लेवी 26:1 - नेवाः बाइबल

¹ “‘जि छिमि परमप्रभु परमेश्‍वर खः, अथे जुयाः छिमिसं थःगु लागि मूर्तित दय्‌के मज्‍यू। अले थःगु निंतिं पुजा यायेत गुगु नं झ्‍वाता, कियातःगु सिँया झ्‍वाता, ल्‍वहंया थां वा कियातःगु ल्‍वहं थने मज्‍यू।

लेवी 26:1 ပူးပေါင်းရင်းမြစ်များ

२ राजा 17:10

डाँडा डाँडाया च्‍वकाय् व फुक्‍क वाउँगु सिमाया क्‍वय् इमिसं च्‍वखगु ल्‍वहंया थां व अशेरा द्यःमय्‌जुया थां तल।

२ राजा 17:16

इमिसं परमप्रभु इमि परमेश्‍वरया फुक्‍क आज्ञा त्‍वःतल, अले पुजा यायेत धातुया निम्‍ह द्वहं दय्‌कल। इमिसं अशेरा द्यःमय्‌जुया छगू थां दय्‌कल। इमिसं आकाशया नगुयात भागि यात, बालद्यःयागु सेवा यात।

२ राजा 17:8

अले परमप्रभुं इमिगु न्‍ह्यःनं पित छ्वःपिं मेमेगु जातित व इस्राएलया जुजुपिन्‍सं याःथें इमिसं नं यात।

भजनसंग्रहया सफू 78:58

इमिसं मेपिं द्यःतय्‌गु पुजा यायेगुथाय् दय्‌काः परमेश्‍वरयात तंम्‍वय्‌कल। इमिसं थःगु मूर्तिपाखें वय्‌कःयात नुगः मुइकाबिल।

भजनसंग्रहया सफू 97:7

मूर्ति पुजा याइपिं, मूर्तितय्‌गु बारे घमण्‍ड याइपिं सकलें मछाले माली। परमप्रभुया न्‍ह्यःने फुक्‍क द्यःतय्‌सं छ्यं क्‍वछुकाः आराधना याइ।

प्रस्‍थान 20:2

“छिपिं दास दासी जुयाच्‍वंगु मिश्र देशं पित हयाम्‍ह जि परमप्रभु छिमि परमेश्‍वर खः।

प्रस्‍थान 20:23

जि त्‍वःताः छुकिंयागु नं मूर्ति दय्‌के मते। थःगु निंतिं छिमिसं लुँ वहःया मूर्ति दय्‌के मते।

प्रस्‍थान 23:24

इमि द्यःतय्‌त भागियाये मते, इमिगु पुजा याये मते। अय्‌नं उपिं द्यःतय्‌त स्‍यंकाब्‍यु। अले इमिसं पुजा याइगु ल्‍वहंतय्‌त तछ्यानाब्‍यु।

प्रस्‍थान 34:17

“छिमिसं थःगु निंतिं नाय्‌काः मूर्तित दय्‌के मते।

यशैया 2:20

व दिंखुन्‍हु मनूतय्‌सं आराधना यायेत थःम्‍हं दय्‌कूगु वहः व लुँया मूर्तित छुं व चिकंलापाया न्‍ह्यःने वान्‍छ्वया बी।

लेवी 19:4

“‘मूर्तिपाखे छिपिं वने मते, अले छिमिसं थःगु निंतिं धातु नाय्‌काः द्यःत नं दय्‌के मते।

लेवी 25:55

छाय्‌धाःसा इस्राएलीत जिमि दासदासीत खः। जिं हे इमित मिश्र देशं पित हयागु खः। जि परमप्रभु छिमि परमेश्‍वर खः।

लेवी 7:33

मेलबलिया हि व दाः छाःम्‍ह हारूनया काय्‌यागु ब्‍व जव खम्‍पा जुइ।

गन्‍ती 33:52

व देशयापिं मनूतय्‌त इमिगु देशं पितिनाछ्व। अले इमिगु कियातःगु झ्‍वाता व नाय्‌कातःगु मूर्ति फुक्‍कयात नाश यानाब्‍यु। इमिसं पुजा याइगु देगःचात नं स्‍यंकाब्‍यु।

प्रेरित 17:29

झीपिं थथे परमेश्‍वरया सन्‍तान खः धकाः सीक सीकं, झीसं थ्‍व हे परमेश्‍वरयात कःमितय्‌सं दय्‌कातःगु लुँ, वहः, अले ल्‍वहंया मूर्ति थें ताय्‌केगु बांमलाः।

व्‍यवस्‍था 27:15

“कारिगरं कियाः दय्‌कातःगु धातुयागु मूर्ति दय्‌काः वयात सुनां मसीकं थापं याःम्‍ह मनूयात सराः लायेमाः।” अले फुक्‍कसिनं “आमेन” धायेमाः।

व्‍यवस्‍था 5:6

“छिमित छिपिं दास जुयाः च्‍वनाच्‍वंगु मिश्र देशं त्‍वःतका हयाम्‍ह जि परमप्रभु छिमि परमेश्‍वर खः।

प्रकाश 22:15

शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।

न्‍यायकर्ता 18:30

दान कुलयापिन्‍सं उपिं मूर्तितय्‌त पलिस्‍था यात। अले इस्राएल जातियात ज्‍वनाः मयंतले मोशाया काय् गेर्शोमया काय् जोनाथन व वया काय्‌पिं दान कुलया पुजाहारी जुल।