍हात। यहूदायापिं सकल मनूत पुजाहारीत व लेवीत खनाः लय्‌ताः।

नहेम्‍याह 13:12

अबलय् सकल यहूदीतय्‌सं हानं अन्‍न, दाखमद्य व चिकंया झिब्‍वय् छब्‍व धुकुतिइ हल।

नहेम्‍याह 13:5

उकिं वं तोबियायात छकू तःकूगु क्‍वथा छ्यलेत ब्‍यूगु जुयाच्‍वन। न्‍हापा व क्‍वथाय् अन्‍नबलि, धुपाँय् व देगःया सामान अले लेवीत, म्‍ये हालीपिं व देगलय् पिवाःतय्‌गु निंतिं झिब्‍वय् छब्‍व अन्‍न, न्‍हूगु दाखमद्य, चिकं व पुजाहारीतय्‌गु निंतिं देछात तइगु खः।

लेवी 27:29

मनूत मध्‍ये सुं मनूयात स्‍यायेगु लागिं देछाःगु खःसा वयात मू पुलाः लिफ्‍याये मज्‍यू। वयात स्‍याना हे छ्वयेमाः।

लेवी 27:31

अले सुनां झिब्‍वय् छब्‍वयागु छुं मू पुलाः लिफ्‍याइगु खःसा वं उकियागु न्‍याब्‍वय् छब्‍व तनाबीमाः।

मत्ती 23:23

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं नवःघाँय्, सोँप व जीया झिब्‍वय् छब्‍व परमेश्‍वरयात छाये हइ। अथेसां छिमिसं न्‍याय, दया व विश्‍वास थें ज्‍याःगु व्‍यवस्‍थाया मू खँय् च्‍यूताः मतः। छिमिसं थ्‍व नं मत्‍वःते माःगु खः।

लूका 11:42

“फरिसीत, छिमित धिक्‍कार दु, छाय्‌धाःसा छिमिसं थःथाय् सःगु नवःघाँय्, जी व मेमेगु मसला ला झिब्‍वय् छब्‍व परमेश्‍वरयात छाये हइ। तर छिमिसं न्‍याय यायेगु व परमेश्‍वरयात माया यायेगु खँय् धाःसा च्‍यूताः मतः। छिमिसं थ्‍व नं मत्‍वःते माःगु खः।

लूका 18:12

जि हप्‍ताय् निकः अपसं च्‍वना, अले जिं कमय् यानागु धिबां झिब्‍वय् छब्‍व छायेहया च्‍वनागु दु।’

व्‍यवस्‍था 18:8

वयाके थः छेँजःया सम्‍पत्ति मियाः वःगु ध्‍यबा दुसां वयात बलि ब्‍यूगु व देछाःगुपाखें बराबर भाग दइ।

व्‍यवस्‍था 26:12

स्‍वंगूगु दँय्, झिब्‍वय् छब्‍व बीगु दँय् छिमिसं थःगु फुक्‍क बालीया झिब्‍वय् छब्‍व छायेमाः। विशेष देछा छायेगु थ्‍व दँय् छिमिसं लेवीया सन्‍तानत, परदेशीत, मांबौ मदुपिं व भाःत सी धुंकूपिन्‍त झिब्‍वय् छब्‍व बीमाः। अले छिमिगु शहरय् इमिके नयेत गाक्‍क दइ।