लेवी 26:41 - नेवाः बाइबल

⁴¹ इमिगु विरोधय् वनाः जिं इमित शत्रुतय्‌गु देशय् हःगु खः धकाः इमिसं छाःगु नुगःयात क्‍वमिलु यानाः पापया मू पुल धाःसा

लेवी 26:41 ပူးပေါင်းရင်းမြစ်များ

१ राजा 21:29

“आहाब जिगु न्‍ह्यःने क्‍वमिलु जूगु छु छं खं ला? वं थःत क्‍वमिलु याःगुलिं जिं व म्‍वानाच्‍वंतले वया परिवारयात सजाँय बी मखु। वया काय्‌या पालय् जिं आहाबया परिवारयात सजाँय बी।”

२ इतिहास 12:12

रहबामं थःत क्‍वमिलु याःगुलिं परमप्रभुया तं वपाखें चिला वन। उकिं वय्‌कलं वयात भज्‍यंक नाश यानामदी। यहूदाया अवस्‍था बांलाना हे च्‍वन।

२ इतिहास 32:26

अय्‌नं लिपातय् हिजकिया व यरूशलेमयापिं मनूतय्‌सं थःगु नुगःया घमण्‍डया निंतिं पश्‍चाताप यात। उकिं हिजकिया मसीतले परमप्रभुया तं इमिके मलाः।

२ इतिहास 33:19

जुजुया प्रार्थना व परमप्रभुया लिसः, पश्‍चाताप याये न्‍ह्यः वं याःगु पाप, वयागु विश्‍वासघात, वं दय्‌कूगु मूर्ति पुजा याइगु थाय् व अशेरा द्यःमय्‌जुया थांत व पुजा याःपिं द्यःतय्‌गु खँ अगमवक्तातय्‌गु सफुलिइ च्‍वयातःगु दु।

२ इतिहास 33:23

तर थः अबु थें व परमप्रभुया न्‍ह्यःने क्‍वमिलु मजू। व थः अबु स्‍वयाः झन पापी जुल।

एज्रा 9:13

“जिमिगु मभिंगु ज्‍या व तःधंगु दोषया कारणं जिमिसं दुःख स्‍यूगु जूसां छि, जिमि परमेश्‍वरं जिमित दयेमाःगु सजाँय स्‍वयाः कम सजाँय बियादिल। अले छिं जिमि छुं मनूतय्‌त छेँ लितहयादिल।

एज्रा 9:15

परमप्रभु इस्राएलयाम्‍ह परमेश्‍वर, छि धर्मीम्‍ह खः। छिं जिमित म्‍वाका तयादीगु दु। थन जिपिं थःगु दोषनापं छिगु न्‍ह्यःने दु, खःला थुकिं यानाः जिपिं मध्‍ये छम्‍ह नं छिगु न्‍ह्यःने दने मफये धुंकूगु खः।”

नहेम्‍याह 9:33

छिं जिमित सजाँय बियाः खःगु हे यानादिल, जिमिसं पाप याःसां छि विश्‍वास याये बहःम्‍ह जुयादीगु दु।

भजनसंग्रहया सफू 39:9

जि सुम्‍क हे च्‍वने, जिं छसः नं नवाये मखु। छाय्‌धाःसा जितः छिं हे थथे यानादीगु खः।

प्रस्‍थान 10:3

उकिं मोशा व हारूनं वनाः फारोयात धाल, “हिब्रूतय् परमप्रभु परमेश्‍वरं थथे धयादी, ‘गुबलय् तक छ जिगु खँ मन्‍यंसे च्‍वनेगु? जिमि मनूतय्‌त जिगु आराधना यायेत वनेब्‍यु।

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

यर्मिया 6:10

जिं सुयात धायेगु व सुयात ख्‍याच्‍वः बियेगु? जिगु खँ सुनां न्‍यनी? इमिगु न्‍हाय्‌पं बन्‍द जूगु दु। इमिसं न्‍यने मफु। परमप्रभुया वचनयात इमिसं कुंखिनीगु, इमि व न्‍यने हे मयः।

इजकिएल 14:23

इमिगु पहः व ज्‍या खनाः छिमित सान्‍त्‍वना दइ, छाय्‌धाःसा जिं अन छु छु याना, जिं अथें याःगु मखु धकाः छिमिसं सी, परमप्रभु परमेश्‍वरं धयादी।”

इजकिएल 20:43

छिमिगु गुगु पहःचहः व ज्‍यापाखें छिपिं अशुद्ध जूगु खः, उपिं छिमिसं अन लुमंकी। अले छिमिसं याःगु मभिंगु ज्‍याया लागि छिमिसं थःम्‍हं थःपिन्‍त मययेका हइ।

इजकिएल 44:7

छिमिगु फुक्‍क घच्‍चाइपुगु व्‍यवहार बाहेक छिमिसं मन व म्‍हय् चिं मतःपिं विदेशीतय्‌त जिगु पवित्र थासय् दुने हयाः छिमिसं नसा, दाः व हि जिगु लागि छाःबलय् उकियात अशुद्ध यात, अले जिगु बाचा त्‍वाथल।

इजकिएल 44:9

परमप्रभु परमेश्‍वरं थथे धयादी – मनय् व म्‍हय् निगुलिं चिं मतःपिं विदेशीत व इस्राएलीतय्‌गु दथुइ तन व मन निगुलिं खतना मजूपिं विदेशी सुं नं जिगु पवित्र थासय् दुहां वये मज्‍यू।

इजकिएल 6:9

अबलय् छिपिं मध्‍ये म्‍वानाच्‍वंपिन्‍सं जाति जातितय् दथुइ, गन इमित ज्‍वना यंकूगु खः, अन जितः लुमंकी। छाय्‌धाःसा जिपाखें तापानावंगु इमिगु व्‍यभिचारी नुगःपाखें व इमिगु मूर्तितय् ल्‍यू वनीगु लोभी मिखातपाखें जि दुःखी जुयागु दु। इमिसं याःगु मभिंगु ज्‍या व इमिगु फुक्‍क घच्‍चाइपुगु ज्‍याया निंतिं इमिसं थःपिन्‍त हे घृणा याइ।

लेवी 26:24

जि नं छिमिगु विरोधय् वने, अले छिमिगु पापया लागिं जिं न्‍हय्‌दुगं अप्‍वः सजाँय बी।

लेवी 26:28

जि तंचायाः छिमिगु विरोधय् वने, अले छिमिगु पापया लागिं जिं छिमित हानं न्‍हय्‌दुगं अप्‍वः सजाँय बी।

गन्‍ती 5:7

वं थःगु पापया प्रायश्‍चित यायेमाः। अले वं थःम्‍हं दुःख ब्‍यूम्‍ह मनूयागु छुं स्‍यंगु दुसा उकियागु पलेसा पुलेमाः। नापं न्‍याब्‍वय् छब्‍व अप्‍वः बं पुलेमाः।

मत्ती 23:12

सुनां थःत थःम्‍हं तःधंकी व चिधंनी। अले सुनां थःत थःम्‍हं चिधं ताय्‌की व तःधंनी।”

लूका 14:11

सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

लूका 18:14

वय्‌कलं धयादिल – “जिं छिकपिन्‍त धाये – व फरिसी स्‍वयाः थ्‍व मनू हे परमेश्‍वरया न्‍ह्यःने धर्मी ठहरय् जुयाः लिहां वन। सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

प्रेरित 7:51

“छिकपिं तसकं हे अतेरि, अले छिकपिनिगु नुगः तसकं छाः। छिकपिन्‍सं न्‍ह्याबलें पवित्र आत्‍मायागु खँ मन्‍यंसे थः तापाःबाज्‍यापिन्‍सं याःथें जक यानाच्‍वंगु दु।

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

व्‍यवस्‍था 10:16

अथे जुयाः थथःगु मन हीकि, आवंलि जिराहा जुइ मते।

व्‍यवस्‍था 30:6

गुकिं यानाः छिपिं म्‍वानाच्‍वनेत छिमिसं परमप्रभु थः परमेश्‍वरयात दुनुगलंनिसें व थःगु फुक्‍क प्राणं वय्‌कःयागु माया याये फयेमा, वय्‌कलं छिमिगु व छिमि सन्‍तानतय्‌गु नुगः हीकादी।

व्‍यवस्‍था 31:21

अले यक्‍व ग्‍यानपुस्‍से च्‍वंगु विपत्तित इमिके वये धुंकाः थ्‍व म्‍ये इमिगु निंतिं साक्षी थें जुइ। छाय्‌धाःसा व इमि सन्‍तानतय्‌सं गुबलें ल्‍वःमंकी मखु। इमित बी धकाः पाफयाः बचं बियागु देशय् हये न्‍ह्यः हे जिं इमिगु बिचाः थुइके धुन।”

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

कलस्‍सी 2:11

छिमिसं ख्रीष्‍टयात विश्‍वास यानाच्‍वंगु हे धात्‍थें म्‍हय् चिं तःगु खः। थ्‍व चिं मनूतय्‌गु ल्‍हातं तःगु मखु, बरु पापं लिफ्‍याइगु ख्रीष्‍टयागु हे चिं खः।