लेवी 27:3 - नेवाः बाइबल

³ व मिजं निइदँनिसें खुइदँतकयाम्‍ह जूसा वयागु मू पवित्र पालयागु शेकेलकथं वहःयागु नेय्‌गू शेकेल जुइ।

लेवी 27:3 ပူးပေါင်းရင်းမြစ်များ

२ राजा 12:4

योआशं पुजाहारीतय्‌त धाल, “परमप्रभुया देगलय् पवित्र देछाकथं जनगणना काःबलय् मुंगु धिबा, मनूतय्‌सं भाकल याःगु धिबा व थःयसें देगलय् हःगु धिबा फुक्‍क मुं।

प्रस्‍थान 30:13

मिजंम्‍ह मनूत ल्‍याःखाइबलय् इपिं छम्‍ह छम्‍हय्‌सिनं पवित्र पालया शेकेलकथं बच्‍छि शेकेल बीमाः। थ्‍व छगू शेकेल धयागु निइगू गेरा खः। थ्‍व बच्‍छि शेकेल परमप्रभुयात देछा खः। पवित्र थाय्‌यागु शेकेलकथं छगू शेकेल १२ ग्राम वहः खः।

प्रस्‍थान 38:24

पवित्र पालया शेकेलकथं ज्‍याया निंतिं संकाबीगु बलिया लुँ पवित्र पालया शेकेलया ल्‍याःकथं द्वःछि किलोग्राम दु।

लेवी 27:14

“‘सुनानं परमप्रभुयात थःगु छेँ देछाल धाःसा पुजाहारीं व छेँ बांलाः वा बांमलाः स्‍वयाः उकिया मू क्‍वःछिना बीमाः। पुजाहारीं गुलि क्‍वःछित उकिया मू उलि हे जुइमाः।

लेवी 27:25

क्‍वःछ्यूगु मू फुक्‍कं पवित्र पालया वहःया शेकलकथं जुइमाः। निइगू गेराया छगू शेकेल खः।

लेवी 27:4

अले मिस्‍तय्‌गु मू धाःसा स्‍विगू शेकेल जुइ।

लेवी 5:15

“सुनानं मसीकं परमप्रभुया पवित्र सम्‍पत्तिया छुं नं खँय् पापयात धाःसा वं सजाँयकथं परमप्रभुयाथाय् बथांपाखें खू मदुम्‍ह भ्‍याःचा छायेमाः। भ्‍याःचाया मू पवित्र पालया शेकेल कथं क्‍वःछी। थ्‍व दोषबलि खः।

लेवी 6:6

वं पुजाहारीयाथाय् परमप्रभुयात दोषबलि बीत खू मदुम्‍ह भ्‍याःचा हयेमाः। भ्‍याःचाया मू शेकेलया मूकथं क्‍वःछी।

गन्‍ती 18:16

लच्‍छि दये धुंकाः पवित्र पालया शेकेलकथं छं क्‍वःछीगु न्‍यागू शेकेल मू पुलाः इमित लिफ्‍यायेमाः, छगू शेकेलया तौल निइगू गेरा दइ।

गन्‍ती 3:47

छम्‍हय्‌सियागु मूकथं इमिपाखें न्‍यागू न्‍यागू शेकेल का। थ्‍व पवित्र पालया शेकेलकथं जुइमाः। छगू शेकेलय् निइगू गेरा दइ।