लेवी 25:2 - नेवाः बाइबल

² “इस्राएलीतय्‌त थथे धा, ‘जिं छिमित बीगु देशय् वने धुंकाः अनयागु बुँनं परमप्रभुया निंतिं झासु लनेमाः।

लेवी 25:2 ပူးပေါင်းရင်းမြစ်များ

२ इतिहास 36:21

यर्मियाया म्‍हुतुं पिहां वःगु परमप्रभुया वचन पूवनेत न्‍हयेदँ (७०) पुला मवंतले, झिजांमिजां दनाच्‍वंतले देशं थःगु विश्राम दँत हनाच्‍वन।

भजनसंग्रहया सफू 115:16

स्‍वर्ग ला परमप्रभुयागु हे खः, पृथ्‍वी धाःसा वय्‌कलं मनूतय्‌त बियादीगु दु।

प्रस्‍थान 23:10

“खुदँ तक थःगु बुँइ पुसा ह्वलाः उकियागु बाली मुँ।

यशैया 8:8

इपिं खुसिबाः थें न्‍ह्यानाः यहूदा थ्‍यंक हे वइ। अले लः जायाः गःपः थ्‍यंक हे थ्‍यनी। इमिसं तःधिकःम्‍ह झंगलं ब्‍वय्‌कातःगु पपुतिं थें छगुं देशयात त्‍वपुयाबी, हे इम्‍मानुएल!”

यर्मिया 27:5

थ्‍व पृथ्‍वी, थ्‍व पृथ्‍वीइ च्‍वंपिं मनूत व पशुतय्‌त जिं थःगु तःधंगु बलं व ल्‍हाःया शक्तिं दय्‌कागु दु, अले जिं थुकियात सुयात बी मास्‍ति वः वयात बी।

लेवी 14:34

“जिं छिमित सम्‍पत्तिकथं बीत्‍यनागु कनान देशय् छिपिं च्‍वंवने धुंकाः अन च्‍वंगु सुयागुं छेँय् जिं खाःचिलुइकाबिल धाःसा

लेवी 23:32

थ्‍व छिमिगु निंतिं फुक्‍कं झासु लनेगु विश्रामबारया दिं खः। गुन्‍हुया सन्‍ध्‍याकाः इलंनिसें कन्‍हय् खुन्‍हु सन्‍ध्‍याकाः ईतक छिमिसं छुं मनसें थ्‍व विश्रामबार हनेमाः।”

लेवी 25:1

परमप्रभुं सीनै पर्वतय् मोशायात धयादिल,

लेवी 25:3

छिमिसं खुदँतक थःगु बुँइ प्‍यु, दाखमाया कचा न्‍हा, अले उकियागु फल खायेगु या।

व्‍यवस्‍था 32:49

“यरीहोया न्‍ह्यःने मोआब देशय् दुगु अबारीम पर्वत झ्‍वःयागु नेबो डाँडाय् थाहां हुँ। अले जिं इस्राएलीतय्‌त इमिगु थःगु अधिकारय् बीत्‍यनागु कनान देशयात स्‍व।

व्‍यवस्‍था 32:8

दक्‍वसिबय् तःधंम्‍हय्‌सिनं जाति जातियात इमिगु सर्बय बियादिल। गबले वय्‌कलं मानव जातियात अलग अलग तयादिल अले इस्राएलीतय्‌गु ल्‍याःकथं इमिगु सिमाना क्‍वःछिनादिल।

व्‍यवस्‍था 34:4

अले परमप्रभुं वयात धयादिल, “अब्राहाम, इसहाक व याकूबयात इमि लिपायापिं इमि सन्‍तानतय्‌त बी धकाः पाफयाः बचं बियागु देश थ्‍व हे खः। जिं थ्‍व छन्‍त छंगु हे मिखां स्‍वये बिया, अय्‌नं छ अन वने दइ मखु।”