लेवी 24:8 - नेवाः बाइबल

⁸ विश्रामबार पतिकं हारूनं न्‍हूगु मरि परमप्रभुया न्‍ह्यःने ब्‍वयातयेमाः। थ्‍व इस्राएलीतय्‌त न्‍ह्याबलेंया लागिं विधि खः।

लेवी 24:8 ပူးပေါင်းရင်းမြစ်များ

१ इतिहास 23:29

देछागु मरि टेबुलय् मिलय् यायेगु, अन्‍नबलिया छुचुं, सोडा मतःगु मरि, छूगु व चिकनय् छुनातःगु मरि, ढक व नापय् यायेगु व लनेगु फुक्‍क ज्‍याया जिम्‍मा इमिगु खः।

१ इतिहास 9:32

इमि कोरह वंशयापिं छुं दाजुकिजापिनिगु ज्‍या विश्रामबार पतिकं छायेहःगु मरि तयातःगु तेबिलय् मरि तयार यायेगु खः।

२ इतिहास 13:11

न्‍हियान्‍हिथं सुथय् व बहनि इमिसं परमप्रभुया निंतिं होमबलि छाइ, गुँगू थनी, शुद्धगु तेबिलय् देछाःगु मरि तइ, अले सन्‍ध्‍या ई पतिकं लुँया त्‍वादेवातय् दुगु मत च्‍याकी। थुकथं परमप्रभु झी परमेश्‍वरं आज्ञा बियादीगु खँ जिमिसं पालन याना। छिमिसं धाःसा वय्‌कःयात त्‍वःतूगु दु।

२ इतिहास 2:4

छाय्‌धाःसा जिं जिमि परमप्रभु परमेश्‍वरया निंतिं छगः देगः दय्‌के त्‍यनागु दु। व जिं वय्‌कःयात देछाये। अन जि व जिमि प्रजां वय्‌कःया आराधना यायेगु, गुँगू थनेगु देछागु मरि न्‍ह्याबलें झ्‍वःलाक तयाः छायेगु अले सुथय्, बहनिइ, विश्रामबार पतिकं, अमइया नखः व परमप्रभु जिमि परमेश्‍वरया क्‍वःछिनातःगु नखः नखःबलय् होमबलि छायेगु जुइ। वय्‌कलं न्‍ह्याबलें थथे यायेगु आज्ञा बियादीगु दु।

नहेम्‍याह 10:33

जिमि परमेश्‍वरया देगःया सेवाया निंतिं पवित्रगु मरि, न्‍हियान्‍हिथंया अन्‍नबलि व होमबलिया निंतिं पशुत, शबाथ, अमाइ व मेगु नखःचखःबलय् माःगु देछात, इस्राएलया प्रायश्‍चितया निंतिं पापबलि, अले जिमि परमेश्‍वरया देगःया ज्‍याया निंतिं छु छु माःगु मेगु नं जिमिसं बी।

प्रस्‍थान 25:30

तेबिलय् जिगु न्‍ह्ययःने न्‍ह्याबलें देछाःगु मरि तयेगु या।

गन्‍ती 4:7

“परमप्रभुयात छाःगु मरि ब्‍वयातइगु तेबिलय् इमिसं वँचुगु कापः लायाः भु, थल, ख्‍वला, त्‍वँसाबलिया आम्‍खुरा व परमप्रभुयात छायेहःगु मरि तयेमाः।

१ शमूएल 21:7

शाऊलया दासत मध्‍ये सुं छम्‍ह नं उखुन्‍हु अन परमप्रभुया न्‍ह्यःने च्‍वनाच्‍वंगु खः। वयागु नां एदोमी दोएग खः। व शाऊलया फैजवाःतय् मूम्‍ह नायः खः।