लेवी 26:11 - नेवाः बाइबल

¹¹ जि छिमिगु दथुइ थःगु हे पवित्र पालय् च्‍वंवये अले जिं छिमित मयय्‌के मखु।

लेवी 26:11 ပူးပေါင်းရင်းမြစ်များ

२ शमूएल 7:7

गन जि फुक्‍क इस्राएलनापं वयेगु वनेगु यानाः छु जिं जिगु लागि देवदारु सिँया देगः छाय् मदय्‌कागु धकाः जिमि प्रजा इस्राएलया जवाः जुइत जिं आज्ञा बियापिं सुं नायःयात न्‍यना ला?’”

१ राजा 6:13

अले जि इस्राएलया दथुइ च्‍वने, जिं जिमि प्रजा इस्राएलयात गुबलें नं त्‍वःते मखु।”

१ राजा 8:13

जिं छि न्‍ह्याबलें च्‍वनादीत छगू तसकं तःजिगु देगः दय्‌कागु दु।”

१ राजा 8:27

“तर हे परमेश्‍वर, छु छि धात्‍थें पृथ्‍वीइ मनूतय्‌गु दथुइ च्‍वनादी फइ ला? स्‍वर्गत, स्‍वर्ग स्‍वया तःजाःगु स्‍वर्गय् हे छि न्‍ह्यनी मखु धाःसा जिं दय्‌कागु थ्‍व देगलय् झन छि गन न्‍ह्यनी धकाः?

भजनसंग्रहया सफू 106:40

उकी परमप्रभु थः प्रजा खनाः तंचायादिल, वय्‌कलं थः सर्बययात मयय्‌कादिल।

भजनसंग्रहया सफू 76:2

शालेमय् वय्‌कः च्‍वनीगु खः। सियोन पर्वतय् वय्‌कःया छेँ दु।

भजनसंग्रहया सफू 78:59

थ्‍व खनाः परमेश्‍वरं तं पिकयादिल, अले वय्‌कलं इस्राएलीतय्‌त त्‍वःतादिल।

प्रस्‍थान 25:8

“जि इमिगु दथुइ च्‍वनेत इमिसं जिगु निंतिं छगू नापलायेगु पाल दय्‌केमाः।

प्रस्‍थान 29:45

जि इस्राएलीतय्‌गु दथुइ बाय् च्‍वने, अले जि इमि परमेश्‍वर जुइ।

प्रस्‍थान 29:46

जि इमि दथुइ बाय् च्‍वनेत इमित मिश्र देशं पितहयाम्‍ह परमप्रभु इमि परमेश्‍वर खः धकाः इमिसं सी। जि परमप्रभु इमि परमेश्‍वर खः।”

यर्मिया 14:21

छिगु नां तःधंकेत जिमित हेला यानादी मते। छिगु नांजाःगु सिंहासनयात क्‍वह्यंकादी मते। जिपिंलिसें चिनादियागु बाचायात लुमंकादिसँ, अले उकियात त्‍वाथुलादी मते।

विलाप 2:7

परमप्रभुं थःगु वेदीयात मनंनिसें त्‍वःतादीगु दु, थःगु पवित्र थाय्‌यात त्‍वःतादीगु दु। वयागु दरबारतय्‌गु अंगःत तछ्यायेत वय्‌कलं शत्रुतय्‌गु ल्‍हातय् बियादिल। इपिं परमप्रभुया देगलय् हे नखःचखःया दिनय् थें सः थ्‍वय्‌कः हाल।

योएल 2:27

अले जि इस्राएलया दथुइ दु, जि परमप्रभु छिमि परमेश्‍वर खः अले जि बाहेक मेपिं सुं मदु धकाः छिमिसं सी। जिमि प्रजा गुबलें मछालपुइका च्‍वने माली मखु।

लेवी 20:23

जिं छिमिगु न्‍ह्यःनें पितिनाछ्वये त्‍यनागु जातियापिन्‍सं याःथें छिमिसं याना जुइ मते। इमिगु याये मत्‍यःगु ज्‍याखं यानाः जिं इमित मयय्‌कागु खः।

लेवी 26:15

जिगु नियमयात क्‍वह्यंकल धाःसा अले जिनापं चिनातःगु बाचा त्‍वथुल धाःसा,

लेवी 26:43

इमिसं देश त्‍वःतल, इपिं मदय्‌कं नं देशं झासु लनेगु ई हनाच्‍वनी। लिपतय् इमिसं थःगु अर्धमयागु सजाँययात स्‍वीकार याइ छाय्‌धाःसा इमिसं जिगु नियम व विधि मानय् मयाःगु खः। अले इमिसं जिगु विधियात तसकं मय्‌कल।

लेवी 26:44

थुलि जुयाः नं जिं शत्रुतय्‌गु देशय् च्‍वना च्‍वंसां इमित त्‍वःते मखु। अले इपिं नापं चिनातयागु बाचा नं त्‍वथुले मखु। इमित मयय्‌काः नाश याये नं मखु। छाय्‌धाःसा जि इमि परमप्रभु परमेश्‍वर खः।

जकरिया 11:8

जिं लच्‍छिया दुने स्‍वम्‍ह फैजवाःतय्‌त पितिनाछ्वया। अले उगु फैबथानं जितः मयय्‌कल। जितः इपिं खनाः वाक्‍क वल।

एफिसी 2:22

छिपिं नं मेपिं थें पवित्र आत्‍माय् परमेश्‍वर च्‍वनादीगु छेँ जुइत नापनापं च्‍वजाया वनी।

व्‍यवस्‍था 32:19

थ्‍व खनाः परमप्रभुं इमित त्‍वःतादिल, छाय्‌धाःसा थःकाय् म्‍ह्याय्‌पिन्‍सं वय्‌कःयात तंचाय्‌कूगु दु।

यहोशू 22:19

छिमिगु थःगु जमिन अशुद्ध जूगु दुसा परमप्रभुया पवित्र पाल दुगु परमप्रभुया देशय् वा, जिमिगु जमिन जिपिंनापं इनाका। तर परमप्रभु झी परमेश्‍वया वेदी दय्‌कं हाकनं मेगु वेदी दय्‌काः परमप्रभुयागु व जिमिगु विरोध याये मते।

यहोशू 22:31

अले पुजाहारी एलाजारया काय् पीनहासं इमित धाल, “परमप्रभु झीपिंलिसें दी धकाः थौं जिमिसं सिल, छाय्‌धाःसा थ्‍व खँय् छिमिसं परमप्रभुयात ध्‍वंलाःगु मदु। आः धाःसा छिमिसं इस्राएलीतय्‌त परमप्रभुया ल्‍हातं बचय् याःगु दु।”

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।

प्रकाश 7:15

“उकिं हे ला खः नि, आः परमेश्‍वरया सिंहासनया न्‍ह्यःने च्‍वनाः चच्‍छि न्‍हिच्‍छिं देगलय् हे च्‍वनाः वय्‌कःया सेवा यानाच्‍वनी। सिंहासनय् दीम्‍हय्‌सिनं हे इमिगु दथुइ च्‍वनाः रक्षा यानादी।