लेवी 24:9 - नेवाः बाइबल

⁹ अले थ्‍व मरि हारून व वया सन्‍तानतय्‌गु निंतिं खः। अले परमप्रभुयात छाःगु विशेष देछात मध्‍ये थ्‍व इमिगु न्‍ह्याबलेंया भाग तसकं पवित्र खः। अथे जुयाः इमिसं थ्‍व नापलायेगु पाल दुने नयेमाः।”

लेवी 24:9 ပူးပေါင်းရင်းမြစ်များ

प्रस्‍थान 27:21

पवित्र पालय् बाचा चिनातःगु सनूया न्‍ह्यःने च्‍वंगु पर्दाया पिने हारून व वया काय्‌पिन्‍सं सन्‍ध्‍याकाः ई निसें सुथय् तक परमप्रभुया न्‍ह्यःने पाल्‍चा मदिक्‍क च्‍याकेमाः। थ्‍व उजं इस्राएली व वया सन्‍तानयात न्‍ह्याबलेंया निंतिं जुइमाः।”

लेवी 10:12

मोशां हारून व वया ल्‍यंदुपिं काय्‌पिं एलाजार व ईतामारयात धाल, “परमप्रभुयात विशेष देछा छाये धुंकाः ल्‍यं दुगु अन्‍नबलि यंकाः वेदी लिक्‍क सोडा ल्‍वाकमछ्यासे दय्‌काः न, छाय्‌धाःसा थ्‍व तसकं पवित्र जू।

लेवी 10:17

“छिमिसं छाय् पापबलि नापलायेगु पालया चुकय् मनयागु? व तसकं पवित्रगु खः। परमप्रभुं थ्‍व खलःया दोष हुयाछ्वयेगु निंतिं अले मनूतय्‌त शुद्ध यायेगु निंतिं परमप्रभुया न्‍ह्यःने प्रायश्‍चित यायेत छिमित बियादीगु खः।

लेवी 21:22

पुजाहारीया सन्‍तान जूगुलिं वं थः परमेश्‍वरयात छायेहःगु विशेष देछा नये फइ।

लेवी 24:10

छम्‍ह इस्राएली मिसाया काय् दु। वया अबु मिश्री खः। इस्राएली मिसाया व काय् इस्राएलीतनापं च्‍वनाच्‍वंगु खः। व छम्‍ह इस्राएली मनूनापं ल्‍वात।

लेवी 3:17

“‘छिमिसं दाः व हि गुबलें नये मते। थ्‍व छिमि पुस्‍तौं पुस्‍ताया लागिं न्‍ह्याबलेंया नियम खः।’”

लेवी 6:11

अले वं फिनातःगु वसः त्‍वयाः मेगु वसः पुनाः नौयात छाउनी पिने छगू शुद्धगु थासय् यंकेमाः।

लेवी 6:16

“‘ल्‍यं दुगु धाःसा हारून व वया काय्‌पिन्‍सं नइ। इमिसं थुकियात सोडा मतसे व नापलायेगु पालया चुकय् च्‍वनाः नयेमाः।

लेवी 6:9

“हारून व वया काय्‌पिन्‍त थथे आज्ञा ब्‍यु, ‘होमबलि बीगु विधि थथे खः – होमबलि चच्‍छि व सुथय् तक वेदीइ तयेमाः। वेदीइ मि च्‍यानाच्‍वनेमाः।

लेवी 8:3

नापलायेगु पालया ध्‍वाखाय् हजि। अले फुक्‍क खलःयात नं अन हे मुंकि।”

लेवी 8:31

अले मोशां हारून व वया काय्‌पिन्‍त धाल, “छिमिसं नापलायेगु पालया चुक दुने ध्‍वाखाया लिक्‍क ला दय्‌काः व अभिषेक बलिया दालाय् दुगु मरिनापं अन हे च्‍वनाः न।

मलाकी 1:12

“छिमिसं धाःसा ‘परमप्रभुया टेबिल अशुद्धगु खः’ अले ‘उकी दुगु नयेगु नसा नं अशुद्धगु खः’ धकाः धयाः ‘जिगु नां क्‍वह्यंकाच्‍वंगु दु।’

मत्ती 12:4

गुकथं वं परमेश्‍वरया छेँय् दुहां वनाः अन छायातःगु मरि नल? अले थःनाप वःपिन्‍त नं नकल। परमेश्‍वरयात छायातःगु मरि ला पुजाहारीतय्‌सं सिबय् मेपिन्‍सं नये हे मज्‍यू।

मर्कूस 2:26

गुकथं दकलय् तःधंम्‍ह पुजाहारी अबियाथारया पालय् परमेश्‍वरया छेँय् दुहां वनाः अन छायातःगु मरि नल, अले थःनाप वःपिन्‍त नं नकल। परमेश्‍वरयात छायातःगु मरि ला पुजाहारीतय्‌सं बाहेक मेपिन्‍सं नये हे मज्‍यू।”

लूका 6:4

गुकथं वं परमेश्‍वरया छेँय् दुहां वनाः छायातःगु मरि नल? अले थःनाप वःपिन्‍त नं नकल। परमेश्‍वरयात छायातःगु मरि ला पुजाहारीतय्‌सं सिबय् मेपिन्‍सं नये हे मज्‍यू।”

१ शमूएल 21:6

अथे जुयाः अन छायातःगु मरि मेगु मदुगुलिं व पुजाहारीं वयात छायातःगु मरिसां बिल। व मरि परमप्रभुया न्‍ह्यःनं कयाहयाः उखुन्‍हु हे क्‍वाःगु मरि हाकनं व हे थासय् तयातःगु खः।