लेवी 27:26 - नेवाः बाइबल

²⁶ “‘पशुतय्‌सं बुइकूम्‍ह न्‍हापायाम्‍ह मचा, सा वा द्वहंया जुइमा वा फैया जुइमा, इपिं न्‍हापांनिसें हे परमप्रभुया खः, वयात धाःसा देछाये मते।

लेवी 27:26 ပူးပေါင်းရင်းမြစ်များ

२ राजा 7:5

अले सन्‍ध्‍याकाः इलय् इपिं अरामीतय्‌गु छाउनीपाखे वन। छाउनीया लिक्‍क थ्‍यंबलय् अन सुं मदु।

नहेम्‍याह 10:36

“जिमिगु परिवारय् न्‍हापां बूम्‍ह काय् परमेश्‍वरया व्‍यवस्‍थाय् क्‍वःछिनातःथें परमप्रभु जिमि परमेश्‍वरया देगलय्, अन सेवा याइपिं पुजाहारीतय्‌थाय् छाये हये। थुकथं हे सा द्वहंया न्‍हापाम्‍ह मचा व फैच्‍वलय्‌चा न्‍हापांम्‍ह मचा जिमिसं छाये।

प्रस्‍थान 13:2

“न्‍हापां बूम्‍ह इस्राएली काय्‌मचायात जिगु निंतिं फ्‍या। न्‍हापां बूम्‍ह मिजंमचा जिम्‍ह हे जुइ। छिमिसं न्‍हापां बूम्‍ह मिजंम्‍ह पशुयात नं जिगु निंतिं फ्‍या।”

प्रस्‍थान 22:30

“छिमिसं थःपिनि सा व फैच्‍वलय्‌या न्‍हापां बूपिं मस्‍तय्‌त नं अथे हे या। न्‍हय्‌न्‍हु तक इपिं थः मांलिसे च्‍वनी, च्‍यान्‍हु खुन्‍हु जितः छा।

लेवी 27:27

व अशुद्ध पशुं दकलय् न्‍हापा बुइकूम्‍ह खःसा क्‍वःछ्यूगु मुलय् हानं मेगु न्‍याब्‍वय् छब्‍व मू तनाः उकियात लिफ्‍याना कायेमाः। तर मू पुलाः लिफ्‍याइगु मखुसा क्‍वःछ्यूगु मुलय् मिया छ्वयेमाः।

गन्‍ती 18:17

“अय्‌नं द्वहं, फै वा दुगुया न्‍हापां बूपिन्‍त लिफ्‍याये मते! इपिं पवित्रपिं खः। इमिगु हि वेदीइ छ्वाकि। अले परमप्रभुया निंतिं यःगु नस्‍वाः जुइत विशेष देछाकथं इमिगु दाः छ्वय्‌का छ्व।

गन्‍ती 3:13

छाय्‌धाःसा न्‍हापां बूपिं फुक्‍कं जिम्‍ह खः। मिश्रय् न्‍हापां बूपिं फुक्‍कसित स्‍यानागु दिं इस्राएलया न्‍हापां बूपिं मनूत व पशुतय्‌त जिं थःगु हे निंतिं अलग तया। इपिं फुक्‍कं जिम्‍ह खः। जि परमप्रभु खः।”

व्‍यवस्‍था 15:19

छिमि सा द्वहं व फैच्‍वलय्‌या न्‍हापां बूम्‍ह न्‍ह्याम्‍ह बाजात नं परमप्रभु छिमि परमेश्‍वरया निंतिं अलग तयेमाः। छिमि न्‍हापां बूम्‍ह द्वहंचायात छुं ज्‍याय् छ्यले मते। अले न्‍हापां बूम्‍ह फैया सँ खाये मते।