लेवी 26:43 - नेवाः बाइबल

⁴³ इमिसं देश त्‍वःतल, इपिं मदय्‌कं नं देशं झासु लनेगु ई हनाच्‍वनी। लिपतय् इमिसं थःगु अर्धमयागु सजाँययात स्‍वीकार याइ छाय्‌धाःसा इमिसं जिगु नियम व विधि मानय् मयाःगु खः। अले इमिसं जिगु विधियात तसकं मय्‌कल।

लेवी 26:43 ပူးပေါင်းရင်းမြစ်များ

२ इतिहास 33:12

तर आपत जूबलय् वं परमप्रभु थः परमेश्‍वरयाके ग्‍वाहालि फ्‍वन, अले व वया पुर्खातय् परमेश्‍वरया न्‍ह्यःने क्‍वमिलु जुल।

२ इतिहास 36:21

यर्मियाया म्‍हुतुं पिहां वःगु परमप्रभुया वचन पूवनेत न्‍हयेदँ (७०) पुला मवंतले, झिजांमिजां दनाच्‍वंतले देशं थःगु विश्राम दँत हनाच्‍वन।

अय्‍यूब 5:17

व मनू धन्‍यम्‍ह खः, गुम्‍हसित परमेश्‍वरं न्‍वानादी। उकिं दक्‍व शक्ति दुम्‍ह परमेश्‍वरं ब्‍वःबियादीबलय् तंचाये मते।

भजनसंग्रहया सफू 119:67

जितः सजाँय जुइ न्‍ह्यः जिं लँ द्वंकागु खः, तर आः जिं छिगु वचन पालन याना।

भजनसंग्रहया सफू 119:71

छिगु व्‍यवस्‍था सय्‌कागुलिं जितः दुःख जूगु जिगु लागि बां हे लात।

भजनसंग्रहया सफू 119:75

हे परमप्रभु, छिगु विधि धार्मिक खः धकाः जिं स्‍यू, छिं जितः दुःख बियादीगु पाय्‌छि खः धकाः जिं स्‍यू।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 50:17

छन्‍त जिं स्‍यनेकने याःगु मयः, अले छं जिगु वचनयात क्‍वह्यंकीगु।

यशैया 26:16

परमप्रभु, छिं थः प्रजायात सजाँय बियादीगु दु। अले मनय् दुःखकष्‍ट जुयाः इमिसं छितः बिन्‍ति यात।

यर्मिया 31:19

जि मखुगु लँय् वने धुंकाः जि पस्‍ताय् चाया। जिं थुइ धुंकाः जिं थःगु नुगःपा दाया। जि मछाले माल। जि क्‍वह्यंका च्‍वनेमाल। छाय्‌धाःसा ल्‍याय्‌म्‍हबलय् जिं पाप यानागु खः।’

दानिएल 9:14

अथे जूगुलिं छिं जिमिके विपत्ति हयादीगु दु। हे परमप्रभु परमेश्‍वर, छिं न्‍ह्यागु ज्‍या नं पाय्‌छिकथं यानादी। अय्‌नं जिमिसं छिगु खँ मन्‍यना।

लेवी 26:11

जि छिमिगु दथुइ थःगु हे पवित्र पालय् च्‍वंवये अले जिं छिमित मयय्‌के मखु।

लेवी 26:15

जिगु नियमयात क्‍वह्यंकल धाःसा अले जिनापं चिनातःगु बाचा त्‍वथुल धाःसा,

लेवी 26:30

जिं छिमिगु पुजा यायेगु देगःचात स्‍यंकाबी, अले छिमिगु धुपाँय्‌ च्‍याकेगु मकःयात नं स्‍यंकाबी, अले छिमिगु सीम्‍हयात उपिं जीवन मदुगु मूर्तितय्‌गु द्यःने तयाबी। जिं स्‍वइबलय् छिपिं घचाइपुसे च्‍वंपिं जुइ धुंकूगु दु।

लेवी 26:41

इमिगु विरोधय् वनाः जिं इमित शत्रुतय्‌गु देशय् हःगु खः धकाः इमिसं छाःगु नुगःयात क्‍वमिलु यानाः पापया मू पुल धाःसा

आमोस 5:10

इमान्‍दारपिं न्‍यायधीसतय्‌त छिमिसं तच्‍वकं मयय्‌कूगु दु, अले खःगु सत्‍य खँ ल्‍हाइपिन्‍त नं क्‍वह्यंकूगु दु।

जकरिया 11:8

जिं लच्‍छिया दुने स्‍वम्‍ह फैजवाःतय्‌त पितिनाछ्वया। अले उगु फैबथानं जितः मयय्‌कल। जितः इपिं खनाः वाक्‍क वल।

यूहन्‍ना 7:7

संसारय् च्‍वंपिन्‍सं छिमित हेला याये फइ मखु। जिं संसारय् च्‍वंपिन्‍सं याना जूगु ज्‍याखँ मभिं धकाः धयागुलिं इमिसं जितः हेला याइ।

रोमी 8:7

शरीरयात यःथें यानाजुइपिं परमेश्‍वरया शत्रु खः, छाय्‌धाःसा थज्‍याःपिं मनूतय्‌सं परमेश्‍वरयागु व्‍यवस्‍था मानय् याइ मखु, अले हानं मानय् याये फइ नं मखु।

व्‍यवस्‍था 32:36

परमप्रभुं थःमनूतय्‌गु बल मदयावंगु खन कि वय्‌कलं इमिगु न्‍याय यानादी। छु दास वा छु स्‍वतन्‍त्र इपिं सुं बचय् जुयाच्‍वंगु मदइबलय्, वय्‌कलं थःगु सजाँय दिकादी।