लेवी 26:9 - नेवाः बाइबल

⁹ “‘जिं थःगु ख्‍वाः छिपिं पाखे स्‍वय्‌के, अले छिमित बांलाक ब्‍वलंकाः छिमिगु ल्‍याः अप्‍वय्‌काबी अले छिपिंनापं चिनातयागु बाचा पूवंकाबी।

लेवी 26:9 ပူးပေါင်းရင်းမြစ်များ

उत्‍पत्ति 1:28

परमेश्‍वरं इमित आशिष बियाः धयादिल, “छिमि मचाखाचा यक्‍व दयाः पृथ्‍वी जायेमा, अले पृथ्‍वीइ अधिकार यायेमा। समुद्रय् च्‍वंपिं न्‍या, आकाशय् च्‍वंपिं झंगःपंक्षी व बँय् घिसय् जुइपिन्‍त अधिकार यायेमा।”

उत्‍पत्ति 17:20

छं इश्‍माएलया खँ न्‍ह्यथंगु जिं न्‍यनेधुन। उकिं जिं वयात नं आशिष बी। अले वयात यक्‍व मस्‍त व सन्‍तान बी। व झिंनिम्‍ह शासकतय् अबु जुइ। जिं वया सन्‍तानयागु छगू तःधंगु जाति दय्‌काबी।

उत्‍पत्ति 22:17

जिं छन्‍त आकाशय् च्‍वंगु नगु व फिसलय् च्‍वंगु फि थें यक्‍व सन्‍तान दय्‌काबी। इमिसं थः शत्रुतय्‌त बुकाः इमिगु शहर त्‍याकाकाइ।

उत्‍पत्ति 26:4

जिं छन्‍त आकाशय् च्‍वंगु नगु थें यक्‍व सन्‍तान बियाः इमित थ्‍व फुक्‍क देश बी। छिमि हे सन्‍तानपाखें संसारय् च्‍वंपिं फुक्‍कसिनं आशिष कायेखनि।

उत्‍पत्ति 28:14

छिमि सन्‍तान पृथ्‍वीया धू थें जुइ। इपिं पुर्ब व पच्‍छिम, उत्तर व दच्‍छिन न्‍यनावनी। पृथ्‍वीया फुक्‍क मनूतय्‌सं छ व छिमि सन्‍तानपाखें आशिष काइ।

उत्‍पत्ति 28:3

दक्‍व शक्ति दुम्‍ह परमेश्‍वरं छन्‍त आशिष बीमा। अले छं यक्‍व सन्‍तान दयाः छंपाखें यक्‍व जाति दयेमा।

उत्‍पत्ति 48:4

‘जिं छन्‍त यक्‍व सन्‍तान बी। छंपाखें जिं थीथी जाति दय्‌के। जिं छन्‍त थ्‍व थाय् बियाच्‍वना, अले सदां सदांया लागि थ्‍व छंगु व छिमि सन्‍तानयागु जुइ।’

उत्‍पत्ति 6:18

तर जिं छलिसे बाचा चिने। छ छिमि कलाः, काय्‌पिं व भौपिं ब्‍वनाः जहाजय् च्‍वंहुँ।

१ राजा 3:8

थन छिकपिनि दास छिं ल्‍ययादीपिं मनूतय् दथुइ दु। इपिं यक्‍व दुगुलिं इमित ल्‍याः खाये फइ मखु।

२ राजा 13:23

तर अब्राहाम, इसहाक व याकूबलिसें बाचा चिनादीगुलिं परमप्रभुं इमित दयामाया यानादिल अले इमित वास्‍ता यानादिल। थौं तक नं वय्‌कलं इमित नाश यायेत अथवा वय्‌कःया न्‍ह्यःनं गुबलें पितनाछ्वयेगु इच्‍छा यानादीगु मदु।

नहेम्‍याह 2:20

जिं इमित थथे लिसः बिया, “स्‍वर्गयाम्‍ह परमेश्‍वरं जिमित ताःलाकादी। जिपिं वय्‌कःया दासतय्‌सं शहर व पखाः हाकनं दय्‌केगु ज्‍या शुरु याये त्‍यनागु दु। अय्‌नं यरूशलेमया छुं नं भागय् वा सम्‍पत्तिइ छिमिगु अधिकार मदु।”

नहेम्‍याह 9:23

छिं इमित आकाशया नगु थें अप्‍वः सन्‍तान बियादिल, छिं इमि पुर्खातय्‌त बी धकाः बचं बियादीगु देश इमिसं त्‍याकल अले अन च्‍वन।

भजनसंग्रहया सफू 107:38

वय्‌कलं इमित सुवाः बियादिल, अले इमिगु ल्‍याः अप्‍वय्‌कादिल, वय्‌कलं इमि पशुत नं कम यानामदी।

भजनसंग्रहया सफू 89:3

छिं धयादिल, “जिं थःम्‍हं ल्‍ययाम्‍हनापं बाचा चिनागु दु, थः दास दाऊदलिसे पाफयागु दु,

प्रस्‍थान 1:7

इस्राएलया सन्‍तान धाःसा ब्‍वलनाः ल्‍याखय् अप्‍वः दयावन। गुकिं यानाः फुक्‍क देश इमिसं जाल।

प्रस्‍थान 2:25

अथे जुयाः परमेश्‍वरं इस्राएलीतय्‌त स्‍वयादिल अले इमिगु च्‍यूताः कयादिल।

प्रस्‍थान 6:4

इपिं कनान देशय् परदेशी जुयाः च्‍वनाच्‍वंबलय् जिं इपिं नाप व हे कनान देश इमित बी धकाः बाचा चिनागु दु।

यशैया 55:3

हे मनूत, जिथाय् वयाः जिगु खँ बांलाक न्‍यँ! अले छिमित जीवन दइ। जिं छिपिंनापं सदांया निंतिं छगू बाचा चिने, जिं दाऊदयात सदां दइगु दयामाया बी धकाः बचं बियागु पवित्र आशिष छिमित बी।

यर्मिया 23:3

“जिगु बथांया ल्‍यनाच्‍वंपिन्‍त जिं इमित लिनाछ्वयागु फुक्‍क देशं मुंकाः जिं थःम्‍हं हे इमित इमिगु थःगु हे ख्‍यलय् लित हये। अले हानं इपिं च्‍वन्‍ह्याइ अले इमिगु ल्‍याः अप्‍वयावनी।

यर्मिया 23:4

जिं इमिगु लागि फैजवाःत तये। इमिसं इमित बिचाःसंचाः याइ। जिमि मनूत गुबलें ग्‍याइ मखु। इपिं मध्‍ये सुं नं तनी मखु,” परमप्रभुं धयादी।

यर्मिया 33:3

‘जितः प्रार्थना या, अले जिं छन्‍त लिसः बी। छं मस्‍यूगु ततःधंगु व गुप्‍ति खँ जिं छन्‍त कने।’

इजकिएल 16:62

थुकथं जिं छलिसें बाचा ची अले जि परमप्रभु खः धकाः छं सी।

इजकिएल 36:9

जितः छिमिगु धन्‍दा जूगु दु। जिं छिमित दया याये। जिं छिमिगु बुँ पालाः पुसा ह्वले।

लेवी 26:15

जिगु नियमयात क्‍वह्यंकल धाःसा अले जिनापं चिनातःगु बाचा त्‍वथुल धाःसा,

लूका 1:72

वय्‌कलं झी तापाःबाज्‍यापिन्‍त दया यानादीगु व वय्‌कःपिं नाप चिनादीगु बाचा लुमंकादी।

व्‍यवस्‍था 28:11

छिमि पुर्खातय्‌त पाफयाः बी धयादीगु देशय् परमप्रभुं छिमित यक्‍व मचाखाचा, अले सा द्वहं व यक्‍व अन्‍न बियादी।

व्‍यवस्‍था 28:4

छिमि मचाखाचा, अन्‍न, सा द्वहं, फैच्‍वलय्‌या मस्‍तय्‌त सुवाः लाइ।

व्‍यवस्‍था 7:13

वय्‌कलं छिमित माया यानादी। अले सुवाः बियाः छिमिगु ल्‍याः अप्‍वः यानाबी। वय्‌कलं छिमि पुर्खालिसे छिमित बी धकाः पाफयादीगु देशय् छिमि मचाखाचातय्‌त, बुँया फल, अन्‍न, न्‍हूगु दाखमद्य व जैतूनया चिकं, अले सा द्वहं व फैच्‍वलय्‌तय् मस्‍तय्‌गु ल्‍याः नं अप्‍वय्‌काबी।

हिब्रू 8:9

इमि तापाःबाज्‍यापिन्‍त मिश्र देशं लिगना हये धुंकाः इपिं लिसे चिनागु थें ज्‍याःगु बाचा थ्‍व मखु। जिं चिनागु बाचायात इमिसं च्‍यूताः मतःगुलिं नं जिं इमित च्‍यूताः मयानागु खः।