लेवी 26:8 - नेवाः बाइबल

⁸ छिमि न्‍याम्‍हय्‌सिनं सच्‍छिम्‍हय्‌सित व सच्‍छिम्‍हय्‌सिनं झिद्वः मनूतय्‌त बुके फइ। छिमि शत्रुत छिमिगु तरवारं सिनावनी।

लेवी 26:8 ပူးပေါင်းရင်းမြစ်များ

१ इतिहास 11:11

हक्‍मोनी याशोबाम। याशोबाम नांजाःपिं स्‍वम्‍हय्‌सिया नायः खः। छगू लडाइँलय् वं याकचां हे स्‍वसःम्‍हय्‌सित भालां स्‍याःगु खः।

१ इतिहास 11:20

योआबया किजा अबीशै उपिं स्‍विम्‍हय्‌सिया नायः खः। छकः वं भालां स्‍वसःम्‍हय्‌सित स्‍यात अले थुकथं व उपिं स्‍वम्‍ह थें हे नांजाःम्‍ह मनू जुल।

एस्‍तर 9:16

थुबलय् हे जुजुया प्रान्‍त प्रान्‍तय् ल्‍यंदनिपिं यहूदीत थः शत्रुतपाखें थःत बचय् यायेत फुक्‍क प्रान्‍तय् थथःगु शहरय् छथाय् मुन। इमिसं न्‍हयेन्‍याद्वः मनूत स्‍यात। तर इमिसं लुतय् मयाः।

लेवी 26:7

छिमिसं थःपिनि शत्रुतय्‌त लिनाः तरवारं स्‍याये फइ।

जकरिया 12:8

उखुन्‍हु हे परमप्रभुं यरूशलेमय् च्‍वंपिन्‍त रक्षा यानादी अले इपिं मध्‍ये तसकं बमलाःपिं दाऊद थें जुइ। दाऊदया घराना धाःसा परमेश्‍वर थें इमिगु न्‍ह्यःने वनाच्‍वंम्‍ह परमप्रभुया दूत थें जुइ।

गन्‍ती 14:9

उकिं छिपिं परमप्रभुया विरोधय् विद्रोह याये मते! अन च्‍वंपिं मनूतलिसे ग्‍याये मते, छाय्‌धाःसा इपिं झीगु शिकार खः। परमप्रभु झीपिं नाप दु, इमिके आः हाःनाः मदये धुंकल। इपिं खनाः ग्‍याये मते।”

गन्‍ती 31:4

इस्राएलया छगू छगू कुलं द्वःछिम्‍ह द्वःछिम्‍ह मनूत लडाइँ यायेत छ्व।”

व्‍यवस्‍था 28:7

छिपिंलिसें ल्‍वाः वइपिं शत्रुतय्‌त परमप्रभुं छिमिगु न्‍ह्यःने हे बुकाबी। इपिं छपु लँपु जुयाः ल्‍वाः वइ अय्‌नं छिमिगु न्‍ह्यःनं न्‍हय्‌पु लँपु जुयाः बिस्‍युं वनी।

व्‍यवस्‍था 32:30

इमि बल्‍लाःम्‍ह रक्षकं इमित तापाक्‍क छ्वल, परमप्रभुं इमित त्‍वःतादिल, अथे जुयाः छम्‍ह शत्रुं द्वःछिम्‍हय्‌सित बुके फत, अले झिद्वःम्‍हय्‌सित निम्‍हय्‌सिनं बुके फत?

यहोशू 23:10

छिमि छम्‍हय्‌सिनं द्वःछिम्‍हय्‌सित लिनाछ्वये फइ, छाय्‌धाःसा परमप्रभुं थःगु बचंकथं छिमिगु निंतिं ल्‍वानादी।

न्‍यायकर्ता 15:15

वं गधायागु न्‍हूगु छगू वाकुधी लुइकल, अले ल्‍हातं व कयाः उकिं द्वःछिम्‍ह मिजंतय्‌त स्‍यानाबिल।