लेवी 26:26 - नेवाः बाइबल

²⁶ अथे जूगुलिं जिं छिमिथाय् अन्‍न वय्‌केबी मखु। उबले झिम्‍ह मिसां छगू हे भुतुलिइ मरि छुइ। अले इमिसं छिमित नयेत बीबलय् सुयातं गाइ मखु।

लेवी 26:26 ပူးပေါင်းရင်းမြစ်များ

२ राजा 6:25

अथे जूगुलिं उगु शहरय् तसकं अनिकाल जुल। ताःई तक घेरय् यानातःगुलिं छम्‍ह गधाया छ्यंया मू १ किलोग्राम वहः व छख्‍वला सिमीया मू ६० ग्राम वहः जुल।

भजनसंग्रहया सफू 105:16

परमप्रभुं इमिगु देशय् अनिकाल छ्वयादिल, अले इमिगु फुक्‍क नयेगु नसा लाकाकयादिल।

यशैया 3:1

स्‍व, प्रभु, दक्‍व शक्ति दुम्‍ह परमप्रभुं यरूशलेम व यहूदाय् मदय्‌कं मगाःगु फुक्‍क सामान व ग्‍वाहालि याइपिं मनूत यंकेत्‍यंगु दु। गथेकि– नसा, लः,

यशैया 5:10

झिगू हेक्‍टर दाखबय् नं निइछगू लिटर जक दाखमद्य बी अले झिफा पुसां फछि जक अन्‍न सय्‌की।”

यशैया 9:19

दक्‍व शक्ति दुम्‍ह परमप्रभुया तमं देश भस्‍म जुइ। मनूत नं मियागु निंतिं इन्‍धन जुइ। सुं मनुखं थः किजायात तकं त्‍वःती मखु।

यशैया 9:20

जवपाखे इमिसं क्‍वाप्‍प नइ अय्‌नं नयेपित्‍याःम्‍ह जुया हे च्‍वनी। इमिसं खवपाखे नइ, अय्‌नं लुधनी मखु। सकसिनं थः मचातय्‌गु ला नइ,

यर्मिया 14:12

इपिं अपसं च्‍वंसां जिं इमिगु सः न्‍यने मखु। इमिसं होमबलि व अन्‍नबलि छाःसां जिं व नालाकाये मखु। उकिया पलेसा जिं इमित तरवार, अनिकाल व महामारीं नाश याये।”

इजकिएल 14:13

“अय् सीमानिम्‍ह मनू, धाये कि, देशं जिगु विरोधय् पापयात अले व देशयागु नसा वइगु दिकेत व अन अनिकाल छ्वयेत अले अनयापिं मनूत व पशुत स्‍यायेत जिं वयागु विरोधय् ल्‍हाः ल्‍ह्वन धाःसा,

इजकिएल 4:10

उकिं छं न्‍हि निइगू शेकेल लनाः लिकाः, छं व न्‍हि छकः छगू हे इलय् नयेमा।

इजकिएल 4:16

अनंलि वय्‌कलं जितः धयादिल, “अय् सीमानिम्‍ह मनू, जिं यरूशलेमय् अन्‍न वयेगु बन्‍द यानाबी। आः लना लनाः धन्‍दा कयाः इमिसं मरि नइ, अले दाना दानाः ग्‍याग्‍यां इमिसं लः त्‍वनी।

इजकिएल 4:17

छाय्‌धाःसा इमित नयेत मरि व त्‍वनेत लः गाइ मखु। छम्‍हय्‌सिनं मेम्‍हय्‌सित खनीबलय् इपिं थारान्‍हुइ, अले थःगु हे पापं यानाः इपिं गंसि जुजुंवनी।”

इजकिएल 5:16

जिं छन्‍त अनिकालया जिगु च्‍वामुगु व नाश याइगु वाणं कय्‌कीबलय् छन्‍त नाश यानाः हे त्‍वःते, अले जिं छन्‍थाय् झन अप्‍वः अनिकाल हये। अले छिमिगु अन्‍न वइगु दिकाबी।

होशे 4:10

“इमिसं न ला नइ तर लुधनी मखु। इमिसं व्‍यभिचार याइ तर इमिगु ल्‍याः अप्‍वइ मखु, छाय्‌धाःसा इमिसं परमप्रभुयात त्‍वःतूगु दु,

लेवी 26:27

“‘थ्‍व फुक्‍क जुयाः नं छिमिसं जिगु खँ मन्‍यन धाःसा जिगु विरोधय् वन धाःसा,

मीका 6:14

छिमिसं यक्‍व हे नःसां छिमिगु प्‍वाः गुबलें हे जाइ मखु। अले न्‍ह्याबलें छिपिं नयेपित्‍याकाः च्‍वनेमाली। छिमिसं सम्‍पत्ति मुंका तःसां उकियात छिमिसं ल्‍यंकातये फइ मखु। छाय्‌धाःसा छिमिसं छु ल्‍यंका तइ उकियात जिं तरवारयात बी।

हाग्‍गै 1:6

छिमिसं यक्‍व पी, कम जक लइ, नयेत ला नइ, लुधनी मखु, त्‍वनेत ला त्‍वनी, प्‍याःचाः लनी मखु, वसः ला पुनी तर लुमुइ मखु। कमय् याःगु धिबा नं ह्वगं म्‍हिचाय् तः थें जुइ।”