लेवी 26:42 - नेवाः बाइबल

⁴² उबलय् जिं याकूबनापं चिनातयागु बाचा लुमंके। अले इसहाक नापं चिनातयागु बाचा व अब्राहामनापं चिनातयागु बाचा नं लुमंके। नापं जिं देशयात नं लुमंके।

लेवी 26:42 ပူးပေါင်းရင်းမြစ်များ

इजकिएल 16:60

अथे जूसां छ ल्‍याय्‌म्‍हबलय् छलिसें यानागु जिगु बाचायात लुमंकाः जिं छलिसें सदांया बाचा ची।

भजनसंग्रहया सफू 106:45

वय्‌कलं इमिगु लागि थःगु बाचा लुमंकादिल, अले थःगु सदां दयाच्‍वनीगु दया मायाया कारणं वय्‌कः नरम जुयादिल।

प्रस्‍थान 6:5

अज्‍ज ला, जिं मिश्रीतय्‌सं दास यानातःपिं इस्राएलीत ख्‍वःगु सः न्‍यनागु दु, अले जिं थःगु बाचा लुमंकागु दु।

प्रस्‍थान 2:24

थथे इपिं पिच्‍यानाः हाःगु सः न्‍यनाः परमेश्‍वरं अब्राहाम, इसहाक व याकूबनापं थःम्‍हं यानागु बाचायात लुमंकादिल।

लूका 1:72

वय्‌कलं झी तापाःबाज्‍यापिन्‍त दया यानादीगु व वय्‌कःपिं नाप चिनादीगु बाचा लुमंकादी।

योएल 2:18

अले परमप्रभुं थःगु देशयात तसकं च्‍यूताः कयादी, अले वय्‌कलं थः प्रजातय्‌त माया यानादी।

भजनसंग्रहया सफू 136:23

झीपिं लडाइँलय् बूबलय् वय्‌कलं झीत लुमंकादिल, वय्‌कःया दया माया सदां दयाच्‍वनी।

व्‍यवस्‍था 4:31

वय्‌कलं छिमित त्‍वःतादी मखु, नाश यानादी मखु। छिमि पुर्खालिसें पाफयाः क्‍वःछिनादीगु बाचा ल्‍वःमंकादी मखु, छाय्‌धाःसा परमप्रभु छिमि परमेश्‍वर माया यानादीम्‍ह खः।

उत्‍पत्ति 28:15

जि छलिसें दु। छ न्‍ह्याथाय् वंसां जिं छन्‍त स्‍वयाच्‍वने। अले जिं छन्‍त थन हे लित हये। जिं छन्‍त बाचा चिनागु ज्‍या पूमवंतले त्‍वःते मखु।”

उत्‍पत्ति 26:5

छाय्‌धाःसा अब्राहामं जिं धाःथें फुक्‍क यात। वं जिं बियागु आज्ञा, नियम व स्‍यनाकना मानय् यात।”

उत्‍पत्ति 9:16

आकाशय् गुबलय् इन्‍द्रेणी खनेदइ, उकियात स्‍वयाः जिं पृथ्‍वीइ च्‍वंपिं फुक्‍क प्राणीलिसे सदांया लागि चिनागु बाचा लुमंके।”

उत्‍पत्ति 9:15

उबलय् जिं छिमित व फुक्‍क प्राणीलिसे चिनागु बाचा लुमंके। पृथ्‍वीइ आः हाकनं खुसिबाः वयाः फुक्‍क प्राणीत सी मखु।

उत्‍पत्ति 26:2

परमप्रभुं वयाथाय् खनेदय्‌कः वयाः धयादिल, “मिश्र देशय् वने मते। जिं धयाथाय् हे च्‍वँ।

उत्‍पत्ति 28:13

परमप्रभुं वया लिक्‍क वयाः धयादिल, “जि परमप्रभु खः, छं तापाःबाज्‍या अब्राहामया परमेश्‍वर, अले इसहाकया परमेश्‍वर। जिं छन्‍त व छिमि सन्‍तानयात छ च्‍वनाच्‍वंगु देश बी।

उत्‍पत्ति 35:11

वय्‌कलं वयात हाकनं धयादिल, “जि दक्‍व शक्ति दुम्‍ह परमेश्‍वर खः। छं यक्‍व सन्‍तान दयेमा। छंगुपाखें यक्‍व जात जाति दयावइ। छंगुपाखें यक्‍व जुजुपिं नं दयावइ।

उत्‍पत्ति 35:12

जिं अब्राहाम व इसहाकयात बी धयागु देश छन्‍त बी, अले थ्‍व सदांया लागि छिमि सन्‍तानयागु जुइ।”

न्‍यायकर्ता 2:1

परमप्रभुया दूत गिलगालं बोकीमय् थाहां वनाः इस्राएलीतय्‌त धाल, “जिं छिमित मिश्र देशं पिकयाः छिमि पुर्खातलिसें बाचा चिनागु देशय् हया। जिं थथे धयागु खः, ‘जिं गुबलें छिपिंलिसें चिनागु बाचा त्‍वथुले मखु।

एस्‍तर 4:14

थज्‍याःगु इलय् छ सुम्‍क च्‍वन धाःसा यहूदीतय्‌गु निंतिं ग्‍वाहालि व छुत्‍कारा मेगु थासं हे वइ। छ व छिमि बौया सन्‍तान धाःसा नाश जुयावनी। सुनां स्‍यू धकाः थज्‍याःगु ईया लागिं हे छ रानी जूगु खः ला की?”

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

उत्‍पत्ति 26:24

उखुन्‍हु हे चान्‍हय् परमप्रभुं वयाथाय् खनेदय्‌कः झायाः वयात धयादिल, “जि छिमि बौ अब्राहामया परमेश्‍वर खः। ग्‍याये मते, छाय्‌धाःसा जि छलिसें दु। जिं जिमि च्‍यः अब्राहामलिसे बाचा चिना थें छन्‍त आशिष बी, अले छं यक्‍व सन्‍तान दइ।”

व्‍यवस्‍था 9:27

थः च्‍यःपिं अब्राहाम, इसहाक व याकूबयात लुमंकादिसँ। थुपिं मनूतय्‌गु जिराहा, मभिंगु ज्‍या व पापपाखे स्‍वयादी मते,

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।