लेवी 26:15 - नेवाः बाइबल

¹⁵ जिगु नियमयात क्‍वह्यंकल धाःसा अले जिनापं चिनातःगु बाचा त्‍वथुल धाःसा,

लेवी 26:15 ပူးပေါင်းရင်းမြစ်များ

उत्‍पत्ति 17:14

सुं नं मिजंनं म्‍हय् चिं मतल धाःसा व जिम्‍ह मनू जुइ मखु, छाय्‌धाःसा वं जिलिसें बाचा च्‍यूगु दइ मखु।”

२ राजा 17:15

इमिसं वय्‌कःया आज्ञा पालन मयात, वय्‌कलं इमि पुर्खातलिसें चिनादीगु बाचा व वय्‌कलं बियादीगु ख्‍याच्‍वःयात हेला यात। इपिं ज्‍यालगे मजूगु मूर्तितय्‌गु ल्‍यू वन, इपिं थः नं ज्‍यालगे मजूपिं जुल। इमिसं थः जःखः च्‍वंपिं जातितय्‌सं याःथें यात। खः ला, परमप्रभुं इमित “इमिसं याःथें छिमिसं याये मते धकाः आज्ञा बियादीगु खः।” परमप्रभुं याये मते धयादीगु ज्‍या हे इमिसं यात।

२ इतिहास 36:16

तर इमिसं परमेश्‍वरया दूततय्‌त हिस्‍यात, वय्‌कःया वचनयात च्‍यूताः मतः। वय्‌कःया अगमवक्तातय्‌त हिस्‍यायेगु त्‍वःमतू। लिपतय्, परमप्रभु थः मनूत खनाः तसकं तंचायादिल। उकिं बचय् जुइगु छुं हे लँ मन्‍त।

भजनसंग्रहया सफू 50:17

छन्‍त जिं स्‍यनेकने याःगु मयः, अले छं जिगु वचनयात क्‍वह्यंकीगु।

प्रस्‍थान 19:5

उकिं आः छिमिसं जिगु खँ दुनुगलंनिसें न्‍यनाः जिगु बाचायात मानय् यात धाःसा फुक्‍क जाति स्‍वयाः छिपिं जिगु मू वंगु सम्‍पत्ति जुइ। फुक्‍कं पृथ्‍वी जिगु हे खःसां

प्रस्‍थान 24:7

वया लिपा वं बाचाया सफू कयाः मनूतय्‌गु न्‍ह्यःने ब्‍वन। इमिसं लिसः बिल, “परमप्रभुं धयादीगु फुक्‍क खँ जिमिसं याये, अले वय्‌कःया आज्ञायात मानय् याये।”

हितोपदेश 1:30

छिमिसं जिगु सल्‍लाह मन्‍यं! जिं न्‍वानागुलिइ छिमिसं च्‍यूताः मतः।

हितोपदेश 1:7

परमप्रभुया भय कायेगु हे ज्ञानया न्‍हापांगु पलाः खः। मूर्खतय्‌सं जक ज्ञान व बुद्धियात क्‍वह्यंकाजुइ।

हितोपदेश 5:12

अले छिमिसं धाइ, “जिं छाय् इलय् हे सय्‌के मफुत? छाय् जिं सुयागुं भिंगु खँयात नालाकाये मफुत?

यशैया 24:5

परमेश्‍वरया नियम अले वय्‌कलं सदांया निंतिं चिनादीगु बाचा त्‍वथुलाः मनूतय्‌सं पृथ्‍वीयात अशुद्ध याःगु दु।

यर्मिया 11:10

जिं धयागु खँ मन्‍यंपिं इमि तापाःबाज्‍यापिन्‍सं थें पाप यानाः इमिसं मेपिं द्यःत पुजा याःगु दु अले इमिगु ल्‍यू वंगु दु। इस्राएल व यहूदाया मनूतय्‌सं जिं इमि तापाःबाज्‍यापिंलिसें चिनागु बाचायात त्‍वथूगु दु।

यर्मिया 31:32

इमि तापाःबाज्‍यापिन्‍त मिश्र देशं लिगना हये धुंकाः इपिंलिसें चिनागु थें ज्‍याःगु बाचा थ्‍व मखु। जि इमि भाःत थें खःसां इमिसं व बाचा त्‍वथुल।” परमप्रभुं धयादी,

यर्मिया 6:19

हे पृथ्‍वी न्‍यँ, स्‍व! जिं थुपिं मनूतय्‌थाय् विपत्ति हये, गुगु इमिगु थःगु हे बिचाःया लिच्‍वः खः। इमिसं जिगु वचनय् ध्‍यान मब्‍यू। अले जिगु व्‍यवस्‍थायात इमिसं त्‍वःतल।

इजकिएल 16:59

“‘परमप्रभु परमेश्‍वरं थथे धयादी – छं व्‍यवहार याःथें जिं छलिसें व्‍यवहार याये, छाय्‌धाःसा छं जिलिसें पाफःगुयात हेला याःगु दु अले झीसं चिनागु बाचायात त्‍वाःथूगु दु।

लेवी 26:11

जि छिमिगु दथुइ थःगु हे पवित्र पालय् च्‍वंवये अले जिं छिमित मयय्‌के मखु।

लेवी 26:43

इमिसं देश त्‍वःतल, इपिं मदय्‌कं नं देशं झासु लनेगु ई हनाच्‍वनी। लिपतय् इमिसं थःगु अर्धमयागु सजाँययात स्‍वीकार याइ छाय्‌धाःसा इमिसं जिगु नियम व विधि मानय् मयाःगु खः। अले इमिसं जिगु विधियात तसकं मय्‌कल।

लेवी 26:9

“‘जिं थःगु ख्‍वाः छिपिं पाखे स्‍वय्‌के, अले छिमित बांलाक ब्‍वलंकाः छिमिगु ल्‍याः अप्‍वय्‌काबी अले छिपिंनापं चिनातयागु बाचा पूवंकाबी।

मलाकी 2:2

छिमिसं जिगु खँय् न्‍हाय्‌पं मबिल धाःसा, छिमिसं जिगु खँ मन्‍यंसा, जिगु नांयात हनाबना मतःसा जिं छिमिथाय् सराः छ्वयाहये। छिमित दइगु सुवाःयात सराः बी। छिमिसं जिगु आज्ञाय् ध्‍यान मब्‍यूगुलिं उमित सराः लाये धुंकूगु दु,” दक्‍व शक्ति दुम्‍ह परमप्रभुं धयादी।

गन्‍ती 15:31

छाय्‌धाःसा वं परमप्रभुयागु वचनयात हेला याःगु दु, अले वय्‌कःयागु उजंयात हाचांगाःगु दु। वयात नाश यानाः छ्वयेमाः अले वं थःगु पापया सजाँय फयेमाः।’”

प्रेरित 13:41

“‘अय् मूर्खत, हेबाय्‌चबाय् जक यानाजुइपिं, थुइके मफयाः छिपिं अथें सिनावनी। छिपिं दुबलय् हे जिं छगू थज्‍याःगु ज्‍या याये। जिं यानागु थ्‍व ज्‍या छिमित सुनानं कन धाःसां छिमिसं गुबलें नं पत्‍याः याइ मखु।’”

रोमी 8:7

शरीरयात यःथें यानाजुइपिं परमेश्‍वरया शत्रु खः, छाय्‌धाःसा थज्‍याःपिं मनूतय्‌सं परमेश्‍वरयागु व्‍यवस्‍था मानय् याइ मखु, अले हानं मानय् याये फइ नं मखु।

व्‍यवस्‍था 31:16

अले परमप्रभुं मोशायात धयादिल, “छिमि पुर्खा थें छ सिनावने त्‍यंगु दु। छ सिनावने धुंकाः थुपिं मनूत देशय् दुहां वने धुंकाः व्‍यभिचारी थें जितः पत्‍याः मयाइपिं जुइ, इमिसं अन मेपिं द्यःतय्‌त पुजा याइ। इमिसं जितः त्‍वःताः जिं इपिंलिसें चिनागु बाचा त्‍वाथुली।

१ थेसलोनिकी 4:8

उकिं सुनां थ्‍व खँ न्‍यनी मखु वं मनूयागु मखु, बरु छिमित पवित्र आत्‍मा बियादीम्‍ह परमेश्‍वरयागु हे खँ मन्‍यंगु जुइ।

हिब्रू 8:9

इमि तापाःबाज्‍यापिन्‍त मिश्र देशं लिगना हये धुंकाः इपिं लिसे चिनागु थें ज्‍याःगु बाचा थ्‍व मखु। जिं चिनागु बाचायात इमिसं च्‍यूताः मतःगुलिं नं जिं इमित च्‍यूताः मयानागु खः।

१ शमूएल 12:15

तर छिमिसं परमप्रभुया वचन मानय् मयात अले वय्‌कःया विरोध यानाः आज्ञा मानय् मयात धाःसा परमप्रभुं छिमि पुर्खातय्‌गु विरोधय् ल्‍हाः ल्‍ह्वंगु थें छिमिगु विरोधय् नं ल्‍हाः ल्‍ह्वनादी।