लेवी 26:4 - नेवाः बाइबल

⁴ जिं छिमिगु निंतिं पाय्‌छि इलय् वा वयेकाबी, गुकें यानाः बुँइ बाली सयावइ अले ख्‍यलय् च्‍वंगु सिमाय् फल सयावइ।

लेवी 26:4 ပူးပေါင်းရင်းမြစ်များ

१ राजा 17:1

गिलादया तिश्‍बेयाम्‍ह तिश्‍बी एलियां आहाबयात धाल, “जिं सेवा याना वयाच्‍वनाम्‍ह परमप्रभु, इस्राएलया परमेश्‍वर म्‍वाःम्‍ह खः थें, जिं पाफयाः धाये जिं मधायेकं आः वइगु छुं दँ तक सुतिलः नं गाइ मखु, वा नं वइ मखु।”

अय्‍यूब 5:10

वय्‌कलं पृथ्‍वीइ वा वय्‌कादी, अले बुँइ बुँइ लः छ्वयाहयादी।

भजनसंग्रहया सफू 104:13

छिं आकाशं पहाडय् वा गाय्‌कादी, अले छिगु आशिषं पृथ्‍वी बिलिबिलि जाइ।

भजनसंग्रहया सफू 67:6

पृथ्‍वीं अन्‍न सय्‌कूगु दु। परमेश्‍वर, झी परमेश्‍वरं झीत आशिष बियादीगु दु।

भजनसंग्रहया सफू 67:7

परमेश्‍वरं झीत आशिष बियाच्‍वनादीमा। अले पृथ्‍वीया कुंकुलामय् च्‍वंपिं सकल मनूतय्‌सं वय्‌कःयागु भय काइ।

भजनसंग्रहया सफू 68:9

हे परमेश्‍वर, छिं गाक्‍क वा वय्‌काः गना च्‍वंगु थःगु सर्बययात वाउँसे च्‍वंकादिल।

भजनसंग्रहया सफू 85:12

छु भिं परमप्रभुं व हे बियादी, अले झीगु जमिनं थःगु बाली बी।

भजनसंग्रहया सफू 85:13

धार्मिकता परमप्रभुया न्‍ह्यः न्‍ह्यः वनी, अले वय्‌कःया निंतिं लँ दय्‌की।

यशैया 30:23

छिमिसं बुँइ ह्वलिगु पुसाया निंतिं वय्‌कलं आकाशं लः छ्वयाहयादी। अले बुं अन्‍न बांलाक सय्‌की अले यक्‍व दइ। व दिंखुन्‍हु सा-द्वहंत तःधंगु ख्‍यलय् ज्‍वइ।

यशैया 5:6

जिं व क्‍यबयात ज्‍याख्‍यलय् मदुगु यानाबी, उकियात न कचा न्‍हाय् न बुँ पाले, तर झाः व कँ बुया वइ। अन वा मवयेमा धकाः सुपाँय्‌यात नं उजं बी।”

यर्मिया 14:22

जात जातिया द्यःत मध्‍ये सुनां वा वय्‌के फइ? अथवा आकाशं थःम्‍हं हे वा वय्‌के फइ ला? हे परमप्रभु, जिमि परमेश्‍वर, छिं हे वा वय्‌कादी। उकिं जिमित छिगु हे आशा दु, छाय्‌धाःसा थ्‍व फुक्‍क यानादीम्‍ह छि हे खः।

इजकिएल 36:30

जिं सिमातय्‌गु फलयात व बुँयागु अन्‍नयात यक्‍व दय्‌काबी, थुलि तक कि अनिकालं यानाः जातितय्‌गु दथुइ छिपिं गुबलें मछालेमाली मखु।

योएल 2:22

अय् गुँपशुत, ग्‍याये मते! छाय्‌धाःसा मरुभूमिइ च्‍वंगु ख्‍यः वाउँसे च्‍वंगु दु, सिमाय् फल सयावःगु दु! व यःमरिमाय् व दाखमाय् यक्‍व हे फल सःगु दु।

लेवी 25:19

बुं अन्‍न सय्‌की, अले छिमिसं थःपिन्‍त छु माल व नयेखनी। अले छिपिं सुरक्षित जुयाः म्‍वानाच्‍वनी।

लेवी 25:21

जिं खुगूगु दँय् छिमिथाय् थःगु आशिष छ्वयाहये, अले उगु दँय् स्‍वदँयात गाक्‍क बुं अन्‍न बी।

जकरिया 8:12

“पुसा बांलाक बुया वइ, दाखमां फल बी, बुं थःगु अन्‍न सय्‌की, अले गाक्‍क वा वइ। जिं ल्‍यंदुपिं मनूतय्‌त थुपिं फुक्‍क सर्बय कथं बी।

मत्ती 5:45

अले जक छिपिं स्‍वर्गय् दीम्‍ह बाःया मस्‍त जुइ फइ, छाय्‌धाःसा वय्‌कलं भिंपिं व मभिंपिं निम्‍हय्‌सितं निभाः त्‍वय्‌कादी। अले धर्मी व पापी निम्‍हय्‌सितं वा वय्‌कादी।

प्रेरित 14:17

अथेसां वय्‌कलं भिंगु भिंगु ज्‍या यानाः थः सु खः धकाः क्‍यना मदीगु मखु। वय्‌कलं छिकपिन्‍त स्‍वर्गं इलय् ब्‍यलय् वा वय्‌काः फलफुल व अन्‍न सय्‌कादिल। अले छिकपिन्‍त नयेत्‍वनेगु बियाः लय्‌ताय्‌का तःम्‍ह नं थ्‍व हे परमेश्‍वर खः।”

व्‍यवस्‍था 11:13

अथे जुयाः परमप्रभु छिमि परमेश्‍वरयात माया या, अले दुनुगलंनिसें व प्राणंनिसें वय्‌कःया सेवा या धइगु जिं छिमित बियागु आज्ञायात बांलाक न्‍यन धाःसा,

व्‍यवस्‍था 11:14

जिं छिमिगु देशय् न्‍हापांगु अले लिपांगु वा पाय्‌छिगु इलय् छ्वयाहये अले छिमिसं थःगु अन्‍न, न्‍हूगु दाखमद्य व जैतूनया चिकं मुंके फइ।

व्‍यवस्‍था 28:12

परमप्रभुं थःगु भिंगु धुकू आकाशं छिमिगु बुँइ पाय्‌छिगु इलय् वा वय्‌कादी, अले छिमिगु ल्‍हाःया फुक्‍क ज्‍याय् सुवाः बियादी। छिमिसं यक्‍व जातितय्‌त त्‍यासा बी अय्‌नं सुयाकें त्‍यासा कायेमाली मखु।

याकूब 5:7

दाजुकिजापिं, प्रभु मझातले मन तया च्‍वँ। बाली लये दइगु आशां मनूतय्‌सं बाली पिनाः वा मवतले मन तयाः पियाच्‍वनी।

प्रकाश 11:6

इमिके अगमवाणी कनाच्‍वंगु इलय् वा मवय्‌मा धकाः आकाश हे तिनाबीगु शक्ति दु, हानं लःयात हि यानाबीगु शक्ति नं दु। इमित यःबलय् पृथ्‍वीइ न्‍ह्याथें ज्‍याःगु ल्‍वय् हयेगु अधिकार नं इमिके दु।