लेवी 26:14 - नेवाः बाइबल

¹⁴ “‘तर छिमिसं जिगु नियम मानय् मयात धाःसा, जिगु खँ मन्‍यन धाःसा,

लेवी 26:14 ပူးပေါင်းရင်းမြစ်များ

२ राजा 22:13

“जिगु थःगु हे निंतिं, प्रजाया निंतिं व फुक्‍क यहूदाया निंतिं थ्‍व लुयावःगु सफुलिइ छु च्‍वयातःगु दु धकाः वनाः परमप्रभुयाके न्‍यनेकने या। झी खनाः परमप्रभु तसकं तंचायादीगु दु, छाय्‌धाःसा झी पुर्खातय्‌सं थ्‍व सफूयागु वचन पालन याःगु मदु। इमिसं उकी च्‍वया तःकथं ज्‍या याःगु मदु।”

२ इतिहास 34:24

परमप्रभुं थथे धयादी, ‘यहूदायाम्‍ह जुजुया न्‍ह्यःने ब्‍वंगु सफुलिइ च्‍वयातःगु फुक्‍क सरापं जिं थ्‍व थाय् व थनयापिं सकलें मनूतय्‌त सजाँय बी।

२ इतिहास 7:19

तर छिमिसं फहिलाः जिं छिमित बियागु नियम व आज्ञा त्‍वःताः मेपिं द्यःत पुजायात धाःसा,

भजनसंग्रहया सफू 81:12

उकिं जिं इमित इमि यत्‍थे जुइमा धकाः त्‍वःताबिया। जिं इमित इमि जिराहा इच्‍छा कथं याकेबिया।

हितोपदेश 3:33

दुष्‍टतय्‌गु छेँय् परमप्रभुयागु सराः लाइ धर्मीतय्‌गु छेँयात धाःसा वय्‌कलं आशिष बियादी।

यर्मिया 11:8

तर इमिसं ध्‍यान बियाः मन्‍यं वा जिगु खँय् न्‍हाय्‌पं मब्‍यू। इमिसं थःगु जिराहा व मभिंगु इच्‍छा कथं ज्‍या याना जुल। जिं इमित व बाचा पूरा यायेगु आज्ञा बियागु खः तर इमिसं अथे मयाः। उकिं व बाचाय् च्‍वयातःगु फुक्‍क सराः जिं इमिके हया।”

यर्मिया 17:27

तर विश्रामबारयात पवित्र मानय् या! अले विश्रामबार खुन्‍हु कु क्‍वबियाः यरूशलेमया ध्‍वाखा ध्‍वाखाय्‌ जुयाः दुहां वये मते धइगु जिगु खँ छिमिसं ध्‍यान बियाः मन्‍यन धाःसा जिं उकिया ध्‍वाखात मि तयाबी। अले थुकिं यरूशलेमया किल्‍लात भज्‍यंक नाश याइ।’”

यर्मिया 26:4

“छं इमित धा, ‘परमप्रभुं थथे धयादी – छिमिसं जिगु खँ ध्‍यान बियाः मन्‍यन धाःसा, जिं छिमिगु न्‍ह्यःने तयाबियागु जिगु व्‍यवस्‍था पालन मयात धाःसा

यर्मिया 28:8

जि व छ स्‍वयाः न्‍ह्यः वःपिं अगमवक्तातय्‌सं यक्‍व देश व ततःधंगु देशया विरोधय् लडाइँ, विपत्ति व महामारीया बारे अगमवाणी ल्‍हाःगु दु।

यर्मिया 32:23

तर इपिं वयाः थ्‍व देश त्‍याकाकाये धुंकाः इमिसं छिगु आज्ञा पालन मयात, छिगु व्‍यवस्‍थाकथं इपिं मजुल। छिं इमित छु छु या धकाः आज्ञा बियादीगु खः व इमिसं छुं नं मयाः। उकिं छिं थ्‍व फुक्‍क विपत्ति इमिके हयादिल।

यर्मिया 40:2

सेनापतिं यर्मियायात सःताः थथे धाल, “परमप्रभु छिमि परमेश्‍वरं थ्‍व थासय् थ्‍व विपत्ति वइ धकाः न्‍हापा हे धयादीगु खः।

विलाप 1:18

“परमप्रभु धर्मीम्‍ह खः, जिं हे वय्‌कःयागु आज्ञा मानय् मयानागु खः। हे दक्‍व मनूत, जिगु खँ न्‍यँ अले जिगु दुःखयात स्‍व। जिमि ल्‍याय्‌म्‍ह व ल्‍यासेतय्‌त ज्‍वनायंकूगु दु।

विलाप 2:17

परमप्रभुं छु योजना यानादीगु खः। यक्‍व दँ न्‍हापा वय्‌कलं छु घोषणा यानादीगु खः, व हे वचन वय्‌कलं पूवंकादिल। छुं हे दयामाया मदय्‌क वय्‌कलं छन्‍त नाश यानादिल। वय्‌कलं शत्रुयात छंगुपाखें लय्‌ताय्‌कादिल, अले छंगु शत्रुतय्‌गु शक्ति अप्‍वय्‌कादीगु दु।

दानिएल 9:13

परमप्रभु जिमि परमेश्‍वरं जिमित माया यायेगु त्‍वःतूगु दु। थथे मोशाया व्‍यवस्‍थाय् च्‍वया तः थें थुपिं फुक्‍क विपत्ति जिमित लाःगु दु। अथे जूसां थःगु पाप त्‍वःताः वा छिगु सत्‍यया ल्‍यू वनाः जिमिसं परमप्रभु जिमि परमेश्‍वरया ग्‍वाहालि मालेत अस्‍वीकार यानागु दु।

होशे 7:12

इपिं वनीबलय् जिं इमित जिगु जाः ह्वलाबी, जिं इमित आकाशया झंगःत थें क्‍वय् क्‍वफानाबी। जिं इमिगु बथां ब्‍वया मुंवंगु सः ताइबलय्, जिं इमित ज्‍वने।

लेवी 26:18

“‘थुलि जुइ धुंकाः नं छिमिसं जिगु खँ मन्‍यन धाःसा जिं छिमित पापया न्‍हय्‌दुगं अप्‍वः सजाँय बी।

मलाकी 2:2

छिमिसं जिगु खँय् न्‍हाय्‌पं मबिल धाःसा, छिमिसं जिगु खँ मन्‍यंसा, जिगु नांयात हनाबना मतःसा जिं छिमिथाय् सराः छ्वयाहये। छिमित दइगु सुवाःयात सराः बी। छिमिसं जिगु आज्ञाय् ध्‍यान मब्‍यूगुलिं उमित सराः लाये धुंकूगु दु,” दक्‍व शक्ति दुम्‍ह परमप्रभुं धयादी।

प्रेरित 3:23

वय्‌कः अगमवक्तां धाःगु खँ मन्‍यंपिन्‍त परमेश्‍वरया मनूतय्‌गु पुचलं पितिनाछ्वइ, अले व नाश जुइ।’

हिब्रू 12:25

होश या, छिपिंलिसे नवानादीम्‍हय्‌सिगु खँ मन्‍यंसे च्‍वने मते। थ्‍व संसारय् च्‍वनाः परमेश्‍वरयागु खँ न्‍यंकीम्‍हय्‌सिगु खँ मन्‍यंपिन्‍त ला मल्‍यंकू धासेंलि स्‍वर्गं हे नवानादीम्‍हपाखे फस्‍वया जुइपिन्‍त जक ल्‍यंकी ला?

यहोशू 23:15

तर परमप्रभु छिमि परमेश्‍वरयागु फुक्‍क भिंगु बचं पूवंगु थें वय्‌कलं छिमित बियादीगु थ्‍व भिंगु देशं छिमित नाश यानामदीतले वय्‌कलं छिमिथाय् फुक्‍क विपत्ति नं छ्वयाहयादी।

न्‍यायकर्ता 2:15

इपिं न्‍ह्याथाय् लडाइँ याः वंसां परमप्रभुं इपिंलिसें पाफयादीगु थें इमित ताःमलाकेत परमप्रभुया ल्‍हाः अन दइगु। उकिं इपिं तःधंगु आपतय् लात।

१ शमूएल 12:15

तर छिमिसं परमप्रभुया वचन मानय् मयात अले वय्‌कःया विरोध यानाः आज्ञा मानय् मयात धाःसा परमप्रभुं छिमि पुर्खातय्‌गु विरोधय् ल्‍हाः ल्‍ह्वंगु थें छिमिगु विरोधय् नं ल्‍हाः ल्‍ह्वनादी।