लेवी 25:9 - नेवाः बाइबल

⁹ न्‍हय्‌गूगु लाया झिन्‍हु खुन्‍हु, प्रायश्‍चितया दिंखुन्‍हु छिमिसं देशय् न्‍यंकं फैया नेकूया तुरही पुइकि।

लेवी 25:9 ပူးပေါင်းရင်းမြစ်များ

भजनसंग्रहया सफू 89:15

हे परमप्रभु, धन्‍य खः भजन हालाः छिगु आराधना याइपिं, व छिगु दयाया जलय् म्‍वानाच्‍वनिपिं मनूत।

भजनसंग्रहया सफू 89:16

इपिं न्‍हिच्‍छि हे छिगु हे नामय् लय्‌ताइ। अले इपिं छिगु हे धार्मिकताया कारणं च्‍वय् थाहां वनी।

यशैया 27:13

व दिंखुन्‍हु छगू तःधंगु तुरही पुइ। अश्‍शूरय् नाश जूपिं व मिश्र देशय् ज्‍वनायंकूपिं वयाः यरूशलेमया पवित्र पर्वतय् परमप्रभुया आराधना याइ।

लेवी 16:20

“हारूनं महा-पवित्र थाय्, पवित्र पाल व वेदीया निंतिं प्रायश्‍चित याये धुंकाः ल्‍यंम्‍ह दुगुचा हयेमाः।

लेवी 16:29

“थ्‍व छिमिगु निंतिं न्‍ह्याबलेंया नियम खः। दँय्‌दसं न्‍हय्‌गूगु लाया झिन्‍हु खुन्‍हु छिमिसं छुं नये मते। अले छुं ज्‍या मयासें च्‍वनेमाः। थथे छिपिंनापं दुपिं पिनेयापिं मनूतय्‌सं नं यायेमाः।

लेवी 16:30

छाय्‌धाःसा उखुन्‍हु हे छिमित शुद्ध यायेत छिमिगु निंतिं प्रायश्‍चित याइ। अले परमप्रभुया न्‍ह्यःने छिमिगु फुक्‍क पापपाखें छिपिं शुद्ध जुइ।

लेवी 23:24

“इस्राएलीतय्‌त धा, ‘न्‍हय्‌गूगु लाया न्‍हापांगु दिं फुक्‍कं झासु लनेगु दिं जुइमाः। उखुन्‍हु फैया नेकूया तुरही पुयाः परमेश्‍वरया छगू पवित्र मुंज्‍या जुइमाः।

लेवी 23:27

“न्‍हय्‌गूगु लाया झिन्‍हु खुन्‍हु प्रायश्‍चितया दिं जुइ। उखुन्‍हु छिमिसं छुं मनसें छगू पवित्र मुंज्‍या तयेमाः। अले परमप्रभुयात विशेष देछा छायेमाः।

लेवी 25:8

“‘छिमिसं न्‍हय्‌गू विश्रामदँ अथे धयागु न्‍हय्‌दुगं न्‍हय्‌दँ ल्‍याःखा, थ्‍व फुक्‍क ल्‍याःखाय् बलय् पिइगुंगूदँय् छकः

लेवी 27:17

वं लुँदँ हनीगु नखःया दँनिसें हे थःगु बुँ छायेगु खःसा उकियागु मू पुजाहारीं क्‍वःछीगुकथं हे जुइमाः।

लेवी 27:24

लुँदँया नखःया दँय् व बुँ छाःम्‍हय्‌सिनं सुयाके न्‍यानाकाःगु खः अले व बुँ सुयागु पुर्खौली सम्‍पत्ति खः वयात हे लितबीमाः।

गन्‍ती 10:10

छिमिसं लसताया ज्‍याखँय्, क्‍वःछिनातःगु नखःचखः व अमाइ पतिकं थःगु होमबलि व मेलबलि छायेबलय् नं तुरही पु। अले छिमि परमेश्‍वरयात छिपिं लुमनावइ। जि परमप्रभु छिमि परमेश्‍वर खः।”

गन्‍ती 36:4

इस्राएलीतय्‌गु निंतिं लुँदँ वइबलय् इमिगु सर्बय इपिं ब्‍याहा याना वंगु कुलय् हे ल्‍वाकज्‍याःवनी। इमिगु सर्बय झी पुर्खातय्‌गु सर्बयपाखें लाका काइ।”

रोमी 10:18

अय्‌नं जिं न्‍ह्यसः याये – छु इमित त्‍वहः तयेगु लँ दु ला? छु इमिसं गुबलें हे मन्‍यंनि ला? “धात्‍थें धायेगु खःसा इमिगु सुचं संसार न्‍यंक न्‍यनाच्‍वंगु दु। अले संसारया कुंकुलामय् थ्‍यंक ताये दयाच्‍वंगु दु।”

रोमी 15:19

जिं अजू चायापुगु चिं व ज्‍या नं याना, पवित्र आत्‍मायागु शक्तिं यरूशलेमंनिसें इल्‍लुरिकन तक फुक्‍कभनं ख्रीष्‍टयागु भिंगु खँ न्‍यंकागु दु।

१ थेसलोनिकी 1:8

छिमिसं प्रभुयागु वचन माकेडोनियाय् व अखैयाय् जक न्‍यंकूगु मखु, बरु छिमिसं परमेश्‍वरयात विश्‍वास याःगु खँनापं न्‍यंकभनं बय्‌बय् जूगु दु। थ्‍व खँय् जिमिसं छुं हे धया च्‍वनेमाःगु मदु।

यहोशू 6:4

न्‍हय्‌म्‍ह पुजाहारीत फैया नेकूया न्‍हय्‌पु तुरही ज्‍वनाः बाचा चिनादीगु सनूया न्‍ह्यः न्‍ह्यः न्‍यासि वनेमाः। न्‍हय्‌न्‍हु खुन्‍हु छिमिसं व शहर न्‍हय्‌कः तक चाःहिला च्‍वंबलय् पुजाहारीतय्‌सं तुरही पुइमाः।