लेवी 26:39 - नेवाः बाइबल

³⁹ छिपिं मध्‍ये ल्‍यंदुपिं धाःसा शत्रुतय्‌गु देशय् थःगु व थः पुर्खातय्‌गु पापया हुनिं ध्‍वग्‍गिनावनी।

लेवी 26:39 ပူးပေါင်းရင်းမြစ်များ

२ इतिहास 34:24

परमप्रभुं थथे धयादी, ‘यहूदायाम्‍ह जुजुया न्‍ह्यःने ब्‍वंगु सफुलिइ च्‍वयातःगु फुक्‍क सरापं जिं थ्‍व थाय् व थनयापिं सकलें मनूतय्‌त सजाँय बी।

एज्रा 9:7

जिमि पुर्खातय्‌गु इलंनिसें थौं तक हे जिमिसं तःधंगु पाप यानागु दु। जिमिगु पापं यानाः जिपिं, जिमि जुजु व पुजाहारीत विदेशी जुजुपिनिगु ल्‍हातय् लात। जिपिं मध्‍ये गुलिंसित स्‍यात, गुलिंसित ज्‍वनाः विदेशय् यंकल। जिमित लुटपाट यात, तसकं क्‍वह्यंकल, बेइज्‍जत यात। थौं तक नं अथे हे जुयाच्‍वंगु दु।

नहेम्‍याह 1:9

अय्‌नं छिपिं जिथाय् लिहां वल धाःसा अले छिमिसं जिगु खँ न्‍यन धाःसा जिं छिमित थःगु नां तयेत ल्‍ययागु थासय् लित हये। तापाःगु देशय् वंगु दुसां जिं छिमित लित हये।’

प्रस्‍थान 20:5

छिमिसं उकियात भागि याये मते, पुजा नं याये मते। छाय्‌धाःसा जि हे परमप्रभु छिमि परमेश्‍वर खः। मेपिं द्यःतय्‌त पुजा याःगु जिं सह याये मफु। जिं जितः मयय्‌कूम्‍ह मनूया अधर्मया सजाँय वया छय् व छुइपिनिगु पालय् तक नं बीम्‍ह खः।”

प्रस्‍थान 34:7

वय्‌कः द्वलंद्वःयात माया यानादीम्‍ह, अधर्म, अपराध व पाप क्षमा यानादीम्‍ह खः। अय्‌सां वय्‌कलं द्वंयाःम्‍हय्‌सित सजाँय मब्‍यूसे त्‍वःतादी मखु। वय्‌कः पुर्खाया अधर्मया सजाँय इमि छय् व छुइया पालय् तकं नं बियादीम्‍ह खः।”

यशैया 14:21

इमि पुर्खातय्‌गु पापया निंतिं वया काय्‌पिन्‍त स्‍यायेगु निंतिं थाय् दय्‌कि। देशय् अधिकार यायेत इपिं मदनेमा अले पृथ्‍वी इमिगु शहरं मजायेमा।

यशैया 24:16

पृथ्‍वीइ तापाक्‍क च्‍वंपिन्‍सं “धर्मीम्‍ह प्रभुया महिमा” धकाः हाःगु सः ताये दइ। तर जितः धाःसा छुं नं आशा मदु, जि गना वनाच्‍वंगु दु। धिक्‍कार जितः! बेइमानपिन्‍सं विश्‍वासघात याइ! बेइमानपिन्‍सं धोखा बियाः हे विश्‍वासघात यानाच्‍वनी!

यर्मिया 29:12

अले छिमिसं जितः सःती। छिपिं वयाः जितः प्रार्थना याइ। जिं छिमिगु प्रार्थना ध्‍यान बियाः न्‍यने।

यर्मिया 3:25

झीपिं थःगु लज्‍यां ग्‍वतुलेनु। झीगु हेलां झीत त्‍वपुइमा। थः परमप्रभु परमेश्‍वरया विरोधय् झीसं व झी पुर्खातय्‌सं पाप याना वयाच्‍वनागु दु, थःगु ल्‍याय्‌म्‍हबलय्‌निसें थौं तक झीसं थः परमप्रभु परमेश्‍वरयागु आज्ञा पालन यानागु मदु।”

यर्मिया 31:29

“व दिं वइबलय् मनूतय्‌सं आवंलि थथे धाइ मखु, “‘मांबौपिन्‍सं खायुगु अंगुर नल, तर मस्‍तय्‌गु वा तुन।’

विलाप 1:3

तःधंगु सास्‍ती व कडा दासत्‍वया लिपा यहूदायात ज्‍वनाः जबरजस्‍ती यंकूगु दु। आः व मेगु जातितय्‌गु दथुइ च्‍वनाच्‍वंगु दु। वयात भचा नं आराम मदु। वयात ल्‍यूपिं सकसिनं वयागु दुःखया इलय् वयात ज्‍वन।

विलाप 4:9

नयेपित्‍याकाः सीपिं स्‍वयाः तरवारं सीपिं हे बांलाइ। बुँइ फल मसःगुलिं इपिं नयेपित्‍यानाः गंसि जुयावनी।

इजकिएल 18:19

“अय्‌नं छिमिसं न्‍यनीगु, ‘काय्‌नं थः बौया दोष छाय् भोगय् याये म्‍वाः?’ काय्‌नं न्‍याय व खःकथं ज्‍या याःगु दु अले जिगु विधि बांलाक पालन याःगुलिं व धात्‍थें म्‍वाइ।

इजकिएल 20:43

छिमिगु गुगु पहःचहः व ज्‍यापाखें छिपिं अशुद्ध जूगु खः, उपिं छिमिसं अन लुमंकी। अले छिमिसं याःगु मभिंगु ज्‍याया लागि छिमिसं थःम्‍हं थःपिन्‍त मययेका हइ।

इजकिएल 24:23

छिमिगु फेटा छिमिगु हे छेनय् दइ, अले छिमिगु लाकां छिमिगु हे तुतिइ। छिपिं दुखं च्‍वनी मखु, छिपिं ख्‍वइ मखु, तर छिपिं थःगु पापं यानाः सुकूचिन वनी, अले थः हे नुगः मछिंकाच्‍वनी।

इजकिएल 33:10

“अय् सीमानिम्‍ह मनू, इस्राएलया घरानायात धा, ‘छिमिसं थथे धयाच्‍वंगु दु, “जिमिगु पाप व अपराधं जिमित क्‍वत्‍यलातःगु दु। उकिं यानाः जिपिं बमलाना वनाच्‍वंगु दु। जिपिं गथे यानाः म्‍वानाच्‍वनेगु?”’

इजकिएल 36:31

अबलय् छिमिसं थःगु मभिंगु चाला व मभिंगु ज्‍यायात लुमंकी, थःगु पाप व घच्‍चाइपुगु चलनया कारणं छिमिसं थःपिन्‍त हे घृणा याइ।

इजकिएल 4:17

छाय्‌धाःसा इमित नयेत मरि व त्‍वनेत लः गाइ मखु। छम्‍हय्‌सिनं मेम्‍हय्‌सित खनीबलय् इपिं थारान्‍हुइ, अले थःगु हे पापं यानाः इपिं गंसि जुजुंवनी।”

इजकिएल 6:9

अबलय् छिपिं मध्‍ये म्‍वानाच्‍वंपिन्‍सं जाति जातितय् दथुइ, गन इमित ज्‍वना यंकूगु खः, अन जितः लुमंकी। छाय्‌धाःसा जिपाखें तापानावंगु इमिगु व्‍यभिचारी नुगःपाखें व इमिगु मूर्तितय् ल्‍यू वनीगु लोभी मिखातपाखें जि दुःखी जुयागु दु। इमिसं याःगु मभिंगु ज्‍या व इमिगु फुक्‍क घच्‍चाइपुगु ज्‍याया निंतिं इमिसं थःपिन्‍त हे घृणा याइ।

होशे 5:15

इमिसं थःगु पाप स्‍वीकार मयातले जि लिहां वनाः थःगु थासय् च्‍वने, इमिसं जिगु ख्‍वाः स्‍वयेत माला जुइ। इमित दुःखकष्‍ट जुइबलय् इमिसं जितः तसकं माली।”

जकरिया 10:9

जिं इमित थीथी मनूतय्‌थाय् छ्यालब्‍याल यानाः ब्‍यूसां, इमिसं जितः लुमंका हे च्‍वनी। इपिं व इमि मस्‍त बचय् जुइ। अले इपिं लिहां वइ।

गन्‍ती 14:18

‘परमप्रभु तसकं सह याये फुम्‍ह, सदां दयामाया यानादीम्‍ह, अधर्म व अपराध क्षमा यानादीम्‍ह खः। अय्‌नं द्वं याःम्‍हसित वय्‌कलं क्षमा यानादी मखु, अले पुर्खातय्‌सं याःगु अधर्मया सजाँय वया स्‍वंगू प्‍यंगू पुस्‍तायात तकं बियादीम्‍ह खः।’

व्‍यवस्‍था 28:65

उपिं जातितय् दथुइ छिमित आराम दइ मखु अले छिमि थःगु निंतिं छकुचा थाय् नं दइ मखु। अन परमप्रभुं छिमित च्‍यूताः दुगु मन, पिया च्‍वंच्‍वं त्‍यानुचाःगु मिखा व क्‍वतुंगु नुगः बियादी।

व्‍यवस्‍था 30:1

परमप्रभु छिमि परमेश्‍वरं जाति जातितय्‌गु दथुइ छिमित लिना छ्वयेधुंकाः जिं छिमित कनागु सुवाः व सराःया खँ छिमित लाइबलय् छिमिसं उपिं खँ लुमंकि।

व्‍यवस्‍था 5:9

छिमिसं उकियात भागियाये मते, पुजा याये मते। छाय्‌धाःसा जि परमप्रभु छिमि परमेश्‍वर नुगः मुइकीम्‍ह परमेश्‍वर खः। जिं जितः मयय्‌कीम्‍ह मनूया पापया सजाँय वया स्‍वंगू प्‍यंगू पुस्‍ता तकया सन्‍तानयात बी।

व्‍यवस्‍था 8:20

परमप्रभु छिमि परमेश्‍वरया वचन मानय् मयात धाःसा परमप्रभु छिमि परमेश्‍वरं छिमिगु न्‍ह्यःने हे जातितय्‌त नाश यानादीगु थें छिमित नं नाश यानादी।