लेवी 26:16 - नेवाः बाइबल

¹⁶ जिं नं छिमिथाय् आकाझाकां भय छ्वयाहये, अले म्‍ह सुकुगना वनीगु, मिखायात स्‍यंकीगु, ग्‍यानपुसे च्‍वंगु ल्‍वय् छ्वयाहये। छिमिसं ह्वलातःगु पुसा अथें सितिं वनी छाय्‌धाःसा छिमि शत्रुतय्‌सं बाली नयाबी।

लेवी 26:16 ပူးပေါင်းရင်းမြစ်များ

१ राजा 8:37

“थ्‍व देशय् अनिकाल वा महामारी जुइबलय् क्‍वाःगु फसं वा बालीया ल्‍वय् वा क्‍वःबुइँचाया बथानं अन्‍न नाश यानाबीबलय् वा छिकपिनि मनूतय्‌त इमि शत्रुतय्‌सं हमला याइबलय् वा इमिगु दथुइ न्‍ह्यागुं नं विपत्ति वा ल्‍वय् वइबलय्

अय्‍यूब 18:11

वयागु छचाःखेरं आतंक दइ, अले पलाः पलाखय् वयात लिनायंकी।

अय्‍यूब 20:25

वं थःगु जँन्‍हुफातं उकियात लिकाइ, उकियागु ज्‍वाल्‍लच्‍वंगु च्‍वका वयागु स्‍येँनं पिहां वइ। भय वयाके वइ।

अय्‍यूब 31:8

जिं पिनागु अन्‍न मेपिन्‍सं नयेमा, जिगु बालियात हानापं लिनाकायेमा।

भजनसंग्रहया सफू 109:6

इमिसं थथे धाल, वयागु न्‍याय यायेत सुं दुष्‍ट न्‍यायाधीश ल्‍ययादिसँ, अले वयात पाःयाःम्‍ह मनू वयागु जवपाखे दनाच्‍वनेमा।

भजनसंग्रहया सफू 73:19

इपिं मिखा पीमलावं नाश जुयावनी। इपिं ग्‍यानापुक्‍क हे नाश जुयावनी।

भजनसंग्रहया सफू 78:33

उकिं परमेश्‍वरं इमित ज्‍याख्‍यलय् मजुइकाः व ग्‍या जक ग्‍यानाः म्‍वाये माय्‌काबिल।

प्रस्‍थान 15:26

वय्‌कलं धयादिल, “छिमिसं थःपिनि परमप्रभु परमेश्‍वरया खँ ध्‍यान बियाः बांलाक न्‍यन धाःसा अले वय्‌कःया मिखाय् छु छु पाय्‌छि जू व यात धाःसा अले वय्‌कःया उजंयात न्‍हाय्‌पं बियाः न्‍यन धाःसा अले वय्‌कःया फुक्‍क नियमत बांलाक पालन यात धाःसा जिं मिश्रीतय्‌थाय् छ्वयाहयागु छुं हे ल्‍वय् छिमिथाय् छ्वयाहये मखु। छाय्‌धाःसा जि हे छिमित लंकाबीम्‍ह परमप्रभु खः।”

हितोपदेश 3:33

दुष्‍टतय्‌गु छेँय् परमप्रभुयागु सराः लाइ धर्मीतय्‌गु छेँयात धाःसा वय्‌कलं आशिष बियादी।

यशैया 10:4

छिपिं कैदीत जुयाः लुफिं हानाः क्‍वःदइ वा सीपिनिगु दथुइ लानाच्‍वनी। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 62:8

परमप्रभुं थःगु जव ल्‍हातं अले थःगु दक्‍वसिबय् बल्‍लाःगु ल्‍हातं पाफयादीगु दु, “जिं हाकनं गुबलें छंगु अन्‍न छिमि शत्रुतय्‌त नयेत बिइ मखु। अले छं गुगु न्‍हूगु दाखमद्यया निंतिं ज्‍या याःगु दु, व परदेशीतय्‌सं गुबलें त्‍वने दइ मखु।

यशैया 7:2

“अरामं इस्राएललिसें सन्‍धि यात” धयागु खँ दाऊदया घरानायाम्‍ह जुजु आहाजं न्‍यन। अबलय् यहूदाया जुजु व फुक्‍क प्रजात तसकं ग्‍यात इपिं ला फसं सिमात संकू थें हे थुर्र थुर्र खात।

यर्मिया 12:13

इमिसं छ्व ह्वल, तर कं बुल। इमिसं दुःख सियाः ज्‍या यात, तर इमित छुं फाइदा मदु। जि तसकं तंम्‍वयागुलिं इमिगु बाली मदुगु जुयाः इपिं मछाले माल।”

यर्मिया 15:3

परमप्रभुं धयादी, “जिं इमिगु विरोधय् प्‍यंगूकथंया नाश छ्वये। स्‍यायेत तरवार, इमिगु सीम्‍ह लुत्तुलुया यंकेत खिचात, नयेत व नाश यायेत झंगःपन्छि व जंगली पशुत।

यर्मिया 15:8

जिं इमि भाःत मदुपिं मिसातय्‌गु ल्‍याः समुद्रया फिया ल्‍याः स्‍वयाः अप्‍वः दय्‌काबी। जिं इमिगु विरोधय्, ल्‍याय्‌म्‍हपिनि मांया विरोधय् न्‍हिनय् नाश याइम्‍ह ब्‍वनाहये। जिं इमित आकांझाकां संकटय् लाकाबी अले इपांथिपां कंकाबी।

यर्मिया 20:4

छाय्‌धाःसा परमप्रभुं थथे धयादी, ‘जिं थःम्‍हं हे छन्‍त छंगु थःगु हे निंतिं व छिमि पासापिनिगु निंतिं भयया कारण यानाबी। छं खंक हे इमित इमि शत्रुतय्‌गु तरवारं स्‍याइ। जिं फुक्‍क यहूदायात बेबिलोनया जुजुया ल्‍हातय् लःल्‍हानाबी। वं इमित ज्‍वनाः बेबिलोनय् यंकी, अथवा इमित तरवारं स्‍याइ।

यर्मिया 5:17

इमिसं छिमिगु बाली व नसा क्‍वाप्‍प नयाबी, छिमि काय् म्‍ह्याय्‌पिन्‍त क्‍वाप्‍प नयाबी, इमिसं छिमि सा द्वहं व फै-च्‍वलय् क्‍वाप्‍प नयाबी, छिमिगु दाख व यःमरिमा क्‍वाप्‍प नयाबी। छिमिसं भलसा याःगु पःखाः ग्‍वयातःगु शहरत इमिसं तरवारं नाश याइ।”

इजकिएल 24:23

छिमिगु फेटा छिमिगु हे छेनय् दइ, अले छिमिगु लाकां छिमिगु हे तुतिइ। छिपिं दुखं च्‍वनी मखु, छिपिं ख्‍वइ मखु, तर छिपिं थःगु पापं यानाः सुकूचिन वनी, अले थः हे नुगः मछिंकाच्‍वनी।

इजकिएल 33:10

“अय् सीमानिम्‍ह मनू, इस्राएलया घरानायात धा, ‘छिमिसं थथे धयाच्‍वंगु दु, “जिमिगु पाप व अपराधं जिमित क्‍वत्‍यलातःगु दु। उकिं यानाः जिपिं बमलाना वनाच्‍वंगु दु। जिपिं गथे यानाः म्‍वानाच्‍वनेगु?”’

आमोस 5:11

छिमिसं मगाःमचाःपिन्‍त क्‍वत्‍यला च्‍वन, इमिगु अन्‍न लुतय् यानाच्‍वन। अथे जुयाः ल्‍वहंया ततःखाःगु छेँ छिमिसं दय्‌कूसां छिपिं उकी च्‍वने दइ मखु। छिमिसं लहलह वइगु दाखमा प्‍यूसां छिमिसं उकियागु दाखमद्य त्‍वने खनी मखु।

मीका 6:15

छिमिसं अन्‍न ह्वःसां लये खनी मखु अले जैतूनया चिकं पिकाःसां छ्यलेदइ मखु। अले दाख तिस्‍यूसां त्‍वने दइ मखु।

हाग्‍गै 1:6

छिमिसं यक्‍व पी, कम जक लइ, नयेत ला नइ, लुधनी मखु, त्‍वनेत ला त्‍वनी, प्‍याःचाः लनी मखु, वसः ला पुनी तर लुमुइ मखु। कमय् याःगु धिबा नं ह्वगं म्‍हिचाय् तः थें जुइ।”

जकरिया 14:12

यरूशलेमलिसें लडाइँ याइपिं जातितय्‌थाय् परमप्रभुं छगू ग्‍यानापुगु ल्‍वय् हयाबी। इपिं दनाच्‍वंबलय् हे इमिगु म्‍हयागु ला ध्‍वग्‍गिनाः वनी। इमिगु मिखा इमिगु मिखा ग्‍वलय् हे ध्‍वग्‍गिनावनी अले इमिगु मे इमिगु म्‍हुतुइ ध्‍वग्‍गिनावनी।

मलाकी 2:3

“छिमिसं यानाः जिं छिमि सन्‍तानयात हक्‍के। अले छिमिसं नखःबलय् छाःपिं पशुतय्‌गु फोहर जिं छिमिगु ख्‍वालय् इलाबी। छिमित नं फोहरनापं पिने वांछ्वय् यंकी।

व्‍यवस्‍था 28:51

अले छिपिं भज्‍यंक मस्‍यंतले इमिसं छिमि बथांयापिं सा-द्वहंया मचा वा फैच्‍वलय्‌या मचा अले छिमिगु बुँइ सःगु बालि नयाबी। अले इमिसं छिमिगु अन्‍न, न्‍हूगु दाखमद्य व जैतूनया चिकं छुं नं ल्‍यंकी मखु।

व्‍यवस्‍था 32:25

तरवारं इमित लँय् लँय् मस्‍त मदुपिं यानाबी, छेँय् छेँय् इपिं ग्‍यानाः च्‍वनेमाली, ल्‍याय्‌म्‍ह-ल्‍यासे, अले दुरु त्‍वनीम्‍ह मचांनिसें बुरा बुरीपिं तकं न्‍हनावनी।

हिब्रू 10:31

म्‍वाःम्‍ह परमेश्‍वरया ल्‍हातिइ लायेगु तसकं ग्‍यानापुगु खँ खः।

न्‍यायकर्ता 6:11

परमप्रभुया दूत वयाः ओप्रा धाःगु थासय् च्‍वंगु स्‍वसिमाया क्‍वय् च्‍वन। व स्‍वसिमा अबीएजर वंशयाम्‍ह योआशयागु खः। मिद्यानीतय्‌सं मसीमा धकाः छगू दाख तिसीगु सालय् सुलाः वया काय् गिदोन छ्व हाय्‌काच्‍वंगु खः।

१ शमूएल 2:33

अथे जूसां छं सन्‍तानपाखें छम्‍ह म्‍वाकातये अले व पुजाहारी जुयाः जिगु सेवा याइ। अले व कां जुइ व निराश जुइ। छं मेपिं सन्‍तानत धाःसा ग्‍यानापुक सिनावनी।