लेवी 26:17 - नेवाः बाइबल

¹⁷ जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

लेवी 26:17 ပူးပေါင်းရင်းမြစ်များ

उत्‍पत्ति 4:12

छं बुँज्‍या याःसां छन्‍त वं अन्‍न बी मखु। छ पृथ्‍वीइ थाय्‌बाय् मदय्‌का उखेंथुखें जुइमाली।”

१ राजा 8:33

“छिकपिनि मनूत इस्राएलीत छिगु विरोधय् पाप याःगुलिं शत्रुतपाखें बुइबलय् अले इपिं छिथाय् लिहां वयाः छिगु नां कयाः थ्‍व देगलय् छितः प्रार्थना व इनाप यानाः छिथाय् लिहां वइबलय्

२ राजा 13:3

उकिं परमप्रभु इस्राएल खनाः तसकं तंचायादिल, अले वय्‌कलं इमित ताःई तक अरामया जुजु हजाएल व वया काय् बेन-हददया अधीनय् तयादिल।

२ राजा 13:7

यहोआहाजयाके नेय्‌म्‍ह सलगइपिं सिपाइँ, झिगः रथ व झिद्वः न्‍यासि जुइपिं सिपाइँत जक ल्‍यनाच्‍वन। वयाके मेपिं सिपाइँत मल्‍यन। छाय्‌धाःसा अरामया जुजुं वया मेपिं सिपाइँतय्‌त स्‍यानाः खलाया धू थें यानाब्‍यूगु खः।

भजनसंग्रहया सफू 44:10

छिं जिमित जिमि शत्रुतय् न्‍ह्यःनें लिचिके बियादिल। अले जिमिगु फुक्‍कं जिमि शत्रुतय्‌त लाकायंके बियादिल।

भजनसंग्रहया सफू 53:5

थन इमित गुबलें हे मजूकथं ग्‍याःचिकुं भुनी। छाय्‌धाःसा परमेश्‍वरं थःमनूतय्‌गु विरोधय् घेराबियाच्‍वंपिनिगु क्‍वँय् उखेंथुखें ह्वलाबी। वय्‌कलं इमित मछालापुकाबी, छाय्‌धाःसा वय्‌कलं इमित त्‍वःतादी।

भजनसंग्रहया सफू 53:6

इस्राएलीतय्‌गु उद्धार सियोनं वःगु जूसा गुलि बांलाइ! गुबलय् परमेश्‍वरं थःमनूतय्‌गु अवस्‍था हाकनं बांलाकादी, उबलय् इस्राएलया मनूत लय्‌तायाः हाली।

हितोपदेश 28:1

सुनानं लिना महःसां दुष्‍ट मनूत बिस्‍युं बिस्‍युं जुइ, धर्मी मनूत धाःसा सिंह थें मग्‍यासे च्‍वनी।

यशैया 30:17

छम्‍हय्‌सिगु ख्‍याच्‍वलं द्वःछिम्‍ह बिस्‍युं वनेमाली, न्‍याम्‍हय्‌सिगु ख्‍याच्‍वलं छिपिं फुक्‍कं बिस्‍युं वनेमाली। पर्वतया च्‍वकाय् थनातःगु छगू झण्‍डाया थां थें व डाँडाया छगू चिंया झण्‍डा बाहेक छिमि सेनाया मेगु छुं नं ल्‍यं दइ मखु।”

यशैया 63:10

अय्‌नं इपिं विद्रोही जुल, अले वय्‌कःया पवित्र आत्‍मायात दुःख बी। अथे जुयाः वय्‌कः इमि शत्रु जुयादिल, अले वय्‌कः थः हे इमिगु विरोधय् ल्‍वानादिल।

यर्मिया 19:7

“‘थ्‍व हे थासय् जिं यहूदा व यरूशलेमया योजनात स्‍यंकाबी। इमित थः शत्रुतय् न्‍ह्यःने तरवारं व इमित स्‍यायेत स्‍वयाच्‍वंपिनिगु ल्‍हातं स्‍याके बी। अले इमिगु सीम्‍ह धाःसा आकाशयापिं झंगःत व पृथ्‍वीयापिं पशुतय्‌त नयेत बी।

यर्मिया 44:11

“उकिं दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – स्‍व, जि थः हे छिमिगु विरोधय् वनाः छिमित स्‍यंके, अले यहूदाय् मनूत छम्‍ह नं मदय्‌काबी।

विलाप 1:5

वया विरोधीत वया मालिक जूगु दु, वया शत्रुत याउँक च्‍वनाच्‍वंगु दु। छाय्‌धाःसा परमप्रभुं वयात वयागु यक्‍व पापं यानाः दुःखय् लाकादीगु दु, वया मस्‍तय्‌त शत्रुतय् न्‍ह्यःने ज्‍वनायंकूगु दु।

विलाप 2:4

शत्रुं थें वय्‌कलं थःगु धनुष वाणं झीत ताकय् याःगु दु। विरोधी थें वय्‌कः दनादीगु दु। स्‍वय्‌बलय् यइपुस्‍से च्‍वंपिं सकसित वय्‌कलं स्‍यानादीगु दु। म्‍ह्याय् सियोनयागु पालय् वय्‌कलं थःगु तं मि थें प्‍वंकादीगु दु।

इजकिएल 15:7

अले जिं थःगु ख्‍वाः इमिगु विरोधय् तये, इपिं मिं पिहां वःसां इमित मिं हे भस्‍म यानाबी। जिं थःगु ख्‍वाः इमिगु विरोधय् स्‍वय्‌केबलय् छिमिसं जि हे परमप्रभु खः धकाः सी।

लेवी 17:10

“‘इस्राएलीत वा इपिं नापं च्‍वनाच्‍वंपिं परदेशीत मध्‍ये सुनानं हि नल धाःसा जिं व हि नइम्‍ह मनूयागु विरोध याये, अले वयात थः मनूतपाखें पितिनाछ्वये।

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।

यहोशू 7:4

उकिं स्‍वद्वः (३,०००) ति मनूत जक अन वन, अय्‌नं ऐ शहरयापिन्‍सं इमित बुकल, अले इमित बिस्‍युं वने माय्‌काबिल।

न्‍यायकर्ता 2:14

उकिं परमप्रभु इस्राएलीत खनाः तसकं तंचायादिल, अले वय्‌कलं इमित इमि जःखः च्‍वंपिं शत्रुतय्‌गु ल्‍हातय् मियादिल। इमिसं इमित लुतय् यात। उकिं यानाः इपिं थः शत्रुतय् न्‍ह्यःने च्‍वने मफुत।

न्‍यायकर्ता 3:14

थथे मोआबया जुजु एग्‍लोनं इस्राएलीतय्‌त झिंच्‍यादँ तक क्‍वत्‍यलेगु यात।

न्‍यायकर्ता 3:8

अले परमप्रभु इस्राएलीत खनाः तंचायादिल, वय्‌कलं इमित अराम-नाहारैमयाम्‍ह जुजु कूशन-रिशातैमया ल्‍हातय् मियादिल। व हे जुजुं इस्राएलीतय्‌त च्‍यादँ तक क्‍वत्‍यलेगु यात।

न्‍यायकर्ता 6:2

मिद्यानीत इस्राएलीत स्‍वयाः बल्‍लानावन। मिद्यानीतय्‌सं यानाः इस्राएलीत पहाडया कापिचा, गुफात व झतांगालय् सुला च्‍वंवन।

१ शमूएल 12:15

तर छिमिसं परमप्रभुया वचन मानय् मयात अले वय्‌कःया विरोध यानाः आज्ञा मानय् मयात धाःसा परमप्रभुं छिमि पुर्खातय्‌गु विरोधय् ल्‍हाः ल्‍ह्वंगु थें छिमिगु विरोधय् नं ल्‍हाः ल्‍ह्वनादी।

१ शमूएल 31:1

पलिश्‍तीतय्‌सं इस्राएलीत नापं लडाइँ यात। अले इस्राएलीत इमिगु न्‍ह्यःनं बिस्‍युं वन। यक्‍व इस्राएलीतय्‌त गिल्‍बो डाँडाय् स्‍यात।

१ शमूएल 4:10

थुकथं पलिश्‍तीतय्‌सं थःपिनिगु तःधंगु बलं लडाइँ यात अले इस्राएलीतय्‌त बुकल। अले इस्राएलीत फुक्‍कं थथःगु पालय् बिस्‍युं वन। थुपालय् यक्‍वः मनूत स्‍यात। स्‍विद्वः इस्राएली सिपाइँत स्‍यात।