7 छिमिसं थःपिनि शत्रुतय्त लिनाः तरवारं स्याये फइ।
अले अरामीत बिस्युं वनाच्वंगु खनाः अम्मोनीत अबीशैया न्ह्यःनं बिस्युं वनाः शहर दुने दुहां वन। अनंलि योआब यरूशलेमय् लिहां वल।
थुबलय् हे जुजुया प्रान्त प्रान्तय् ल्यंदनिपिं यहूदीत थः शत्रुतपाखें थःत बचय् यायेत फुक्क प्रान्तय् थथःगु शहरय् छथाय् मुन। इमिसं न्हयेन्याद्वः मनूत स्यात। तर इमिसं लुतय् मयाः।
जितः महीपिन्सं ग्यानाः जिगु न्ह्यःने भ्वपू वइगु खः। इमिगु सजाँय सदां सदांया निंतिं जुइगु खः।
“‘छिपिं म्वानाच्वंपिं, शत्रुतय्गु देशय् छिमिसं लप्ते हः कुतुवंगु सः ताइबलय् नं छिपिं तरवारं ल्यू वःगु धकाः ग्यानाः बिस्युं वनी। ल्यूवःपिं सुं मदुसां छिपिं बँय् क्वदइ।
“‘जिं छिमिगु देशय् शान्ति बी। छिपिं याउँक द्येने फइ। अले छिमित ख्याइपिं सुं दइ मखु। जिं देशं ग्यानापुपिं पशुत ख्याना छ्वये, अले छिमिगु देशय् लडाइँ जुइ मखु।
छिमि न्याम्हय्सिनं सच्छिम्हय्सित व सच्छिम्हय्सिनं झिद्वः मनूतय्त बुके फइ। छिमि शत्रुत छिमिगु तरवारं सिनावनी।
छिपिंलिसें ल्वाः वइपिं शत्रुतय्त परमप्रभुं छिमिगु न्ह्यःने हे बुकाबी। इपिं छपु लँपु जुयाः ल्वाः वइ अय्नं छिमिगु न्ह्यःनं न्हय्पु लँपु जुयाः बिस्युं वनी।
इमि बल्लाःम्ह रक्षकं इमित तापाक्क छ्वल, परमप्रभुं इमित त्वःतादिल, अथे जुयाः छम्ह शत्रुं द्वःछिम्हय्सित बुके फत, अले झिद्वःम्हय्सित निम्हय्सिनं बुके फत?
छिमि छम्हय्सिनं द्वःछिम्हय्सित लिनाछ्वये फइ, छाय्धाःसा परमप्रभुं थःगु बचंकथं छिमिगु निंतिं ल्वानादी।
वं गधायागु न्हूगु छगू वाकुधी लुइकल, अले ल्हातं व कयाः उकिं द्वःछिम्ह मिजंतय्त स्यानाबिल।
बाराकं सीसराया सेना व रथतय्त हरोशेत हग्गोयिम तक लिनायंकल। अले सीसराया सकल सिपाइँत तरवारं सीत। छम्ह नं बचय् मजू।
उबलय् हे नप्ताली, आशेर व फुक्क मनश्शे कुलपाखें इस्राएलीत सःतल। अले इमिसं मिद्यानीतय्त लित्तुलिल।
जोनाथन ल्हाः तुतिं चुयाः च्वय् थाहां वन, अले वया ल्वाभः ज्वनीम्ह मनू नं वया ल्यूल्यू वन। जोनाथनं पलिश्तीतय्त हमला यात अले वया ल्यूल्यू वयाच्वंम्ह ल्वाभः ज्वनीम्ह मनुखं इमित स्यात।
